ຈາກກໍລະນີທີ່ມີການແຜ່ລະບາດຂອງພະຍາດໂຄວິດ-19 ຮອບໃໝ່ໃນປະເທດໄທ, ເຮັດໃຫ້ມີຜູ້ເສຍຊີວິດ ແລະ ຕິດເຊື້ອຢ່າງຕໍ່ເນື່ອງ. ທ່ານ ອະນຸຊາ ນາຄາໄສ ລັດຖະມົນຕີປະຈຳສຳນັກນາຍົກລັດຖະມົນຕີ ຈຶ່ງໄດ້ ມອບໝາຍ ໃຫ້ສຳນັກງານພະພຸດສາສະໜາແຫ່ງຊາດ ຈັດພິທີສວດມົນພ້ອມກັນທົ່ວປະເທດ ໃນວັນທີ 11 ພຶດສະພາ 2021 ເວລາ 5:00 ໂມງເຊົ້າເປັນຕົ້ນໄປ.
ໂດຍມີ ສົມເດັດ ພະອະນິຍະວົງສາຄະຕະຍານ ສົມບັນພະສັງຄະລາດສະກົນສັງຂາປະລິນນາຍົກ ເປັນປະທານຝ່າຍສົງ ແລະ ທ່ານ ອະນຸຊາ ນາຄາໄສ, ລັດຖະມົນຕີປະຈຳສຳນັກນາຍົກລັດຖະມົນຕີ ເປັນປະທານຝ່າຍບໍລິຫານຝ່າຍທາງໂລກ.
ລັດຖະມົນຕີປະຈຳສຳນັກງານນາຍົດກ່າວວ່າ ການຈັດພິທີສວດມົນຄັ້ງນີ້ ເປັນການສ້າງຂວັນກຳລັງໃຈໃຫ້ກັບປະຊາຊົນ ລວມເຖິງເພື່ອຄວາມເປັນສິລິມົງຄຸນແກ່ປະເທດຊາດ ເຊິ່ງຕົກຢູ່ໃນສະຖານະການປັດຈຸບັນທີ່ກຳລັງພົບຢູ່ ອາດເຮັດໃຫ້ເກີດຄວາມຄຽດ ການສວດມົນ ເຮັດສະມາທິ ຈະຊ່ວຍເຮັດໃຫ້ຈິດໃຈສະຫງົບຫຼາຍຂື້ນ.