spot_img
Homeຂ່າວຕ່າງປະເທດສະຫະພາບເອີຣົບປະກາດຄວໍ້າບາດມຽນມາເພື່ອຕອບໂຕ້ການລັດຖະປະຫານ

ສະຫະພາບເອີຣົບປະກາດຄວໍ້າບາດມຽນມາເພື່ອຕອບໂຕ້ການລັດຖະປະຫານ

Published on

ສຳນັກຂ່າວຕ່າງປະເທດລາຍງານວ່າ ໃນວັນທີ 20 ເມສາ 2021 ສະຫະພາບເອີຣົບ (EU) ໄດ້ປະກາດຄວໍ້າບາດມຽນມາ ເພື່ອໂຕ້ຕອບລັດຖະບານມຽນມາທີ່ເຮັດລັດຖະປະຫານໂຄ້ນລົ້ມລັດຖະບານພົນລະເຮືອນໃນວັນທີ 1 ກຸມພາ ທີ່ຜ່ານມາ.

ທັງນີ້, EU ປະກາດຄວໍ້າບາດບູກຄົນ 10 ຄົນ ແລະ ບໍລິສັດ 2 ແຫ່ງທີ່ກ່ຽວຂ້ອງກັບລັດຖະບານທະຫານຂອງມຽນມາ ໂດຍຜູ້ທີ່ຢູ່ໃນລາຍຊື່ຖືກຄວໍ້າບາດດັ່ງກ່າວຈະບໍ່ສາມາດໄດ້ຮັບເງິນທຶນຈາກຜູ້ທີ່ອາໃສຢູ່ໃນ EU ລວມເຖິງບໍລິສັດທີ່ຕັ້ງໃນ EU.

ຖະແຫຼງການກ່າວວ່າ “ ພວກເຂົາເຈົ້າມີຄວາມຮັບຜິດຊອບຕໍ່ການທຳລາຍລະບອບປະຊາທິປະໄຕ ແລະ ກົດໝາຍໃນມຽນມາ ລວມທັງການລະເມີດສິດທິມະນຸດຢ່າງຮຸນແຮງ”

ໃນຕົ້ນເດືອນມີນາທີ່ຜ່ານມາ ກະຊວງການຄ້າສະຫະລັດອອກຖະແຫຼງການໃນບັນຊີດຳຂອງກະຊວງພາຍໃນ ແລະ ກະຊວງປ້ອງກັນປະເທດມຽນມາ ເຊິ່ງແມ່ນອົງການຮັກສາຄວາມປອດໄພທີ່ພົວພັນໂດຍກົງກັບຕຳຫຼວດ ແລະ ການປະຕິບັດງານທາງທະຫານຂອງມຽນມາ ໃນການສະກັດກັ້ນການຕໍ່ຕ້ານລັດຖະປະຫານທີ່ຂ້ອນຂ້າງຍາວນັບຕັ້ງແຕ່ວັນທີ 1 ເດືອນກຸມພາທີ່ຜ່ານມາ.

ພ້ອມທັງຄວໍ້າບາດມຽນມາບໍລິສັດເສດຖະກິດມຽນມາ (MEHL) ເຊິ່ງບໍລິສັດດ້ານການລົງທຶນແຫ່ງຊາດຂອງມຽນ ແລະ ບໍລິສັດຄວາມມືທາງເສດຖະກິດມຽນມາ ເນື່ອງຈາກມີຄວາມເຊື່ອມໂຍງທາງໂຄງສ້າງກອງທັບມຽນມາດ້ວຍ.

ຮຽບຮຽງຂ່າວ: ພຸດສະດີ

 

ບົດຄວາມຫຼ້າສຸດ

ຕົກກາງທະເລ! ເຮລິຄອບເຕີແພດຍີ່ປຸ່ນຕົກທະເລ ຂະນະຂົນສົ່ງຜູ້ປ່ວຍໄປໂຮງໝໍ

ເຮລິຄອບເຕີແພດຂອງຍີ່ປຸ່ນເກີດເຫດຕົກກາງທະເລ ຂະນະກຳລັງຂົນສົ່ງຜູ້ປ່ວຍໄປໂຮງໝໍ ເຮັດໃຫ້ມີຜູ້ເສຍຊີວິດ 3 ຄົນ. ສຳນັກຂ່າວຕ່າງປະເທດລາຍງານ ເຫດເຮລິຄອບເຕີແພດຍີ່ປຸ່ນລຳໜຶ່ງຕົກກາງທະເລ ຂະນະກຳລັງຮັບ-ສົ່ງຜູ້ປ່ວຍ 1 ຄົນໄປໂຮງໝໍ ໂດຍເດີນທາງຈາກສະໜາມບິນສຶຊິມະ ໃນຈັງຫວັດນາງາຊາກິ ໄປໂຮງໝໍໃນເມືອງຟຸຄຸໂອກະ ເມື່ອວັນທີ 6...

ປະຊາຊົນຊາວອາເມລິກາລວມຕົວກັນຕາມເມືອງໃຫຍ່ ກວ່າ 50 ລັດ ປະທ້ວງຕໍ່ຕ້ານ ໂດນັລ ທຣຳ ຜູ້ນຳສະຫະລັດ

ຊາວອາເມລິກາລວມຕົວກັນຕາມເມືອງໃຫຍ່ ແລະ ສະຖານທີ່ຕ່າງໆ ເພື່ອປະທ້ວງຕໍ່ຕ້ານ ປະທານາທິບໍດີ ໂດນັລ ທຣຳ ແລະ ອີລອນ ມັສ. ສຳນັກຂ່າວຕ່າງປະເທດລາຍງານໃນວັນທີ 6 ເມສາ 2025 ຜ່ານມານີ້ວ່າ:...

ພູເຂົາໄຟໃນຟິລິບປິນ ປະທຸໜັກ ເຮັດໃຫ້ຂີ້ເທົາພຸ່ງຂຶ້ນທ້ອງຟ້າສູງກວ່າ 4,000 ແມັດ

ປະທຸໜັກ! ພູເຂົາໄຟໃນຟິລິບປິນ ເຮັດໃຫ້ຂີ້ເທົາພຸ່ງຂຶ້ນທ້ອງຟ້າສູງກວ່າ 4,000 ແມັດ ສຳນັກຂ່າວຕ່າງປະເທດລາຍງານ ພູເຂົາໄຟຄັນລະອອນ ໃນຟິລິບປິນ ເກີດປະທຸຂຶ້ນໃນຊ່ວງເຊົ້າຂອງວັນອັງຄານ 7 ເມສາ 2025 ຜ່ານມາ, ເຮັດໃຫ້ຂີ້ເທົາພຸ່ງຂຶ້ນທ້ອງຟ້າສູງເຖິງ 4,000...

ພະຍາກອນອາກາດ ປະຈໍາວັນທີ 08 ເມສາ 2025, ເວລາ 08 ໂມງ 00

ພາກໃຕ້ຮ້ອນສຸດໂດຍສະເພາະ ແຂວງສາລະວັນ, ຈໍາປາສັກ, ເຊກອງ ແລະ ອັດຕະປື. ຄວາມກົດດັນສູງຂອງອາກາດເຢັນມີກໍາລັງອ່ອນ ຍັງປົກຄຸມຢູ່ເຂດພາກເຫນືອດ້ານຕາເວັນອອກ ລົງຫາ ພາກກາງຂອງປະເທດ ລາວ, ສົມທົບກັບກະແສລົມຕາເວັນຕົກພັດປົກຄຸມພາກເຫນືອ ແລະ ກະແສລົມຕາເວັນອອກສ່ຽງໃຕ້ພັດປົກຄຸມພາກກາງ ແລະ...