ຕອນນີ້ຫຼາຍຄົນກຳລັງເຂົ້າໃຈຜິດ ເພາະຄິດວ່າການພິມ GG ແລ້ວກາຍເປັນຂໍ້ຄວາມສີບົວ ສະແດງວ່າບໍ່ຖືກເຟສບຸ໊ກ ປິດກັ້ນ ແຕ່ຄວາມຈິງແລ້ວມັນເປັນພຽງໜຶ່ງໃນ Text Delight ເທົ່ານັ້ນ.
Facebook Text Delight ຈະມີຫຼາຍຮູບແບບຕາມຄວາມໝາຍຂອງຂໍ້ຄວາມ ແລະ ມີການປ່ຽນແປງເລື້ອຍໆຕາມຊ່ວງເວລາ ມີການເພີ່ມເຕີມ ແລະ ລົບໄປແລ້ວໃນບາງຂໍ້ຄວາມ ເຊິ່ງຫຼັກໆທີ່ຍັງໃຊ້ກັນຢູ່ໃນລາວມີດັ່ງນີ້: XoXo, xoxoxo, xo, GG, GGXOXO, ຍິນດີດ້ວຍ, Congrats, Congratulations.
Facebook Text Delight Animations ເປັນພຽງຟີເຈີ Facebook ທີ່ຈະເຮັດໃຫ້ໂພສ ຫຼື ຄອມເມັ້ນທີ່ມີຄຳສຳຄັນທີ່ Facebook ກຳນົດໄວ້ ເຊິ່ງຈະເປັນຂໍ້ຄວາມອວຍພອນ ຫຼື ສະແດງຄວາມຍິນດີ ເມື່ອການເຜີຍແຜ່ໂພສ ຫຼື ຄອມເມັ້ນດັ່ງກ່າວ ມີພາບເຄື່ອນໄຫວສະແດງຂຶ້ນເທິງໜ້າຈໍ ແລະ ຂໍ້ຄວາມກາຍເປັນໂຕໜາ ແລະ ມີສີຕ່າງຈາກສີປົກກະຕິ ແລະ ເມື່ອກົດຄລິກທີ່ຂໍ້ຄວາມກໍ່ຈະມີພາບເຄື່ອນໄຫວຂຶ້ນທຸກຄັ້ງທີ່ກົດຂໍ້ຄວາມ.
ຮຽບຮຽງຂ່າວ: ພຸດສະດີ