spot_img
Homeຂ່າວທ້ອງຖິ່ນລາວພົບຜູ້ຕິດເຊື້ອໂຄວິດ-19 ເພີ່ມ 2 ຄົນ

ລາວພົບຜູ້ຕິດເຊື້ອໂຄວິດ-19 ເພີ່ມ 2 ຄົນ

Published on

ອີງຕາມການຖະແຫຼງການຈາກຄະນະສະເພາະກິດຄວບຄຸມໂຄວິດ-19 ໃນວັນທີ 11 ເມສາ 2021 ວ່າ ສ ປປ ລາວ ພົບຜູ້ຕິດເຊື້ອໂຄວິດ-19 ເພີ່ມ 2 ຄົນ, ກໍລະນີ 50 ເພດຊາຍ​ ອາຍຸ​ 41​ປີ​ ສັນຊາດໄທ ນັກທຸລະກິດ​ (ໄປສຳຜັດກັບຄົນໄທ​ຢູ່ຊາຍແດນມີຜູ້ໃກ້ຊິດສຳຜັດ 10​ ຄົນ ລໍຜົນກວດ)​, ກໍລະນີ 51 ເພດ​ຊາຍ​ ອາຍຸ​ 41​ປີ​ ສັນຊາດ​ລາວ​ ອາຊີບພະນັກງານເດີນທາງ​ມາຈາກ​ ປະເທດມົງໂກນ.

ກໍລະນີ 50 ເປັນເພດຊາຍ, ອາຍຸ 41 ປີ ສັນຊາດໄທ ອາຊີບນັກທຸລະກິດ. ຜູ້ກ່ຽວມາຢູ່ ສປປ ລາວ ແຕ່ເດືອນ ກຸມພາ 2020 ຈົນຮອດປັດຈຸບັນແມ່ນບໍ່ໄດ້ກັບປະເທດໄທ. ຜູ້ກ່ຽວແມ່ນພັກຢູ່ຮ້ານອິນເຕີເນັດ 189 ບ້ານໂພນຕ້ອງ, ເມືອງຈັນທະບຸລີ,​ ນະຄອນຫຼວງວຽງຈັນ.

ກ່ອນໜ້ານີ້ 1 ອາທິດທີ່ຜ່ານມາ (ໃນວັນທີ 3 ເມສາ 2021)

  • ຜູ້ກ່ຽວໄດ້ອອກຈາກຮ້ານອິນເຕີເນັດ 189 ເດີນທາງໄປເມືອງຫາດຊາຍຟອງ ເພື່ອຊອກສະຖານທີ່ຂຸດໜອງປາ ແລ້ວຢາກກິນນໍ້າ ຈຶ່ງຂີ່ລົດໄປທາງຂົວມິດຕະພາບແລ້ວພໍກັບຄົນໄທຈຳນວນ 03 ຄົນ ຈາກນັ້ນກໍ່ໄດ້ກິນເບຍນຳກັນຢູ່ແຄມທາງແຕ່ບໍ່ໄດ້ເຂົ້າຮ້ານ ໃຊ້ເວລາປະມານ 20-30ນາທີ, ເຊິ່ງຄົນໄທທັງ 03 ຄົນແມ່ນລັກຂີ່ເຮືອນ້ອຍເຂົ້າມາແຕ່ບໍ່ຮູ້ວ່າເຂົ້າມາທາງໃດ ຄິດວ່າກັບໄທແລ້ວ.
  • ວັນທີ 6-7 ເມສາ 2021 ກ່ອນໜ້າມີອາການຜູ້ກ່ຽວພັກຢູ່ຊັ້ນສອງຂອງຮ້ານອິນເຕີເນັດ 189 ແມ່ນບໍ່ໄດ້ໄປພົວພັນກັບໃຜ ແລະ ປົກກະຕິຜູ້ກ່ຽວບໍ່ໄດ້ລົງມາທາງລຸ່ມ. ພະນັກງານພາຍໃນຮ້ານມີປະມານ 5 ຄົນ.
  • ວັນທີ 8 ເມສາ 2021 ຜູ້ກ່ຽວມີອາການໄຂ້, ໄອ ແຕ່ບໍ່ມີຫຼາຍ, ປວດຕາມຕົນໂຕ ແລະ ມີອາການເຈັບຄໍ.
  • ວັນທີ 9 ຜູ້ກ່ຽວໄດ້ໄປຫາແຟນສາວທີ່ບ້ານສີບຸນເຮືອງ ເຊິ່ງມີທັງໝົດ 4 ຄົນທີ່ຜູ້ກ່ຽວພົວພັນ ທັງໝົດແມ່ນໃສ່ຜ້າອັດປາກຕະຫຼອດ. ເວລາຕໍ່ມາອ້າຍຂອງແຟນໄດ້ພາຜູ້ກ່ຽວໄປຫ້ອງການຢູ່ຈີ່ນາຍໂມ້ນຳ ແລະ ໄດ້ພົບອີກ 1 ຄົນແຕ່ຜູ້ກ່ຽວໃສ່ຜ້າປິດປາກຕະຫຼອດເວລາ. ເວລາ 10:00 ໂມງກາງຄືນ ຍ່າງຂຶ້ນໄປເອົາເງິນໃຫ້ຜູ້ກ່ຽວຢູ່ຫ້ອງ ປະເງິິນໄວ້ແລ້ສໃຊ້ເວລາບໍ່ດົນ
  • ວັນທີ 10 ເມສາ 2021 ຜູ້ກ່ຽວໄດ້ໄປກວດຢູ່ໂຮງໝໍມິດຕະພາບ ແລ້ວພົບວ່າມີເຊື້ອໂຄວິດ-19 ປັດຈຸບັນແມ່ນຮັກສາຕົວທີ່ໂຮງໝໍມິດຕະພາບ.

ຂໍ້ມູນຂອງຜູ້ສຳພັດໃກ້ຊິດທີ່ຮ່ວມສາຍການບິນ:

  • ສຳພັດໃກ້ຊິດທັງໝົດ 10 ຄົນ ທັງໝົດໄດ້ມາເກັບຕົວຢາ່ງໃນມື້ອື່ນຢູ່ໂຮງໝໍມິດຕະພາບ, ລາຍລະອຽດມີດັ່ງລຸ່ມນີ້:
  • ຄອບຄົວຂອງແຟນຈຳນວນ 3 ຄົນ (ແຟນຂອງຜູ້ກ່ຽວແມ່ນໄດ້ນອນຕິດຕາມຢູ່ໂຮງໝໍມິດຕະພາບ ແລະ ເກັບຕົວຢ່າງແລ້ວ).
  • ຜູ້ຊາຍມາສົ່ງເງິນ 01 ຄົນ.
  • ໄປຫ້ອງການຈຳນວນ 01 ຄົນ
  • ພະນັກງານຢູ່ຮ້ານອິດເຕີເນັດ 05ຄົນ.

ສ່ວນກໍລະນີ 51 ເພດ​ຊາຍ​ ອາຍຸ​ 41​ປີ​ ສັນຊາດ​ລາວ​ ອາຊີບພະນັກງານເດີນທາງ​ມາຈາກ​ ປະເທດມົງໂກນ ຜ່ານສະໜາມບິນອິນຊອນ ເກົາຫຼີໃຕ້ ມາຮອດສະໜາມບິນວັດໄຕ ວັນທີ 9 ເມສາ 2021 ແລະ ວັນທີ 10 ເມສາ ເຂົ້າກວດຫາເຊື້ອຜົນກວດຢັ້ງຢືນວ່າຜູ້ກ່ຽວມີເຊື້ອໂຄວິດ-19 ຈຶ່ງໄດ້ນຳສົ່ງຜູ້ກ່ຽວໄປປິ່ນປົວທີ່ໂຮງໝໍມິດຕະພາບ ເຊິ່ງຜູ້ໃກ້ຊິດສຳຜັດ 31​ຄົນ​ (ຜ່ານການກວດແລ້ວບໍ່ພົບ​ເຊື້ອ)

ຮຽບຮຽງຂ່າວ: ພຸດສະດີ

 

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...