ສຳນັກຂ່າວຣອຍເຕີລາຍງານເມື່ອວັນທີ 23 ມີນາ 2021 ວ່າເຈົ້າໜ້າທີ່ລະດັບສູງຂອງອົງການສະຫະປະຊາຊາດເພື່ອຊາວອົບພະຍົບ (UNHCR) ໄດ້ເຂົ້າຮ່ວມການຖະແຫຼງຂ່າວຈາກເມືອງ Dhaka ປະເທດບັງກະລາເທດກັບສຳນັກງານ UNHCR ທີ່ເຈນີວາ, ສະວິດເຊີແລນກ່າວວ່າ ເຫດການໄຟໄໝ້ສູນຜູ້ລີ້ໄພໂຣຮິນຢາໃນບັງກາລາເທດ ແມ່ນເສຍຫາຍຢ່າງໜັກ ມີລາຍງານວ່າມີຜູ້ເສຍຊີວິດ 15 ຄົນ, ບາດເຈັບ 550 ຄົນ, ຫາຍສາບສູນ 400 ຄົນ ແລະ 45,000 ຄົນບໍ່ມີທີ່ຢູ່ອາໃສ.
ເຈົ້າໜ້າທີ່ບັງກະລາເທດກຳລັງສືບສວນຫາສາເຫດຂອງໄຟໄໝ້. ຂະນະທີ່ເຈົ້າໜ້າທີ່ສຸກເສີນ ແລະ ໜ່ວຍງານບັນເທົາທຸກແລະຄອບຄົວຂອງຜູ້ເຄາະຮ້າຍໄດ້ຄົ້ນຫາຊາກຫັກພັງ ເພື່ອຊອກຫາຜູ້ເຄາະຮ້າຍເພີ່ມຕື່ມ.
ໄຟໄດ້ລຸກໄໝ້ຢູ່ໃນສູນອົບພະຍົບ Balukahli ໃກ້ໆ Cox. Bazaar ທາງຕາເວັນອອກສຽງໃຕ້ຂອງບັງກະລາເທດໃນວັນຈັນທີ່່ຜ່ານມາ. ມີບ່ອນພັກເຊົາ ແລະ ບ່ອນຢູ່ອາໄສຂອງຊາວອົບພະຍົບປະມານ 40,000 ຫຼັງຖືກໄຟໄໝ້ໝົດ ເຈົ້າໜ້າທີ່ໃຊ້ເວລາກວ່າ 6 ຊົ່ວໂມງຈຶ່ງສາມາດຄວບຄຸມໄຟໄດ້.
ຮຽບຮຽງຂ່າວ: ພຸດສະດີ