spot_img
Homeຂ່າວພາຍ​ໃນໄຊຍະບູລີ ເລີ່ມສັກວັກແຊັງປ້ອງກັນພະຍາດໂຄວິດ-19 ຮອບທີ 1 ໃຫ້ບັນດາກຸ່ມສ່ຽງ

ໄຊຍະບູລີ ເລີ່ມສັກວັກແຊັງປ້ອງກັນພະຍາດໂຄວິດ-19 ຮອບທີ 1 ໃຫ້ບັນດາກຸ່ມສ່ຽງ

Published on

ແຂວງໄຊຍະບູລີ ເປີດຂະບວນການສັກວັກແຊັງປ້ອງກັນພະຍາດໂຄວິດ-19 ໃຫ້ບັນດາກຸ່ມທີ່ມີຄວາມສ່ຽງສູງ ຮອບທີ 1 ເຊິ່ງໄດ້ຈັດຂຶ້ນຢູ່ທີ່ໂຮງໝໍແຂວງ ແລະ ຫ້ອງການສາທາລະນະສຸກຂອງເມືອງໄຊຍະບູລີ ໃນວັນທີ 5 ມີນາ 2021.

ເຊິ່ງນໍາພາໂດຍ ທ່ານ ເພັດພິໄຊ ສູນວິໄລ ຮອງເຈົ້າແຂວງໄຊຍະບູລີ, ມີການນໍາຂອງແຂວງ, ພະແນກການ, ກົມກອງອ້ອມຂ້າງແຂວງ ແລະ ຈະໄດ້ດໍາເນີນການສັກຢາໃນຮອບທີ 1 ຈົນເຖິງ ວັນທີ 12 ມີນາ 2021 ນີ້ ເປັນຕົ້ນ ການນໍາຂອງແຂວງ, ການນໍາຂອງເມືອງໄຊຍະບູລີ, ພະແນກສາທາລະນະສຸກ ແລະ ໂຮງໝໍແຂວງ, ພະນັກງານສາທາລະນະສຸກເມືອງ ແລະ ໂຮງໝໍນ້ອຍ, ຫ້ອງວ່າການແຂວງ, ກໍາມະບານແຂວງ, ຫ້ອງປະກັນສັງຄົມ, ພະແນກການຕ່າງປະເທດ, ໄອຍະການແຂວງ, ແນວລາວສ້າງຊາດ, ພະແນກພາຍໃນ, ພະລັງງານບໍ່ແຮ່, ພະນກ ຍທຂ, ພະແນກ ຖວທ, ຊາວໜຸ່ມແຂວງ, ສຶກສາແຂວງ, ພາສີ, ຈັດຕັ້ງ, ສານແຂວງ, ພະແນກ ຮສສ, ທະນາຄານພາຍໃນແຂວງ, ນໍ້າປະປາ, ໄຟຟ້າ, ອີທີແອວ, ລາວໂທລະຄົມ, ຢູນິເທວ, ສະຫະພັນແມ່ຍິງແຂວງ, ໄປສະນີ, ສະພາປະຊາຊົນແຂວງ, ທະຫານແຂວງ.

ເຊິ່ງໃນຮອບທີ 1 ຈະສັກທັງໝົດ 9.900 ໂດສ ແລະ ຮອບທີ 2 ຈະສັກຕື່ມໃນວັນທີ 6 ເມສາ 2021 ຈໍານວນ 9.900 ໂດສ ລວມທັງໝົດທີ່ແຂວງໄຊຍະບູລີ ໄດ້ຮັບວັກແຊັງປ້ອງກັນໂຄວິດ-19 ທັງໝົດ 19.800 ຫຼອດ. ພ້ອມນີ້ຍັງໄດ້ແຈກຢາຍວັກແຊັງໃຫ້ຈໍານວນເປົ້າໝາຍ 11 ເມືອງໃນທົ່ວແຂວງ ເຊັ່ນ: ເມືອງຄອບ 600 ໂດສ, ຊຽງຮ່ອນ 500ໂດສ , ເມືອງເງິນ 600 ໂດສ, ຫົງສາ 700ໂດສ , ໄຊສະຖານ 400 ໂດສ, ໄຊຍະບູລີ 500 ໂດສ, ເມືອງພຽງ 500 ໂດສ, ເມືອງປາກລາຍ 700 ໂດສ, ທົ່ງມີໄຊ 500 ໂດສ, ແກ່ນທ້າວ 700ໂດສ , ເມືອງບໍ່ແຕນ 500 ໂດສ.

ນອກຈາກນີ້ ຍັງມີພະແນກການອ້ອມຂ້າງແຂວງ 3.000 ໂດສ, ໂຮງໝໍແຂວງ 500 ໂດສ, ໂຮງໝໍທະຫານແຂວງ 100 ໂດສແລະ ໂຮງໝໍກອງພົນທີ II ຈຳນວນ100  ໂດສ. ວັກແຊັງດັ່ງກ່າວແຈກຢາຍເຖິງເມືອງໃນທົ່ວແຂວງ ເປັນຮຽບຮ້ອຍ ຂ່າວໃຫ້ຮູ້ຕື່ມວ່າ: ໃນວັນດຽວກັນນີ້ຢູ່ໂຮງໝໍຊຸມຊົນເມືອງຊຽງຮ່ອນ ແລະ ຫ້ອງການສາທາລະນະສຸກເມືອງພຽງ, ໂຮງໝໍຊຸມຊົນເມືອງຫົງສາ, ຫ້ອງການສາທາລະນະສຸກເມືອງຄອບ ກໍ່ໄດ້ສັກວັກຊິນປ້ອງກັນພະຍາດໂຄວິດ-19 ໃຫ້ແກ່ກຸ່ມທີ່ມີຄວາມສ່ຽງ ໂດຍສະເພາະແພດໝໍ ຜູ້ທີ່ເຮັດວຽກຢູ່ດ່ານ ແລະ ຄະນະສະເພາະກິດຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19.

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...