spot_img
Homeຂ່າວທ້ອງຖິ່ນກູ້ໄພ ນວ ແຈ້ງເຕືອນພົບມິດສາຊີບໃນຄາບນັກບຸນ! ເປີດບັນຊີລະດົມທຶນເຂົ້າບັນຊີຕົວເອງ

ກູ້ໄພ ນວ ແຈ້ງເຕືອນພົບມິດສາຊີບໃນຄາບນັກບຸນ! ເປີດບັນຊີລະດົມທຶນເຂົ້າບັນຊີຕົວເອງ

Published on

ສະມາຄົມອາສາກູ້ໄພນະຄອນຫຼວງວຽງຈັນໄດ້ແຈ້ງໃຫ້ຮູ້ວ່າ: ປັດຈຸບັນນີ້ໄດ້ມີມິດສາຊີບ, ບຸກຄົນ ແລະ ກຸ່ມຕົ້ມຕຸນຫຼອກລວງໄດ້ນຳເອົາຮູບພາບ ແລະ ຂໍ້ມູນທີ່ໜ່ວຍກູ້ໄພຂອງພວກເຮົາເຄີຍຊ່ວຍເຫຼືອທາງດ້ານມະນຸດສະທຳມາກ່ອນ (ຮູບພາບຊ່ວຍເຫຼືອຄອບຄົວທຸກຍາກ, ຜູ້ເສຍຊີວິດທີ່ມາຖານະຄອບຄົວທຸກຍາກ ແລະ ອື່ນໆ) ໄປໂພສລົງ Facebook ເພື່ອຂໍລະດົມເງິນບໍລິຈາກອີກຄັ້ງໂດຍໄດ້ແກ້ໄຂຕົວເລກບັນຊີໃນການຮັບບໍລິຈາກ ເພື່ອຫຼອກລວງເອົາເງິນຂອງບັນດາຜູ້ໃຈບຸນທັງຫຼາຍເຂົ້າບັນຊີຂອງຕົນເອງ.

ກ່ຽວກັບບັນຫາດັ່ງກ່າວນີ້ ທາງທີມງານສະມາຄົມອາສາກູ້ໄພນະຄອນຫຼວງວຽງຈັນກໍ່ບໍ່ໄດ້ ນິ້ງນອນໃຈ ແລະ ໄດ້ມີການປະສານງານເຖິງເຈົ້າໜ້າທີ່ ແລະ ທະນາຄານທີ່ກ່ຽວຂ້ອງເພື່ອກວດສອບບັນຊີ ແລະ ທີ່ຢູ່ຂອງບຸກຄົນທີ່ເປີດຮັບບໍລິຈາກ ເພື່ອສືບສວນ ແລະ ນຳຕົວຜູ້ກະທຳຜິດມາດໍາເນີນຄະດີຕາມກົດໝາຍບ້ານເມືອງ.

ສະນັ້ນ, ຈຶ່ງແຈ້ງມາໃຫ້ທຸກທ່ານຈົ່ງຮັບຮູ້ ແລະ ມີສະຕິລະວັງຕົວເພີ່ມຂຶ້ນໃນການບໍລິຈາກ ແຕ່ລະຄັ້ງ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...