spot_img
Homeຂ່າວພາຍ​ໃນອັດຕະປືອາດກາຍເປັນແຫຼ່ງຜະລິດພະລັງງານຈາກລົມທີ່ໃຫຍ່ສຸດໃນອາຊຽນ

ອັດຕະປືອາດກາຍເປັນແຫຼ່ງຜະລິດພະລັງງານຈາກລົມທີ່ໃຫຍ່ສຸດໃນອາຊຽນ

Published on

ສູນຂ່າວສານພະລັງງານ ແລະບໍ່ແຮ່ ລາຍງານໃຫ້ຮູ້ວ່າ ແຂວງອັດຕະປືອາດກາຍເປັນແຫຼ່ງຜະລິດພະລັງງານຈາກລົມທີ່ໃຫຍ່ສຸດໃນອາຊຽນ ໂດຍວັນທີ 28 ມັງກອນ 2021 ທີ່່ຜ່ານມາ ແຂວງອັດຕະປື ໄດ້ຈັດກອງປະຊຸມລາຍງານກ່ຽວກັບຄວາມຄືບໜ້າ ໂຄງການພະລັງງານລົມ ໂດຍການເປັນປະທານຂອງທ່ານ ເລັດ ໄຊຍະພອນ ເຈົ້າແຂວງອັດຕະປື, ມີການນຳຂອງແຂວງ,ເມືອງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ .

ກອງປະຊຸມໄດ້ຮັບຟັງການລາຍງານຄວາມຄືບໜ້າການພັດທະນາໂຄງການດ້ານພະລັງງານ ມອນຊຸນວິນລາວ, ເຊິ່ງເປັນໂຄງການພະລັງງານລົມ ພັດທະນາໂດຍບໍລິສັດ ອິມແພັກເອັນເນີຈີ ເອເຊຍ ຈຳກັດ ແລະ ບໍລິສັດ ເອັສເອັມພີ ທີ່ປຶກສາ ເຊິ່ງແມ່ນບໍລິສັດຄູ່ຮ່ວມມື ແລະ ຜູ້ປະສານງານຝ່າຍລາວ ຂອງໂຄງການດັ່ງກ່າວ,ພື້ນທີ່ໂຄງການແມ່ນຕັ້ງຢູ່ເຂດເຊື່ອມຕໍ່ ລະຫວ່າງ ເມືອງຊານໄຊ ແຂວງອັດຕະປື ກັບ ເມືອງດາກຈຶງ ແຂວງເຊກອງ ມີກຳລັງຕິດຕັ້ງທັງໝົດ 600 ເມກາວັດ ມູນຄ່າຄາດຄະເນຂອງໂຄງການແມ່ນ 900 ລ້ານໂດລາສະຫະລັດ,ປະຈຸບັນໂຄງການດັ່ງກ່າວແມ່ນໂຄງການພະລັງງານລົມແຫ່ງທຳອິດຂອງ ສປປລາວ ແລະ ໃຫຍ່ທີ່ສຸດຂອງອາຊຽນ.

ຕາມແຜນພັດທະນາຂອງໂຄງການແມ່ນຈະເລີ່ມຜະລິດ ແລະ ສົ່ງໄຟຟ້າຂາຍໃຫ້ ສສ ຫວຽດນາມ ພາຍໃນປີ 2023 ແລະ ອີງຕາມຂໍ້ຕົກລົງຂອງນາຍົກລັດຖະມົນຕີ ສສ ຫວຽດນາມ ແມ່ນເຫັນດີຮັບຮອງເອົາການນໍາເຂົ້າໄຟຟ້າ ຈາກໂຄງການໃນກຳລັງຕິດຕັ້ງ 600 ເມກາວັດ ໃນປີ 2023 ໂດຍເຊື່ອມຕໍ່ລະບົບສາຍສົ່ງ 500 ກິໂລໂວນ ແລະ ໄດ້ມອບໃຫ້ ການໄຟຟ້າ ສສ ຫວຽດນາມ ຮ່ວມເຮັດວຽກກັບບໍລິສັດ ໃນການເຈລະຈາສັນຍາ ຊື້ຂາຍໄຟຟ້າ ຂອງໂຄງການລ້າສຸດ ໃນບົດບັນທຶກກອງປະຊຸມ ຄັ້ງທີ 43 ຂອງຄະນະກຳມະການຮ່ວມມືທະວິພາຄີ ລະຫວ່າງ ລັດຖະບານ ສປປລາວ ແລະ ລັດຖະບານ ສສ ຫວຽດນາມ.

ລັດຖະບານສອງຝ່າຍໄດ້ຕົກລົງຮັບຮອງເອົາດ້ານຫຼັກການນໍາໄຟຟ້າຈາກລາວໄປ ສສ ຫວຽດນາມ,ໃນນັ້ນ,ລວມມີພະລັງງານລົມ ມອນຊຸນ 600 ເມກາວັດ ທີ່ນອນໃນໂຄງການບູລີມະສິດ ປະຈຸບັນບໍລິສັດແມ່ນຢູ່ໃນຂັ້ນຕອນສຸດທ້າຍຂອງການເຈລະຈາເຊັນສັນຍາຊື້-ຂາຍ ໄຟຟ້າ ນໍາການໄຟຟ້າຫວຽດນາມ ເຊິ່ງຄາດວ່າຈະໄດ້ເຊັນສັນຍາໃນມໍ່ໆນີ້.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...