spot_img
Homeຂ່າວທ້ອງຖິ່ນຫຼາຍຮ້ອຍຄົນຮ່ວມພິທີຍົກຍອດພະທາດຫຼວງແຂວງຊຽງຂວາງ

ຫຼາຍຮ້ອຍຄົນຮ່ວມພິທີຍົກຍອດພະທາດຫຼວງແຂວງຊຽງຂວາງ

Published on

ຊາວພຸດຈາກແຂວງ ຊຽງຂວາງ, ແຂວງໃກ້ຄຽງ ແລະ ນະຄອນຫຼວງວຽງຈັນ ຫຼາຍຮ້ອຍຄົນ ໄດ້ເດີນທາງມາຮ່ວມພິທີໃສ່ບາດ ຈຳນວນ 45 ບາດ ຢູ່ພິທີຍົກຍອດພະທາດຫຼວງແປດຫຼຽ່ມມິ່ງຂວັນຊາວພວນໃນຕອນເຊົ້າມື່ນີ້. ພິທີດັ່ງກ່າວໄດ້ຈັດຂຶ້ນທີ່ວັດນາໄຊ ເມືອງ ຄູນ ແຂວງ ຊຽງຂວາງ ພິທີຍົກຍອດຄໍາພະທາດຫຼວງແປດຫຼ່ຽມມີ່ງຂວັນເມືອງພວນໃນລະຫວ່າງວັນທີ 23-28/1/2021.

ການໃສ່ບາດແມ່ນກິດຈະກຳໜຶ່ງທີ່ນອນຢູ່ໃນພິທີຍົກຍອດພະທາດຫຼວງ ເຊິ່ງນອນຢູ່ໃນໂຄງການປະຕິສັງຂອນພະທາດຫຼວງຄືນໃໝ່ໃຫ້ກາຍເປັນບ່ອນສັກກາລະບູຊາ ແລະ ເປັນແຫຼ່ງທ່ອງທ່ຽວທາງດ້ານວັດທະນາທຳທີ່ສຳຄັນອີກແຫ່ງໜຶ່ງຢູ່ເມືອງດັ່ງກ່າວ.

ທ່ານ ສີພອນ ເມືອງຈະເລີນ ຮອງເຈົ້າເມືອງໆຄູນ ໄດ້ໃຫ້ສຳພາດຕໍ່ ໜັງສືພິມວຽງຈັນທາມ ຕອນເຊົ້າມື້ນີ້ວ່າ: ພະທາດຫຼວງແຫ່ງນີ້ໄດ້ສ້າງຂຶ້ນແຕ່ດຶກດຳບັນ ແລະ ຖືກທຳລາຍໄລຍະສົງຄາມ ປະໄວ້ແຕ່ຮ່ອງ ຮອຍ. ປີ 2018, ເຈົ້າເມືອງໆຄູນ, ເຈົ້າແຂວງ ຊຽງຂວາງ ແລະ ອົງການພຸດທະສາສະໜາສຳພັນລາວ ໄດ້ຕົກລົງປະຕິສັງຂອນພະທາດຫຼວງແຫ່ງນີ້ຄືນໃໝ່, ຮອດປະຈຸບັນນີ້ ການກໍ່ສ້າງໃກ້ຈະສຳເລັດແລ້ວ. ການຍົດຍອດພະທາດຫຼວງໃນມື້ນີ້ ແມ່ນເອົາຈອມທາດມາໃສ່. ຫຼັງຈາກນັ້ນ ການປະຕິສັງຂອນກໍ່ຈະເລີ່ມມາແຕ່ຈອມທາດ ລົງມາທາງລຸ່ມ.

ແມ່ເຖົ້າ ຈັນສີ ສິນພະວົງ ອາຍຸ 71 ປີ ປະຊາຊົນ ບ້ານທຸ້ມ ເມືອງ ຄູນ. ບ້ານຂອງເພີ່ນຢູ່ຫ່າງຈາກວັດນາໄຊ ປະມານ 3 ກິໂລແມັດ ເພີ່ນໄດ້ກ່າວ ຄວາມຮູ້ສຶກຕໍ່ນັກຂ່າວວ່າ: ມີຄວາມດີອົກດີໃຈຫຼາຍທີ່ໄດ້ມາ ຮ່ວມພິທີໃສ່ບາດທີ່ສຳຄັນນີ້ ບັນດາລູກຫຼານຈາກນະຄອນຫຼວງວຽງຈັນກໍ່ໄດ້ມາຮ່ວມ. ພະທາດຫຼວງແຫ່ງນີ້ເປັນບ່ອນທີ່ປະຊາຊົນເຊື່ອຖື ແລະ ເຄົາລົບບູຊາ.


ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...