spot_img
Homeຂ່າວພາຍ​ໃນ"ໄບເດນ" ກັງວົນ "ທຣໍ້າ" ຈະປະກາດອະໄພຍະໂທດໃຫ້ກັບຕົນເອງ ແລະ ພັກພວກກ່ອນຈະລົງຈາກຕຳແໜ່ງ

“ໄບເດນ” ກັງວົນ “ທຣໍ້າ” ຈະປະກາດອະໄພຍະໂທດໃຫ້ກັບຕົນເອງ ແລະ ພັກພວກກ່ອນຈະລົງຈາກຕຳແໜ່ງ

Published on

ສຳນັກຂ່າວ CNN ລາຍງານວ່າ ທ່ານ ໂດນັລ ທຣໍ້າ ກຽມອອກໜັງສືອະໄພຍະໂທດ ແລະ ຫຼຸດໂທດປະມານ 100 ສະບັບ ໃນວັນທີ 19 ມັງກອນ 2021 ເຊິ່ງເປັນມື້ສຸດທ້າຍໃນການປະຕິບັດໜ້າທີ່ຕຳແໜ່ງປະທານາທິບໍດີສະຫະລັດອາເມລິກາ.

ເມື່ອວັນທີ 17 ມັງກອນ 2021 ທີ່ຜ່ານມາ ມີການປະຊຸມທີ່ທຳນຽບຂາວເພື່ອຕົກລົງໃນຂັ້ນຕອນສຸດທ້າຍວ່າຈະອະໄພຍະໂທດ ແລະ ຫຼຸດໂທດໃຫ້ໃຜແນ່.

ໃນຂະນະທີ່ທ່ານ ໂຈ ໄບເດນ ວ່າທີ່ປະທານາທິບໍດີສະຫະລັດອາເມລິກາຄົນໃໝ່ ໄດ້ສະແດງຄວາມກັງວົນວ່າປະທານາທິບໍດີ ໂດນັລ ທຣໍ້າ ອາດຈະປະກາດອະໄພຍະໂທດໃຫ້ກັບຕົນເອງ ແລະ ພັກພວກຂອງເຂົາ ກ່ອນຈະລົງຈາກຕຳແໜ່ງ.

ສຳນັກຂ່າວ Associated Press ລາຍງານວ່າປະທານາທິບໍດີ ໄບເດນ ໄດ້ຕອບຄຳຖາມຂອງນັກຂ່າວ CNN ກ່ຽວກັບເລື່ອງນີ້ວ່າ “ຂ້າພະເຈົ້າກັງວົນຫຼາຍສົມຄວນ ຫາກຜູ້ນຳສະຫະລັດຄົນປັດຈຸບັນສືບຕໍ່ປະຕິບັດຄືເກົ່າ ເພາະບໍ່ອາດຄາດການໄດ້ວ່າ ການກະທຳດັ່ງກ່າວນັ້ນຈະກາຍເປັນຕົ້ນແບບຂອງວິຖີທາງການເມືອງອາເມລິກາແນວໃດ? ແລະ ມຸມມອງຂອງປະຊາຄົມໂລກທີ່ມີຕໍ່ອາເມລິກາຈະເປັນແນວໃດ ໃນຖານະປະເທດທີ່ມີຄວາມມູ່ງໝັ້ນໃນການປ້ອງກັນກົດໝາຍ ແລະຄວາມຍຸດຕິທຳ ມັນຈະປ່ຽນແປງຫຼື ບໍ່?”

ທັງນີ້, ທ່ານ ໂຈ ໄບເດນ ວ່າທີ່ປະທານາທິບໍດີຄົນໃໝ່ ຄົນທີ 46 ຢືນຢັນວ່າ ກະຊວງຍຸດຕິທຳໃນລັດຖະບານໃໝ່ຂອງຕົນຈະປະຕິບັດໜ້າທີ່ຢ່າງມີອິດສະຫຼະ ແລະ ບໍ່ວ່າໃຜຈະເປັນຜູ້ທີ່ໄດ້ຮັບມອບໝາຍໃຫ້ດູແລກະຊວງນີ້ຈະມີອິດສະຫຼະໃນການເຮັດວຽກ ແລະ ຕັດສິນໃຈວ່າໃຜສົມຄວນຖືກສອບສວນ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...