ກອງທັບປະຊາຊົນລາວ ໄດ້ມີການຝຶກຊ້ອມໃຫຍ່ ຄັ້ງທີ I ເມື່ອວັນທີ 24 ພະຈິກທີ່ຜ່ານມາ ຢູ່ ທີ່ສະໜາມຫັດແອບວິທະຍາ ຄານກົມມະດໍາພາຍຫຼັງທີ່ກຽມຈັດຕັ້ງກຳລັງນັກຮົບດ້ານຕ່າງໆເພື່ອຝຶກຊ້ອມ ການ ທະຫານຫັດແອບ ຕົວຈິງມາແຕ່ ຕົ້ນເດືອນພະຈິກ ຜ່ານມາ ເພື່ອກະກຽມໃຫ້ແກ່ການ ຈັດຕັ້ງສະເຫຼີມສະຫຼອງວັນຊາດຄົບຮອບ 45 ປີ( 2 ທັນວາ 1975 – 2 ທັນວາ 2020). ເຊິ່ງການຝຶກຊ້ອມດັ່ງກ່າວປະກອບມີ 10 ລາຍການ ຄື:
- ກຳລັງກອງພັນໃຫຍ່ 11 ນຳໃຊ້ປືນຍິງ ເປີດປ້າຍຄຳຂວັນ ວັນຊາດ ທີ 2 ທັນວາ ໝັ້ນຍືນ ໄລຍະ ຍິງ 300 ແມັດ
- ກອງຍິງປືນອາ ຊຽນນຳໃຊ້ປືນສັ້ນຊາຍ-ຍິງ ເພື່ອຍິງເປົ້າຈານເຫຼັກ
- ເຫຼົ່າຮົບສືບຂ່າວ ສົມທົບທະຫານອາກາດ ເຮັດໜ້າ ທີ່ກອບກູ້ຕົວປະກັນ
- ເຫຼົ່າຮົບຕີພິເສດປິດລັບຫຼອນຕີສັດຕູ
- ເຫຼົ່າຮົບປ້ອງກັນອາກາດນຳໃຊ້ປືນຊູ-23 ດັບສູນເປົ້າ ໝາຍເທິງອາກາດ
- ທະຫານອາກາດຍິງເປົ້າໝາຍເທິງໜ້າດິນ
- ເຫຼົ່າຮົບປືນໃຫຍ່ນໍາໃຊ້ປືນ ເບເອັມ- 21, 152 ມມ, 122 ມມ ຍິງກະກຽມ
- ເຫຼົ່າຮົບຊ່າງແສງ ສົ່ງໝາກຝາບິນ ເປີດທາງໄຂ ແລະ ເຫຼົ່າຮົບເຄມີປ່ອຍ ຄັວນແຊມກາຍ
- ເຫຼົ່າຮົບທະຫານລົດຕັງ-ຍານ ເກາະນຳໃຊ້ລົດຕັງ ເຕ-72 ຍິງປືນ ໃຫຍ່ 152 ມມ, 122 ມມ ຍິງຍົກຍ້າຍທະຫານ ຮາບຍານເກາະປະຕິບັດບຸກຕີສັດຕູຈັ້ງທ່າ
- ເຫຼົ່າຮົບເຄມີລົບລ້າງ ທາດພິດເຄມີພາຫະນະອາວຸດ ແລະ ທະຫານອາກາດນໍາໃຊ້ຍົນທຸກຊະນິດບິນສວນສະໜາມ.
ຮຽບຮຽງຂ່າວ: ພຸດສະດີ