ການວິເຄາະທົ່ວໂລກຊີ້ໃຫ້ເຫັນວ່າ, ໂດຍສະເລ່ຍແລ້ວໄວລຸ້ນທີ່ສູງທີ່ສຸດໃນໂລກແມ່ນອາໄສຢູ່ໃນປະເທດເນເທີແລນ.
ເວັບໄຊຂ່າວ alkaleej day ລາຍງານວ່າ ໂພຊະນາການທີ່ບໍ່ດີ ອາດສົ່ງຜົນຕໍ່ຄວາມສູງຂອງເດັກນ້ອຍ ສະເລ່ຍເຖິງ 20 ຊມ, ມີການສຶກສາໜຶ່ງໄດ້ຖືກພິມເຜີຍແຜ່ຢູ່ໃນວາລະສານວິທະຍາສາດ The Lancet ເຊິ່ງຊີ້ໃຫ້ເຫັນວ່າໃນປີ 2019 ເດັກອາຍຸ 19 ປີອາຍຸຕໍ່າສຸດແມ່ນຢູ່ໃນປະເທດເນເທີແລນ (183,8 ຊັງຕີແມັດ) ແລະ ອາຍຸຕໍ່າສຸດແມ່ນຢູ່ໃນປະເທດຕີມໍຕາເວັນອອກ (160,1 ຊັງຕີແມັດ).
ທີມງານໃນ Imperial College London, ອັງກິດໄດ້ວິເຄາະຂໍ້ມູນຈາກເດັກນ້ອຍ ແລະ ໄວລຸ້ນຫຼາຍກວ່າ 65 ລ້ານຄົນໃນເກນອາຍຸ 5 ຫາ 19 ປີໃນການສຶກສາຫຼາຍກວ່າ 2,000 ຄັ້ງໃນລະຫວ່າງປີ 1985 ແລະ 2019.
ພວກເຂົາພົບວ່າໃນປີ 2019, ໂດຍສະເລ່ຍເດັກນ້ອຍ ແລະ ໄວລຸ້ນໃນເຂດພາກຕາເວັນຕົກສຽງເໜືອ ແລະ ພາກກາງຂອງເອີຣົບ (ຜູ້ທີ່ຢູ່ໃນປະເທດເນເທີແລນ ແລະ ມອນເຕເນໂກຣ) ແມ່ນສູງທີ່ສຸດໃນໂລກ.
ໃນຂະນະດຽວກັນ, ເດັກອາຍຸ 19 ປີຜູ້ທີ່ມີສະເລ່ຍຕໍ່າສຸດແມ່ນຢູ່ໃນອາຊີໃຕ້ ແລະ ອາຊີຕາເວັນອອກສຽງໃຕ້, ອາເມລິກາລາຕິນ ແລະ ອາຟຣິກາຕາເວັນອອກ.
ການວິເຄາະຊີ້ໃຫ້ເຫັນວ່າໃນປີ 2019:
- ໂດຍສະເລ່ຍແລ້ວ ຜູ້ຊາຍອາຍຸ 19 ປີໃນ ສປປ ລາວ ແມ່ນສູງເທົ່າກັນ (162,8 ຊັງຕີແມັດ) ຄືຄວາມສູງເທົ່າກັບເດັກຊາຍອາຍຸ 13 ປີໃນປະເທດເນເທີແລນ.
- ເມື່ອອາຍຸ 19 ປີ, ເດັກຍິງຢູ່ກົວເຕມາລາ, ບັງກະລາເທດ, ເນປານ ແລະ ຕີມໍຕາເວັນອອກມີຄວາມສູງສະເລ່ຍຄືກັນກັບເດັກຍິງຊາວຮອນແລນອາຍຸ 11 ປີ (ປະມານ 152 ຊມ).
- ໃນປະເທດອັງກິດ ເດັກຊາຍອາຍຸ 19 ປີມີຄວາມສູງສະເລ່ຍ 178,2 ຊມ ແລະ ເດັກຍິງ 163,9 ຊມ.
- ການປັບປຸງທີ່ໃຫຍ່ທີ່ສຸດໃນລະດັບຄວາມສູງສະເລ່ຍຂອງເດັກນ້ອຍໃນໄລຍະ 35 ປີທີ່ຜ່ານມາໄດ້ເກີດຂື້ນໃນປະເທດຈີນ ແລະ ເກົາຫຼີໃຕ້.
- ແຕ່ໃນຫຼາຍໆປະເທດໃນອະນຸພາກພື້ນຊາຮາຣາອາຟຣິກາ, ຄວາມສູງສະເລ່ຍຍັງບໍ່ປ່ຽນແປງ ຫຼື ຫຼຸດລົງຕັ້ງແຕ່ປີ 1985.
ຮຽບຮຽງຂ່າວ: ພຸດສະດີ