ສຳນັກຂ່າວສານປະເທດລາວ ລາຍງານວ່າ ທ່ານ ນາງ ແສງເດືອນ ຫລ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ກ່າວວ່າ: ຄູລາວ ໃນສະຕະວັດທີ 21 ນີ້, ຈະຕ້ອງເປັນຜູ້ທີ່ມີຈັນຍາບັນອັນໜັກແໜ້ນ, ມີຈິດວິນຍານຂອງຄວາມເປັນຄູຢ່າງເລິກເຊິ່ງ, ບໍ່ສວຍໃຊ້ໜ້າທີ່ຕໍາແໜ່ງໄປໃນທາງທີ່ບໍ່ຖືກຕ້ອງ.
ພ້ອມກັນນັ້ນ, ຈະຕ້ອງໄດ້ຄົ້ນຄວ້າລົງເລິກ ວິຊາທີ່ຕົນຮັບຜິດຊອບໃຫ້ເລິກເຊິ່ງ, ການສອນວິຊາສະ ເພາະຕ້ອງຕິດພັນກັບການນຳໃຊ້ຕົວຈິງກັບຊີວິດສັງຄົມ ສາມາດປະສົມປະສານແຫຼ່ງການຮຽນຮູ້ ທີ່ມີຢ່າງຫຼາກຫຼາຍໃນປັດຈຸບັນ ໃຫ້ເກີດປະໂຫຍດສູງສຸດໃນການຮຽນຂອງຜູ້ຮຽນ ແລະ ນັກສຶກສາ. ນອກ ຈາກຈະມີວິຊາສະເພາະແລ້ວ ຕ້ອງຮຽນຮູ້ບັນດາທັກສະ ສັດຕະວັດທີ 21 ເຊັ່ນ: ການນຳໃຊ້ເຕັກໂນໂລຊີ ຂໍ້ມູນຂ່າວສານ, ທັກສະການຮຽນດ້ວຍຕົນເອງ, ທັກສະທາງດ້ານສັງຄົມ, ຮູ້ນຳໃຊ້ພາສາຕ່າງປະເທດ ແລະ ອື່ນໆ.
ຂອງນາຍຄູຄຳ, ຄູລາວຜູ້ທໍາອິດ, ຜູ້ມີນ້ຳໃຈຮັກຊາດ, ບໍ່ຍອມກົ້ມຫົວໃຫ້ຈັກກະພັດພວກລ່າເມືອງຂຶ້ນ ເພື່ອເປັນການລະນຶກເຖິງຄຸນງາມຄວາມດີຂອງຄູລາວ, ພັກ-ລັດຖະບານ ຈຶ່ງໄດ້ກຳນົດເອົາ ວັນທີ 7 ຕຸລາ ຂອງທຸກປີ ເປັນວັນຄູແຫ່ງຊາດ ແລະ ໄດ້ຈັດກິດຈະກຳສະຫລອງໃນທຸກປີ ໃນຂອບເຂດທົ່ວປະເທດ ເຊິ່ງໃນປີນີ້ກໍ່ຄົບຮອບ 26ປີ.
ຮຽບຮຽງຂ່າວ: ພຸດສະດີ