ຜູ້ໂດຍສານ ສິງກະໂປ ແອຣ໌ລາຍ ລະທຶກ ເມື່ອເຮືອບິນຕົກຂຸມອາກາດຢ່າງແຮງ ຈົນມີຜູ້ໄດ້ຮັບບາດເຈັບ 22 ຄົນ.
ເມື່ອວັນທີ 19 ຕຸລາທີ່ຜ່ານມາ ສຳນັກຂ່າວຕ່າງປະເທດລາຍງານວ່າ ເຮືອບິນສິງກະໂປ ແອຣ໌ລາຍ ເກີດເຫດຕົກຂຸມອາ
ກາດລະຫວ່າງກຽມລົງຈອດ ສົ່ງຜົນໃຫ້ມີຜູ້ບາດເຈັບເຖິງ 22 ຄົນ ສ່ວນເຮືອບິນແມ່ນສາມາດລົງຈອດໄດ້ຢ່າງປອດໄພ.
ເຮືອບິນລຳທີ່ເກີດເຫດ ເປັນເຮືອບິນແອຣ໌ບັສ A380 ຂອງສາຍການບິນສິງກະໂປແອຣ໌ລາຍ ຖ້ຽວບິນທີ 424 ບັນທຸກ
ຜູ້ໂດຍສານມາ 408 ຄົນ ພ້ອມດ້ວຍລູກເຮືອອີກ 25 ຄົນ ເດີນທາງຈາກສິງກະໂປ ໄປນະຄອນມຸມໄບ ປະເທດອິນເດຍ
ເມື່ອຄືນວັນທີ 18 ຕຸລາທີ່ຜ່ານມາ ແຕ່ລະຫວ່າງທີ່ເຮືອບິນກຳລັງກຽມລົງຈອດທີ່ສະໜາມບິນມູມໄບ ຊ້ຳພັດເກີດຕົກ
ຂຸມອາກາດຢ່າງແຮງ ຈົນເຮັດໃຫ້ມີຜູ້ໄດ້ຮັບບາດເຈັບ 22 ຄົນ ເຊິ່ງເປັນຜູ້ໂດຍສານ 8 ຄົນ, ລູກເຮືອ 14 ຄົນ ໂດຍສ່ວນ
ໃຫຍ່ແມ່ນໄດ້ຮັບບາດເຈັບທີ່ຫົວ ໃນຂະນະທີ່ພາຍໃນເຮືອບິນກໍໄດ້ຮັບຄວາມເສຍຫາຍເລັກໜ້ອຍ.
ຢ່າງໃດກໍດີ ພາຍຫລັງເຮືອບິນໄດ້ລົງຈອດຮຽບຮ້ອຍແລ້ວ ຜູ້ໂດຍສານ ແລະ ລູກເຮືອທີ່ໄດ້ຮັບບາດເຈັບ ກໍໄດ້ຖືກນຳສົ່ງ
ໂຮງໝໍເອກະຊົນຂອງອີນເດຍ 2 ແຫ່ງທັນທີ ໂດຍໃນຂະນະທີ່ທາງສາຍການບິນ ກໍໄດ້ເຂົ້າມາສືບສວນເຖິງເຫດການທີ່
ເກີດຂຶ້ນແລ້ວ.