ການລະບາດຂອງໄວຣັດໂຄວິດ-19 ໃນອິນໂດເນເຊຍສົ່ງຜົນກະທົບຕໍ່ຊີວິດຄວາມເປັນຢູ່ຂອງປະຊາຊົນ ແລະ ເສດຖະກິດຂອງປະເທດໃນວົງກວ້າງ ຂະນະທີ່ຈຳນວນຜູ້ເສຍຊີວິດຈາກໂຣກດັ່ງກ່າວໃນອິນໂດເນ ເຊຍ ມີຍອດສະສົມສູງທີ່ສຸດໃນກຸ່ມປະເທດອາຊຽນ.

ດັ່ງນັ້ນ, ມາດຕະການຄວບຄຸມການລະບາດທີ່ເຂັ້ມງວດໄດ້ຖືກຈັດຕັ້ງປະຕິບັດ ເມື່ອວັນທີ 9 ກັນຍາ 2020 ທີ່ຜ່ານມາ ທີ່ເມືອງ ເຊີເມໃນຊວາຕະເວັນອອກ ມີຊາວບ້ານ 8 ຄົນ ບໍ່ໃສ່ຜ້າປິດປາກ-ປິດດັງເພື່ອປ້ອງກັນໂຄວິດ-19 ຖືກລົງໂທດດ້ວຍຄຳສັ່ງໃຫ້ໄປຂຸດຫຼຸມຝັງສົບ ເພື່ອຝັ່ງຮ່າງຜູ້ເສຍຊີວິດຈາກການຕິດເຊື້ອໂຄວິດ-19.

ອິນໂດຍເນເຊຍ ມີມາດຕະການປ້ອງກັນໂຄວິດດ້ວຍການໃຫ້ປະຊາຊົນສວມໃສ່ຜ້າປິດປາກ-ປິດດັງໃນທີ່ສາທາລະນະ ແຕ່ກໍ່ມີປະຊາຊົນຈຳນວນໜຶ່ງຍັງບໍ່ເອົາໃຈໃສ່ ແລະ ບໍ່ປະຕິບັດຕາມຂໍ້ກຳນົດໃນການຮັກ ສາໄລຍະຫ່າງລະຫວ່າງກັນ.

ກະຊວງສາທາລະນະສຸກອິນໂດເນເຊຍ ລາຍງານວ່າ ປັດຈຸບັນ, ມີຜູ້ເສຍຊີວິດຈາກໂຄວິດ-19 ໃນອິນໂດ ເນເຊຍ 9,100ຄົນ ຖືກວ່າເປັນຈຳນວນສູງສຸດໃນອາຊຽນ ແລະ ມີຜູ້ຕິດເຊື້ອເກືອບ 230,000ຄົນ, ຮັກສາຫາຍ 160,000ຄົນ.

ຮຽບຮຽງຂ່າວ: ພຸດສະດີ