Homeຂ່າວຕ່າງປະເທດສ ປປ ລາວ ແລະ ປະເທດທົ່ວໂລກສະແດງຄວາມເສຍໃຈຕໍ່ເຫດການລະເບີດໃນເມືອງເບຣຸດ

ສ ປປ ລາວ ແລະ ປະເທດທົ່ວໂລກສະແດງຄວາມເສຍໃຈຕໍ່ເຫດການລະເບີດໃນເມືອງເບຣຸດ

Published on

ເວັບໄຊ sanook ລາຍງານວ່າ ເມື່ອວັນທີ 5 ສິງຫາ ຄະນະລັດຖະມົນຕີລີບັງໄດ້ປະກາດພາວະສຸກເສີນເປັນເວລາ 2 ອາທິດ ໃນນະຄອນຫຼວງເບຣຸດ ລວມເຖິງໃຫ້ອຳນາດທະຫານເຂົ້າຈັບກຸມຕົວຜູ້ທີ່ມີສ່ວນກ່ຽວຂ້ອງກັບການລະເບີດໃນຄັ້ງນີ້ ເມື່ອວັນທີ 4 ສິງຫາ ທີ່ຜ່ານມາ ເຊິ່ງເຫດການດັ່ງກ່າວໄດ້ເຮັດໃຫ້ປະຊາຊົນກວ່າ 300,000ຄົນ ບໍ່ມີທີ່ຢູ່ອາໄສ, ເສຍຊີວິດ 135ຄົນ ແລະ ບາດເຈັບຫຼາຍກວ່າ 5,000ກີບ.

ກະຊວງການຕ່າງປະເທດ ລາຍງານວ່າ: ສປປລາວ ໄດ້ສົ່ງສານສະແດງຄວາມເສົ້າສະຫຼົດໃຈ ຕໍ່ເຫດການລະເບີດຮຸນແຮງ ທີ່ ນະຄອນຫຼວງ ເບຣຸດ ໃນວັນທີ 4 ສິງຫາ 2020 ຜ່ານມາ.

ໃນວັນທີ 5 ສິງຫາ ທີ່ຜ່ານມາ ບັນດາປະເທດທົ່ວໂລກໄດ້ສະແດງຄວາມເສຍໃຈຕໍ່ເຫດການລະເບີດຢ່າງຮຸນແຮງທີ່ເກີດຂື້ນ ໃນນະຄອນຫຼວງ ເບຣຸດ ປະເທດລີບັງ (ເລບານອນ) ພ້ອມທັງປະກາດວ່າ ຈະໃຫ້ຄວາມຊ່ວຍເຫຼືອ ໃນໄລຍະເວລາທີ່ພວມຜະເຊີນກັບຄວາມຫຍຸ້ງຍາກ. ທ່ານ ໂດນັນທຣຳ ປະທານາທິບໍດີ ສ.ອາເມລິກາ, ທ່ານ ຊາຣລ ມິເຊລ ປະທານ ຄະນະມົນຕີ ເອີຣົບ(EU) ປະ ກາດວ່າ: ກຽມພ້ອມໃຫ້ຄວາມຊ່ວຍເຫຼືອ, ສ່ວນທ່ານນາງ ອັງເກລາ ແມຣເຄີລ ນາຍົກລັດຖະມົນຕີ ເຢຍ ລະມັນ, ທ່ານ ສກອດ ມໍຣຣີສັນ ນາຍົກລັດຖະມົນຕີ ອົດສະຕຣາລີ ກໍກ່າວວ່າ: ຈະໃຫ້ຄວາມຊ່ວຍເຫຼືອແກ່ຊາວລີບັງ ແລະ ສະແດງຄວາມເສຍໃຈຕໍ່ຜູ້ສູນເສຍບຸກຄົນອັນເປັນທີ່ຮັກ ແລະ ຫວັງວ່າຜູ້ທີ່ໄດ້ຮັບຄວາມເຈັບປວດ ເຫຼົ່າານີ້ ຈະຟື້ນຕົວຂື້ນ ໃນໄວໆນີ້.

ໃນຂະນະທີ່ ອິດສະຣາແອນ ທີ່ເຮັດສົງຄາມສູ້ຮົບກັບລີບັງຫຼາຍຄັ້ງ ໃນອະດິດກໍ່ໄດ້ສົ່ງກຳລັງໃຈ ແລະ ຊ່ວຍເຫຼືອທາງການແພດ ໂດຍອິດສະຣາແອນ ປະສານງານກັບລີບັງຜ່ານຊ່ອງທາງການທູດ ແລະ ການປ້ອງກັນສາກົນ. ຢ່າງໃດກໍ່ຕາມ ກາຕາ, ອີຣັກ ແລະ ກູເວດ ພ້ອມໃຈສະແດງ ຄວາມຊ່ວຍເຫຼືອດ້ານການແພດໄປຍັງເລບານອນ, ເຊິ່ງກາຕາ ສົ່ງຊຸດໂຮງໝໍສະໜາມ ທີ່ປະກອບດ້ວຍ ຕຽງຄົນເຈັບ 500 ຕຽງ ຈຳນວນ 2 ຊຸດ ແລະ ອື່ນໆ.

ປະທານາທິບໍດີ ເອັມມານູເອລ ມາຄຣອງ ຂອງຝຣັ່ງ ໄດ້ເດີນທາງໄປຢຽມຢຽມນະຄອນຫຼວງເບຣຸດເມື່ອວັນທີ 6 ສິງຫາ ທັງຝຣັ່ງ,​ຣັດເຊຍ, ​ກາຕາ, ​ຈໍແດນ ແລະ ອິຫຼ່ານ ປະກາດຈະໃຫ້ການຊ່ວຍເຫຼືອທາງການແພດແກ່ລີບັງ ແລະ ທາງສາທາລະນະເຊັກກໄດ້ສົ່ງທີມກູໄພ 37 ຄົນ ພ້ອມໝາດົມກິ່ນເພື່ອຄົ້ນຫາບຸກຄົນຕາມຊາກຫັກພັງ ສ່ວນສົມເດັດພຣະສັນຕະປາປາຟຣານຊິສ ແຫ່ງນະຄອນລັດວາຕິກັນກໍ່ຊ່ວຍຊວດມົນພາວະນາໃຫ້ຊາວລີບັງຜ່ານວິກິດຄັ້ງນີ້ໄປໄດ້.

 

ຮຽບຮຽງຂ່າວ:​ ພຸດສະດີ

ບົດຄວາມຫຼ້າສຸດ

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...