Homeຂ່າວຕ່າງປະເທດຫວຽດນາມອົບພະຍົບນັກທ່ອງທ່ຽວ 8 ໝື່ນຄົນອອກຈາກດານັງຫຼັງພົບຜູ້ຕິດເຊື້ອໂຄວິດ-19

ຫວຽດນາມອົບພະຍົບນັກທ່ອງທ່ຽວ 8 ໝື່ນຄົນອອກຈາກດານັງຫຼັງພົບຜູ້ຕິດເຊື້ອໂຄວິດ-19

Published on

ເວັບໄຊຂ່າວ dailynews ລາຍງານ ເມື່ອວັນທີ 27 ກໍລະກົດທີ່ຜ່ານມາ ກະຊວງຄົມມະນາຄົມຂອງຫວຽດນາມ ອອກຖະແຫຼງການເລື່ອງການປະສານງານກັບສາຍການບິນຫຼາຍແຫ່ງ ພ້ອມເລັ່ງດຳເນີນການຈັດທ້ຽວບິນພິເສດ ເພື່ອອົບພະຍົບນັກທ່ອງທ່ຽວປະມານ 80,000ຄົນອອກຈາກດານັງ ເນື່ອງຈາກພົບຜູ້ຕິດເຊື້ອໄວຣັດໂຄວິດ-19 ໃນເມືອງດານັງ 3 ກໍລະນີ ນັບຕັ້ງແຕ່ວັນເສົາທີ່ຜ່ານມາ.

ເບື້ອງຕົ້ນທາງລັດຖະບານໄດ້ປະເມີນເວລາຢ່າງໜ້ອຍ 4 ມື້ ໃນການຈັດທ້ຽວບິນໃຫ້ໄດ້ວັນໜຶ່ງຕໍ່ 100 ທ້ຽວບິນ ເພື່ອອົບພະຍົບນັກທ່ອງທ່ຽວຕ່າງຖິ່ນ ເຊິ່ງສ່ວນໃຫຍ່ແມ່ນຊາວຫວຽດນາມຈາກເມືອງອື່ນ ແຕ່ກໍ່ມີຊາວຕ່າງປະເທດທີ່ຕົກຄ້າງຈຳນວນໜຶ່ງ.

ທັງນີ້,​ ຫວຽດນາມຍັງຄົງປິດຊາຍແດນເພື່ອຢຸດຮັບນັກທ່ອງທ່ຽວຕ່າງຊາດ ຕັ້ງແຕ່ເດືອນ ມີນາ ທີ່ຜ່ານມາ ເພື່ອຫຼຸດຄວາມສ່ຽງການແຜ່ກະຈາຍຂ້າມປະເທດຂອງເຊື້ອໄວຣັດໂຄໂຣນາສາຍພັນໃໝ່.

ລັດຖະບານຫວຽດນາມບໍ່ໄດ້ເປີດເຜີຍຜົນການສອບສວນວ່າຕົ້ນຕໍຂອງເຊື້ອໄວຣັດໃນເມືອງດານັງມາຈາກສະຖານທີ່ແຫ່ງໃດ ແຕ່ທ່ານນາຍົກລັດຖະມົນຕີ ຫວຽນ ຊວນ ຟຸກ ມີຄຳສັ່ງໃຫ້ໜ່ວຍງານທີ່ກ່ຽວຂ້ອງຍົກລະດັບມາດຕະການກວດລ້າງຜູ້ທີ່ລັກລອບເຂົ້າເມືອງ.

ປັຸດຈຸບັນ,​ ຍອດຜູ້ປ່ວຍຕິດເຊື້ອສະສົມໂຣກໂຄວິດ-19 ມີຢ່າງໜ້ອຍ 420ຄົນ ຍັງເຫຼືອຮັກສາຕົວໃນໂຮງໝໍ 55ຄົນ ແລະ ຍັງບໍ່ມີຜູ້ເສຍຊີວິດ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...