ສຳນັກຂ່າວເຊົາໄຊນ່າ ມໍນິງ ໂພສ ລາຍງານວ່າ ທາງລັດຖະບານຈີນກຽມພິຈາລະນາສັ່ງປິດສະຖານກົງສູນອາເມລິກາໃນເມືອງເສິງຕູ ມົນທນເສສວນ ເພື່ອຕອບໂຕ້ລັດຖະບານອາເມລິກາ ຫຼັງຈາກທີ່ເມື່ອວັນທີ 22 ກໍລະກົດ 2020 ທາງກະຊວງການຕ່າງປະເທດອາເມລິກາ ໄດ້ມີຄຳສັ່ງໃຫ້ທາງລັດຖະບານຈີນດຳເນີນການປິດກົງສູນຈີນໃນເມືອງ ຮຸສຕັນ ລັດເທັກຊັສ ພາຍໃນ 72 ຊົ່ວໂມງ ໂດຍອ້າງວ່າເພື່ອປົກປ້ອງຊັບສິນທາງປັນຍາຂອງອາເມລິກາ ຂໍ້ມູນສ່ວນຕົວຂອງຊາວອາເມລິກັນ.
ການປິດສະຖານກົງສູນອາເມລິກາໃນເມືອງເສິງຕູ ມີແນວໂນ້ມຈະສ້າງແຮງກົດດັນຕໍ່ອາເມລິກາໄດ້ພໍສົມຄວນ ເນື່ອງຈາກເປັນເມືອງສຳຄັນດ້ານຍຸດທະສາດ ເຊິ່ງຄວບຄຸມພື້ນທີ່ຫຼາຍມົນທົນທາງຝັ່ງຕາເວັນຕົກສຽງໃຕ້ຄື: ມົນທົນເສສວນ, ຢຸນນານ, ກຸ້ຍໂຈ ລວມເຖິງເທດສະບານນະຄອນສົງຊິງ ແລະ ເຂດປົກຄອງຕົນເອງທິເບດ.
ທັງນີ້, ອາເມລິກາມີສະຖານກົງສູນ 5 ແຫ່ງໃນຈີນຄື: ເມືອງກວາງໂຈ, ຊຽງໄຮ້, ເສິນຫຍາງ, ເສິງຕູ ແລະ ອູ່ຮັ່ນ ເຊິ່ງກ່ອນໜ້ານີ້ທາງລັດຖະບານຈີນ ເຄີຍພິຈາລະນາຈະສັ່ງປິດສະຖານກົງສູນອາເມລິກາ ທີ່ເມືອງອູ່ຮັ່ນ.
ອ່ານຂ່າວຍ້ອນຫຼັງໄດ້ທີ່: ຈີນຂູ່ຕອບໂຕ້ອາເມລິກາຫຼັງສັ່ງປິດສະຖານກົງສູນຈີນໃນລັດເທັກຊັສ
ຮຽບຮຽງຂ່າວ: ພຸດສະດີ