spot_img
Homeຂ່າວທ້ອງຖິ່ນແຂວງວຽງຈັນຈະເລັ່ງປັບປຸງເສັ້ນທາງເຂົ້າ-ອອກ 4 ບ້ານທີ່ຍັງທຸກຍາກ

ແຂວງວຽງຈັນຈະເລັ່ງປັບປຸງເສັ້ນທາງເຂົ້າ-ອອກ 4 ບ້ານທີ່ຍັງທຸກຍາກ

Published on

ໜັງສືພິມວຽງຈັນທາມ ລາຍງານວ່າ ອໍານາດການປົກຄອງ ແຂວງວຽງຈັນຈະເລັ່ງປັບປຸງເສັ້ນທາງເຂົ້າ-ອອກ 4 ບ້ານທີ່ຍັງທຸກຍາກ ພາຍໃນແຂວງໃຫ້​ສະດວກ​ສະບາຍທຽວໄດ້​ທັງ​ສອງ​ລະດູ​ການ ເພື່ອ​ເປັນ​ການ​ຊຸກຍູ້​ການ​ຜະລິດ​ຂອງ​ປະຊາຊົນ​ໃຫ້​ສາມາດ​ນຳ​ເອົາ​ສິນຄ້າ​ທີ່​ປະຊາຊົນ​ປູກ​ອອກ​ສູ່​ຕະຫຼາດ​ໃນ​ຕົວ​ເມືອງ​ໄດ້ ຫຼື ​ໃຫ້​ພໍ່ຄ້າ-ແມ່​ຄ້າ ສາມາດ​ເຂົ້າເກັບຊື້ໄດ້ໂດຍ​ກົງ 4 ບ້ານທີ່ຍັງ​ທຸກ​ຍາກປະກອບມີ​ບ້ານນ້ຳຫານ, ​ບ້ານສາມັກຄີ​ໄຊ, ​ບ້ານປາກ​ແຜນ ແລະ ​ບ້ານປາກ​ຢັນ ທີ່​ຂຶ້ນ​ກັບ​ເມືອງ​ແມດ ແຂວງວຽງຈັນ (ຄອບຄົວ​ທຸກ​ຍາກ​ຍັງ​ເຫຼືອ 755 ຄອບຄົວ).

​ທ່ານ ຄຳ​ພັນ ສິດທິ​ດຳ​ພາ ກຳມະການ​ສູນ​ກາງ​ພັກ ເລຂາ​ພັກ​ແຂວງ ເຈົ້າແຂວງໆ​ວຽງ​ຈັນ ໄດ້ກ່າວເມື່ອບໍ່​ດົນມານີ້ວ່າ: ການແກ້ໄຂ ຫຼື ຈະສາມາດລຶບລ້າງຄວາມທຸກຍາກຂອງ ປະຊາຊົນ 4 ບ້ານ​ທຸກ​ຍາກດັ່ງກ່າວໄດ້ນັ້ນ ກ່ອນອື່ນໝົດຕ້ອງໄດ້ສຸມໃສ່ການປັບປຸງເສັ້ນທາງເຂົ້າບ້ານຂອງເຂົາເຈົ້າໃຫ້ທຽວໄດ້ທັງສອງລະດູ. ປັດຈຸບັນນີ້ເສັ້ນທາງເຂົ້າ-ອອກ 4 ບ້ານດັ່ງກ່າວສາມາດທຽວໄດ້ແຕ່ລະດູແລ້ງ, ສ່ວນ​ຍາມ​ຝົນ​ແມ່ນ​ພົບ​ຄວາມ​ຫຍຸ້ງຍາກ ເຊັ່ນ: ທາງມື່ນລົດບໍ່ສາມາດແລ່ນເຂົ້າ-ອອກໄດ້, ທາງເປື້ອນ ເປັນຂຸມ ແລະ ອື່ນໆ.

ທ່ານ ຄຳ​ພັນ ໄດ້ກ່າວຕື່ມວ່າ: ຖ້າເສັ້ນທາງດີສາມາດທຽວໄດ້ທຸກລະດູກໍ່ຈະເປັນການ​ຊຸກຍູ້​ການ​ຜະລິດ​ຂອງ​ປະຊາຊົນ​ໃຫ້​ສາມາດ​ນຳ​ເອົາ​ສິນຄ້າ​ຂອງເຂົາ​ເຈົ້າ ອອກມາຂາຍຢູ່ຕະຫຼາດຕົວເມືອງໄດ້ ນອກນັ້ນ ພໍ່ຄ້າ ແມ່ຄ້າ ຍັງສາມາດເຂົ້າໄປຊື້ຜົນຜະລິດຂອງປະຊາຊົນໄດ້ໂດຍກົງເລີຍ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...