spot_img
Homeຂ່າວຕ່າງປະເທດຜູ້ນຳບຣາຊິນຕິດເຊື້ອໄວຣັດໂຄວິດ-19 ຫຼັງພົບປະຜູ້ຄົນ

ຜູ້ນຳບຣາຊິນຕິດເຊື້ອໄວຣັດໂຄວິດ-19 ຫຼັງພົບປະຜູ້ຄົນ

Published on

ເມື່ອວັນທີ 7 ກໍລະກົດ 2020 ສຳນັກຂ່າວ CNN ລາຍງານວ່າ ປະທານາທິບໍດີ ຊາອີຣ໌ ໂບລໂຊນາໂລ ແຫ່ງປະເທດ ບຣາຊິນ ຕິດເຊື້ອໂຄວິດ-19 ຫຼັງຈາກຜົນກວດອອກມາເປັນບວກ ນັບວ່າເປັນຜູ້ນຳປະເທດຄົນຫຼ້າສຸດທີ່ຕິດເຊື້ອໂຄວິດ. ໂດຍສຳນັກງານຝ່າຍສື່ຂອງປະທານາທິບໍດີບຣາຊິນ ໄດ້ເປີດເຜີຍຕໍ່ກັບສຳນັກຂ່າວ ຊີເອັນເອັນ ວ່າ ທ່ານ ໂບລໂຊນາໂຣ ກຳລັງຮັບການຮັກສາ.

ບຣາຊິນເປັນອັນດັບສອງຮອງຈາກອາເມລິກາທີ່ມີການຕິດເຊື້ອໂຄວິດ-19 ແລະ ການເສຍຊີວິດຫຼາຍທີ່ສຸດໃນໂລກ ແຕ່ທ່ານ ໂບລໂຊນາໂລ ມັກປະກົດຕົວຕໍ່ໜ້າສາທາລະນະ ແລະ ໃນການຊຸມນຸມໂດຍບໍ່ໃສ່ຜ້າປິດປາກ ພ້ອມຍັງມັກກອດຜູ້ຄົນ.

ທັງນີ້, ໃນຊ່ວງຫຼາຍເດືອນທີ່ຜ່ານມາ ທ່ານ ໂບລໂຊນາໂລ ຖືກວິຈານຢ່າງໜັກໃນການຮັບມືກັບໂຄວິດ-19 ໃນບຣາຊິນ ໂດຍເຂົາໄດ້ປະຕິເສດອັນຕະລາຍຈາກໄວຣັດນີ້ ແລະ ຮຽກຮ້ອງໃຫ້ຜູ້ວ່າການລັດຕ່າງໆເລີກໃຊ້ມາດຕະການເວັ້ນໄລຍະຫ່າງ ຫຼື ມາດຕະການລັອກດາວ ເພື່ອຄວບຄຸມການລະບາດ ເຖິງແມ່ນວ່າຈະມີຈຳນວນຍອດຜູ້ຕິດເຊື້ອສະສົມຫຼາຍກວ່າ 1,623,284 ຄົນ ແລະ ມີຜູ້ເສຍຊີວິດແລ້ວຫຼາຍກວ່າ 65,000ຄົນ.

ທ່ານ ໂບລໂຊນາໂລ ຖືກກວດພົບວ່າຕິດເຊື້ອໂຄວິດ-19 ພຽງບໍ່ພໍເທົ່າໃດມື້ຫຼັງຈາກທີ່ເຂົາເຂົ້າຮ່ວມພິທີລຳລຶກ ວັດຊາດສະຫະລັດອາເມລິກາ ເມື່ອວັນທີ 4 ກໍລະກົດ ທີ່ຜ່ານມາ.

 

ຮຽບຮຽງຂ່າວ: ພຸດສະດີ

 

 

 

ບົດຄວາມຫຼ້າສຸດ

ອອກມາແລ້ວ ກົດໝາຍວ່າດ້ວຍລັດຖະກອນສະບັບປັບປຸງໃໝ່ ລົງວັນທີ 7 ພຶດສະພາ 2025

ແຈ້ງການອອກມາແລ້ວ ກົດໝາຍວ່າດ້ວຍພະນັກງານ-ລັດຖະກອນ ສະບັບປັບປຸງ ເລກທີ 046/ປປທ ລົງວັນທີ 07/09/2025 ມີເນື້ອໃນດັ່ງນີ້:

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...