spot_img
Homeຂ່າວການສຶກສາສສກ ຍັງບໍ່ໄດ້ຮັບຂໍ້ມູນນັກສຶກສາລາວທີ່ລັກໜີຈາກ 3 ສະຖາບັນສຶກສາ ແຂວງ ຮ່າຕິ້ງ

ສສກ ຍັງບໍ່ໄດ້ຮັບຂໍ້ມູນນັກສຶກສາລາວທີ່ລັກໜີຈາກ 3 ສະຖາບັນສຶກສາ ແຂວງ ຮ່າຕິ້ງ

Published on

ວິທະຍຸກະຈາຍສຽງແຫ່ງຊາດ ລາຍງານໃຫ້ຮູ້ວ່າ ກະຊວງສຶກສາທິການ ແລະ ກິລາ ຍັງບໍ່ທັນໄດ້ຮັບຂໍ້ມູນລະອຽດກ່ຽວກັບນັກສຶກສາລາວ ທີ່ລັກໜີອອກຈາກ 3 ສະຖາບັນການສຶກສາ ຢູ່ແຂວງຮ່າຕິ້ງ ສສ ຫວຽດນາມ ທີ່ກັບຄືນມາລາວ ໃນຕົ້ນເດືອນເມສາ 2020 ຜ່ານມາເທື່ອ. ໃນຂະນະທີ່ບັນດາສະຖາບັນການສຶກສາຂອງຫວຽດນາມ ກຳລັງເລີ່ມເປີດການສຶກສາຄືນໃໝ່ ແລະ ຂໍໃຫ້ນັກສຶກສາລາວ ທີ່ສຶກສາ ຢູ່ຫວຽດນາມ ກັບຄືນໄປສຶກສາໄດ້ແລ້ວ.

ອີງຕາມໜັງສືແຈ້ງການ ຈາກພະແນກການພົວພັນຕ່າງປະເທດ ຂອງແຂວງຮ່າຕິ້ງ ສະບັບເລກທີ 238/SNgV-LSBG, ລົງວັນທີ 07/04/2020 ແລະ ໜັງສືລາຍງານຈາກສະຖານກົງສູນໃຫຍ່ລາວ ປະຈໍານະຄອນດານັງ ຂອງຫວຽດນາມ ສະບັບເລກທີ 136/ກສ.ດນ, ລົງວັນທີ 08 ເມສາ 2020 ໃຫ້ຮູ້ວ່າ ມີນັກສຶກສາລາວ ຈໍານວນ 149 ຄົນ ລັກອອກຈາກຫໍພັກ 3 ສະຖາບັນການສຶກສາ ຢູ່ແຂວງຮ່າຕິ້ງ. ຫຼັງຈາກນັ້ນ ກະຊວງ ສຶກສາທິການ ແລະ ກິລາ ໄດ້ແຈ້ງການໃຫ້ພະແນກສຶກສາທິການ ແລະ ກິລາ ບັນດາແຂວງທີ່ກ່ຽວຂ້ອງຕິດຕາມເກັບກໍາຂໍ້ມູນສ່ວນບຸກຄົນຂອງນັກສຶກສາພາຍໃນແຂວງຂອງຕົນທີ່ລັກໜີມາຈາກສະຖານບັນການສຶກສາໃນແຂວງຮ່າຕິ້ງ ຂອງຫວຽດນາມ ໃນຄັ້ງນີ້ ເປັນຕົ້ນ: ຊື່ ແລະ ນາມສະກຸນ, ທີ່ຢູ່ປັດຈຸບັນ, ວັນດືອນປີ ທີ່ຈະກັບຄືນໄປຮຽນຕໍ່ ແລະ ອື່ນໆໂດຍໄດ້ແຈ້ງໄປ 2 ຄັ້ງແລ້ວ ແຕ່ຍັງບໍ່ທັນໄດ້ຮັບຄໍາຕອບໃດເທື່ອ.

ທ່ານ ກອງສີ ແສງມະນີ ຮອງລັດຖະມົນຕີກະຊວງສຶກສາທິການ ແລະ ກິລາ ໃຫ້ຮູ້ວ່າ: ເມື່ອບໍ່ດົນມານີ້ ກະຊວງສຶກສາທິການ ແລະ ກິລາ ໄດ້ຮັບໜັງສືຈາກທູດວັດທະນະທໍາລາວ ປະຈໍານະຄອນຫຼວງຮ່າໂນ່ຍ ຂອງຫວຽດນາມ ວ່າ: ບັນດາສະຖາບັນການສຶກສາ ຂອງຫວຽດນາມເລີ່ມເປີດການຮຽນໃໝ່ແລ້ວ ແລະ ຂໍໃຫ້ນັກສຶກສາລາວ ທີ່ເດີນທາງກັບປະເທດກັບຄືນໄປສຶກສາໄດ້ແລ້ວ.

ສໍາລັບ 3 ສະຖານການສຶກສາ ຂອງແຂວງຮ່າຕິ້ງ ຄັ້ງນີ້ທີ່ນັກສຶກສາລາວ ລັກໜີອອກຈາກຫໍພັກ ລວມມີ: ມະຫາວິທະຍາໄລ ຮ່າຕິ້ງ ຈໍານວນ 70 ຄົນ, ວິທະຍາໄລການແພດ ຮ່າຕິ້ງ ຈໍານວນ 53 ຄົນ ແລະ ວິທະຍາໄລເຕັກນິກ ຫວຽດ-ເຢຍລະມັນ ຈໍານວນ 28 ຄົນ. ໃນນີ້ເປັນນັກສຶກສາ ແຂວງຄຳມ່ວນ 52 ຄົນ, ຊຽງຂວາງ 26 ຄົນ, ນະຄອນຫຼວງ 18 ຄົນ, ຈຳປາສັກ 12 ຄົນ, ສະຫວັນນະເຂດ 10 ຄົນ, ວຽງຈັນ 10 ຄົນ, ໄຊສົມບູນ 9 ຄົນ, ບໍລິຄຳໄຊ 3 ຄົນ, ສາລະວັນ 3 ຄົນ, ໄຊຍະບູລິ 2 ຄົນ, ຜົ້ງສາລີ 2 ຄົນ, ຫົວພັນ 2 ຄົນ, ອັດຕະປື 1 ຄົນ ແລະ ຫຼວງພະບາງ 1 ຄົນ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...