ໃນວັນທີ 21 ເມສາ ມີລາຍງານວ່າປະທານປະເທດແຫ່ງສະຫະລັດອາເມລິກາ ໂດນັລ ທຣັມ ປະກາດຈະອອກຄຳສັ່ງໃຫ້ຍຸຕິຄົນຕ່າງປະເທດເຂົ້າເມືອງເປັນການຊົ່ວຄາວ ເພື່ອສະກັດກັ້ນການແຜ່ລະບາດຂອງໄວຣັສໂຄວິດ-19, ຕອນນີ້ຍັງບໍ່ມີລາຍລະອຽດເພີ່ມເຕີມກ່ຽວກັບຄຳສັ່ງນີ້. ພ້ອມກັນນີ້ ທາງທຳນຽບຂາວກໍ່ໄດ້ມີການຖົກຖຽງເຖິງຈຸດສິ້ນສຸດຂອງການແຜ່ລະບາດ ແລະ ການທີ່ປະເທດຈະສາມາດກັບມາເປີດໄດ້.

ທາງສະຫະລັດກໍ່ໄດ້ມີການຕົກລົງກັບປະເທດ ການາດາ ແລະ ເມັກຊິໂກ ໃຫ້ຂະຫຍາຍມາດຕະການຈຳກັດຜູ້ທີ່ເດີນທາງຜ່ານຊາຍແດນໂດຍບໍ່ມີເຫດຈຳເປັນ ຈົນເຖິງກາງເດືອນພຶດສະພາ. ການເດີນທາງເຂົ້າປະເທດກໍ່ຍັງຈຳກັດຜູ້ທີ່ເດີນທາງມາຈາກທະວີບເອີຣົບ ແລະ ປະເທດຈີນຢ່າງເຄັ່ງຄັດ, ຍົກເວ້ນຜູ້ທີ່ທີ່ຖືວີຊ່າເຮັດວຽກ, ນັກຮຽນ ແລະ ນັກທຸລະກິດ.

ນອກຈາກນີ້ ທາງການກໍ່ໄດ້ແນ່ເຫັນເຖິງການເປີດເມືອງໃນບາງສ່ວນຂອງປະເທດ. ຕອນນີ້ ອາເມລິກາ ມີກໍລະນີຕິດເຊື້ອໂຄວິດ-19ແລ້ວ 782,159 ກໍລະນີ, ເສຍຊີວິດ 41,816 ກໍລະນີ.

ຮຽບຮຽງໂດຍ: ວະນິດາ