spot_img
Homeຂ່າວທ້ອງຖິ່ນໂຄວິດ-19 ກະທົບໜັກເສດຖະກິດລາວປີນີ້ຈະເຕີບໂຕພຽງ 3,3%

ໂຄວິດ-19 ກະທົບໜັກເສດຖະກິດລາວປີນີ້ຈະເຕີບໂຕພຽງ 3,3%

Published on

ໜັງສືພິມເສດຖະກິດ-ການຄ້າ ລາຍງານໃນວັນທີ 20 ເມສາ ວ່າ ອີງຕາມບົດລາຍງານ ຜົນການຄົ້ນຄວ້າການແຜ່ລະບາດຂອງພະຍາດໂຄວິດ-19, ຜົນກະທົບທາງດ້ານເສດຖະກິດ ແລະ ຂໍ້ສະເໜີແນະມາດຕະການສໍາລັບໄລຍະສັ້ນ, ກາງ ແລະ ຍາວ ປະຈໍາເດືອນເມສາ 2020 ໃນວັນທີ 19 ເມສາ 2020 ໃຫ້ຮູ້ເຖິງຜົນກະທົບຕໍ່ການເຕີບໂຕຂອງເສດຖະກິດແຫ່ງຊາດວ່າ: ຈາກຜົນກະທົບໂດຍກົງຕໍ່ຂະແໜງການທ່ອງທ່ຽວ, ການຄ້າ, ການລົງທຶນ ແລະ ຂະແໜງອື່ນໆເຂົ້າກັນ ສະຖາບັນຄົ້ນຄວ້າເສດຖະກິດແຫ່ງຊາດ ຄາດຄະເນວ່າ ເສດຖະກິດແຫ່ງຊາດຂອງ ສປປ ລາວ (GDP) ເຕີບໂຕຕໍ່າລົງຈາກ 6,1% ໃນປີ 2019 ລົງມາຢູ່ໃນລະດັບ 3,3% ໃນປີ 2020 ເຊິ່ງຕໍ່າກວ່າທີ່ຄາດໄວ້ເບື້ອງຕົ້ນ (4,5%) ໃນເດືອນ ມີນາ 2020.

ທັງນີ້ ທະນາຄານພັດທະນາອາຊີ (ADB) ໄດ້ຄາດຄະເນ ການເຕີບໂຕ GDP ຂອງ ສປປ ລາວ ສໍາລັບ 2020 ແມ່ນ 3,5%, ທະນາຄານໂລກ (World Bank) ຄາດຄະເນ 3,6% (ແຕ່ຈະມີການປັບລົງຍັງເຫຼືອ -2,2% ຕາມການສົນທະນາບໍ່ເປັນທາງການຂອງຊ່ຽວຊານ WB), ກອງທຶນສາກົນ (IMF) ຄາດຄະເນ 0,7% ສໍາລັບປີ 2020, ຖ້າການແຜ່ລະບາດ ຂອງພະຍາດໂຄວິດ-19 ຫາກສືບຕໍ່ແກ່ຍາວ ແລະ ມີຜົນກະທົບຫຼາຍຂຶ້ນໂດຍສະເພາະການສົ່ງອອກຂອງລາວ ທີ່ຈະຫຼຸດລົງຫຼາຍກວ່າທີ່ເຄີຍໄດ້ຄາດໄວ້ເບື້ອງຕົ້ນໂດຍໃນໄລຍະ 3 ເດືອນທໍາອິດຂອງປີ 2020 ການສົ່ງອອກໄດ້ເລີ່ມມີທ່າອ່ຽງຫຼຸດລົງຈາກ 410 ລ້ານໂດລາ ໃນເດືອນ ມັງກອນ ເປັນ 391 ລ້ານໂດລາ ໃນເດືອນ ກຸມພາ ແລະ 343 ລ້ານໂດລາ ໃນເດືອນ ມີນາ ໂດຍສະເພາະສົ່ງສິນຄ້າອອກໄປໄທ ແລະ ຫວຽດນາມ.

ສາເຫດຕົ້ນຕໍແມ່ນຍ້ອນອັດຕາການເຕີບໂຕຂອງປະເທດຄູ່ຄ້າຂອງ ສປປ ລາວ ໄດ້ຖືກປັບຫຼຸດລົງຫຼາຍ, ຄວາມຕ້ອງການນໍາເຂົ້າສິນຄ້າຂອງປະເທດຄູ່ການຄ້າຈາກ ສປປ ລາວ ຈະຫຼຸດລົງ, ຕາມການຄາດຄະເນຂອງອົງການ IMF, ການເຕີບໂຕຂອງໄທ ໄດ້ປັບຫຼຸດຈາກ 3% ເປັນ -6,7%, ຫວຽດນາມ ປັບຫຼຸດຈາກ 6,5% ເປັນ 2,7% ແລະ ຈີນ ປັບຫຼຸດຈາກ 5,8% ເປັນ 1,2%.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...