ງານວິໄຈຈາກມະຫາວິທະຍາໄລຂອງເບລຢຽມ ແລະ ດັດຊ໌ ກ່ຽວກັບຫົວຂໍ້ການແຜ່ລະບາດຂອງເຊື້ອໄວຣັດໂຄວິດ-19 ໃນເວລາອອກກຳລັງກາຍບໍ່ວ່າຈະເປັນ ການຍ່າງ, ການແລ່ນ, ການຂີ່ລົດຖີບ ແມ່ນສາມາດແຜ່ເຊື້ອໄດ້ໄກກວ່າປົກກະຕິ.
ໂດຍງານວິໄຈໄດ້ລະບຸວ່າ ຈາກເມື່ອກ່ອນທີ່ເຮົາສາມາດແຜ່ເຊື້ອໂຄວິດ-19 ຈາກການໄອ-ຈາມ ໄດ້ພຽງປະມານ 2 ແມັດ ແຕ່ຜົນການວິໄຈນີ້ຊີ້ໃຫ້ເຫັນວ່າ: ຫາກທ່ານອອກກຳລັງກາຍສາມາດແຜ່ເຊື້ອໄດ້ໄກ 4-5 ແມັດ, ຖ້າອອກກຳລັງກາຍດ້ວຍການແລ່ນ ຫຼື ຖີບລົດແບບຊ້າໆ ສາມາດແຜ່ເຊື້ອໄດ້ໄກ 10 ແມັດ, ຖ້າຂີ່ລົດຖີບແບບປັ່ນໄວໆສາມາດແຜ່ເຊື້ອໄດ້ໄກຮອດ 20 ແມັດ.
ຜົນການວິໄຈນີ້ເຮັດໃຫ້ບາງປະເທດອອກມາດຕະການກ່ຽວກັບການອອກກຳລັງກາຍນອກບ້ານແລ້ວເຊັ່ນ: ປະເທດຝຣັ່ງ ອອກມາດຕະການຫ້າມອອກກຳລັງກາຍໃນທີ່ສາທາລະນະແລ້ວ.
ຮຽບຮຽງຂ່າວ: ພຸດສະດີ