spot_img
Homeຂ່າວຕ່າງປະເທດມຽນມາກຽມແຈກອາຫານ ແລະ ງົດເກັບຄ່າໄຟຟ້າກັບປະຊາຊົນໃນຊ່ວງວິກິດໂຄວິດ-19

ມຽນມາກຽມແຈກອາຫານ ແລະ ງົດເກັບຄ່າໄຟຟ້າກັບປະຊາຊົນໃນຊ່ວງວິກິດໂຄວິດ-19

Published on

ສຳນັກຂ່າວຕ່າງປະເທດລາຍງານຈາກນະຄອນຫຼວງຢາງກຸ້ງ ປະເທດມຽນມາ ເມື່ອວັນທີ 8 ເມສາ ວ່າ ຄະນະກຳມະທິການດ້ານການປ້ອງກັນ ຄວບຄຸມ ແລະ ຮັກສາໂຣກໂຄວິດ-19 ອອກຖະແຫຼງການວ່າ ເຈົ້າໜ້າທີ່ລັດກຽມສົ່ງອາຫານແຫ້ງ ແລະ ສິ່ງຂອງຈຳເປັນໃຫ້ກັບປະຊາຊົນນັບຕັ້ງແຕ່ວັນທີ 10 ເມສາ ນີ້ເປັນຕົ້ນໄປ.

ທັງນີ້, ການຈັດສົ່ງອາຫານ ແລະ ສິ່ງຂອງທັງໝົດເປັນຄວາມຮ່ວມມືລະຫວ່າງສະພາການຄ້າ ແລະ ອຸດສາຫະກຳມຽນມາ, ອົງການບໍລິການສັງຄົມທ້ອງຖິ່ນ ກັບຜູ້ອາວຸໂສໃນຊຸມຊົນ ແລະ ອາສາສະໝັກຄົນຮຸ່ນໃໝ່ ເພື່ອໃຫ້ໝັ້ນໃຈວ່າການກະຈາຍສິ່ງຊ່ວຍເຫຼືອທັງໝົດເປັນໄປຢ່າງທົ່ວເຖິງ ມີຄວາມວ່ອງໄວ ແລະ ໂປ່ງໃສ.

ນອກຈາກນີ້, ລັດຖະບານມຽນມາຍັງມີມະຕິຕົກລົງຍົກເວັ້ນການເກັບຄ່າໄຟຟ້າໃຫ້ກັບທຸກຄອບຄົວໃນອັດຕາການໃຊ້ບໍ່ເກີນ 150 ໜ່ວຍ ຈົນໝົດເດືອນນີ້ ລວມເຖິງການຍົກເວັ້ນຄ່າໄຟຟ້າໃຫ້ກັບບັນດາສະຖານທູດ, ສຳນັກງານຂອງສະຫະປະຊາຊາດ ແລະ ອົງການອິດສະຫຼະລະຫວ່າງປະເທດ.

ປັດຈຸບັນ, ມຽນມາມີຜູ້ປ່ວຍຕິດເຊື້ອໂຄວິດ-19 ສະສົມ 22 ຄົນ ເສຍຊີວິດ 1 ຄົນ, ກະຊວງສາທາລະນະສຸກຂອງມຽນມາກຳລັງພະຍາຍາມຢ່າງສຸດຄວາມສາມາດໃນການຈັດຫາໜ້າກາກອານາໄມ ເພື່ອເພື່ອສົ່ງມອບໃຫ້ກັບປະຊາຊົນທຸກຄົວເຮືອນພາຍໃນເດືອນນີ້.

 

ຮຽບຮຽງຂ່າວ: ພຸດສະດີ

 

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...