spot_img
Homeຂ່າວຕ່າງປະເທດສະຖານະການໂຄວິດ-19ໃນອິຕາລີຍັງໜ້າເປັນຫ່ວງ ມີຍອດຜູ້ເສຍຊີວິດກວ່າໝື່ນຄົນ

ສະຖານະການໂຄວິດ-19ໃນອິຕາລີຍັງໜ້າເປັນຫ່ວງ ມີຍອດຜູ້ເສຍຊີວິດກວ່າໝື່ນຄົນ

Published on

ສຳນັກຂ່າວຕ່າງປະເທດລາຍງານຈາກ ປະເທດອີຕາລີ ເມື່ອວັນທີ 1 ເມສານີ້ວ່າ ກະຊວງສາທາລະນະສຸກຂອງອິຕາລີລາຍງານຈຳ ນວນຜູ້ປ່ວຍທີ່ຕິດເຊື້ອໂຄວິດ-19 ລາຍໃໝ່ເພີ່ມຂຶ້ນອີກ 4,053ຄົນ ເຮັດໃຫ້ປັດຈຸບັນມີຜູ້ປ່ວຍສະສົມ 105,792ຄົນ, ຍອດຜູ້ເສຍຊີວິດ 12,428ຄົນ ແລະ ຮັກສາຫາຍແລ້ວ 15,729ຄົນ.

ອິຕາລີໄດ້ຍອມຮັບວ່າລະບົບສາທາລະນະສຸກຂອງປະເທດບໍ່ສາມາດຮັບມືກັບວິກິດການລະບາດຂອງເຊື້ອໄວຣັດໂຄວິດ-19ໄດ້ ເນື່ອງຈາກວ່າບຸກຄະລາກອນການແພດ ແລະ ເຄື່ອງມືທີ່ຈຳເປັນບໍ່ພຽງພໍ ຈົນເຖິງຂັ້ນເຮັດໃຫ້ອິຕາລີຕ້ອງເລືອກຮັກສາຜູ້ປ່ວຍ.

ທາງສາທາລະນະສຸກຂອງອິຕາລີມີນະໂຍບາຍໃຫ້ຜູ້ປ່ວຍຕິດເຊື້ອໂຄວິດ-19ທີ່ມີອາການພາຍນອກດີຂຶ້ນກັບໄປກັກຕົວ ແລະ ພັກຟື້ນຕໍ່ຢູ່ສະຖານທີ່ທີ່ທາງພາກລັດຈັດກຽມໄວ້ໃຫ້ ກ່ອນຈະສົ່ງຕົວກັບບ້ານເຖິງແມ່ນຜູ້ປ່ວຍຄົນນັ້ນຍັງມີຜົນກວດເປັນບວກຢູ່ກໍ່ຕາມ. ເນື່ອງຈາກວ່າທາງໂຮງໝໍຕ້ອງໄດ້ກຽມຕຽງໄວ້ໃຫ້ກັບຜູ້ປ່ວຍຄົນໃໝ່ທີ່ຈະເຂົ້າມາຮັກສາຕົວ ເຊິ່ງນະໂຍບາຍດັ່ງກ່າວນີ້, ມັນໄດ້ຮຽກສຽງວິພາກວິຈານຈາກສະຫະພາບແຮງງານແພດຂອງອິຕາລີວ່າບໍ່ຕ່າງຫຍັງກັບ “ລະເບີດຊີວະພາບ” ແລະ ຕັ້ງຄຳຖາມຕໍ່ລັດຖະບານວ່າ ທາງພາກລັດມີຄວາມໝັ້ນໃຈຫຼາຍພຽງໃດ ວ່າກຸ່ມຄົນເຫຼົ່ານີ້ຈະປະຕິບັດຕາມຄຳສັ່ງຂອງເຈົ້າໜ້າທີ່ ການຕັດສິນໃຈຂອງພາກລັດແມ່ນມີແຕ່ຈະເພີ່ມພາລະໃຫ້ກັບບຸກຄະລາກອນແພດ.

ທັງນີ້,​ລັດຖະບານອິຕາລີໄດ້ຂະຫຍາຍເວລາບັງຄັບໃຊ້ມາດຕະການປິດເມືອງເຊິ່ງມີຜົນນຳໃຊ້ເລີ່ມແຕ່ຕົ້ນເດືອນຜ່ານມາຈົນໄປເຖິງວັນທີ 12 ເມສານີ້ ແລະ ອິຕາລີຍັງຈະປະເມີນຕາມລຳດັບຄວາມສຳຄັນທາງເສດຖະກິດ ອາດຈະມີບາງຂະແໜງການການຜະລິດຕ້ອງໄດ້ກັບມາເຄື່ອນໄຫວຄືນ.

 

ຮຽບຮຽງຂ່າວ: ພຸດສະດີ

ແຫຼ່ງຂໍ້ມູນ: www.dailynews.co.th

 

 

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...