spot_img
Homeຂ່າວທ້ອງຖິ່ນສາທາຄາດຄະເນວ່າຕົວເລກຜູ້ຕິດເຊື້ອໂຄວິດ-19 ໃນລາວຍັງມີແນວໂນ້ມເພີ່ມຂຶ້ນ

ສາທາຄາດຄະເນວ່າຕົວເລກຜູ້ຕິດເຊື້ອໂຄວິດ-19 ໃນລາວຍັງມີແນວໂນ້ມເພີ່ມຂຶ້ນ

Published on

ສຳນັກຂ່າວສານປະເທດລາວ ລາຍງານເມືອວັນທີ 27 ມີນາ 2020 ນີ້ວ່າ ກະຊວງ ສາທາລະນະສຸກ ຄາດຄະເນວ່າຕົວເລກຈໍານວນຜູ້ຕິດເຊື້ອໂຄວິດຈະບໍ່ຢຸດພຽງເທົ່ານີ້ ແລະ ອາດຈະເພີ່ມຂຶ້ນຄືກັບເງົາຕາມໂຕກໍເປັນໄດ້. ພາຍຫຼັງຜູ້ຕິດເຊື້ອໂຄວິດກ່ອນຫນ້ານີ້ 6 ຄົນໄດ້ສາລະພາບ ແລະ ໃຫ້ຂໍ້ມູນລະອຽດຕໍ່ເຈົ້າຫນ້າທີ່ສະເພາະກິດວ່າພວກຕົນເອງໄດ້ສໍາຜັດ ແລະ ພົວພັນກັບຄົນອ້ອມຂ້າງຈໍານວນ 189 ຄົນ ປັດຈຸບັນເຈົ້າຫນ້າສະເພາະກິດໄດ້ຕີວົງອອ້ມ ແລະ ກວດຕ້ອນເອົາກໍລະນີຜູ້ສໍາຜັດທັງໝົດໄວ້ແລ້ວ ເຊິ່ງຍັງຈະສືບຕໍ່ຕິດຕາມອາການຢ່າງໃກ້ຊິດ.

ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກໄດ້ແຈ້ງຕໍ່ຜູ້ສື່ຂ່າວໃນວັນທີ 26 ມີນາ 2020 ນີ້ວ່າ ດັ່ງທີ່ຮູ້ນໍາກັນແລ້ວ ໃນຈໍານວນຜູ້ສໍາຜັດ ແລະ ກ່ຽວພັນ 189 ຄົນກັບຜູ້ຕິດເຊື້ອກ່ອນນີ້ ຈຶ່ງຮຽກຮ້ອງໃຫ້ທຸກຄົນລະມັດລະວັງ ແລະ ປ້ອງກັນຕົນເອງໂດຍຖືເອົາລະບຽບວິໄນ ແລະ ການປະຕິບັດຕາມມາດຕະການຂອງລັດຖະບານໃນການປ້ອງກັນ ແລະ ຄວບຄຸມເຊື້ອພະຍາດດັ່ງກ່າວຢ່າງເຄັ່ງຄັດ.

ປັດຈຸບັນຍອດຜູ້ຕິດເຊື້ອໄວຣັດໂຄວິດ-19 ຢູ່ ສປປ ລາວມີຜູ້ຕິດເຊື້ອໂຄວິດ 6 ຄົນ ພາຍຫຼັງດໍາເນີນການກວດວິເຄາະຫາເຊື້ອທັງໝົດ 181 ກໍລະນີ. ຜູ້ຕິດເຊື້ອໂຄວິດທັງ 6 ຄົນມີລາຍລະອຽດດັ່ງນີ້:

  1. ເພດຍິງ ອາຍຸ 36 ປີ ຢູ່ບ້ານ ຄຳຮຸ່ງ ເມືອງ ໄຊທານີ ນະຄອນຫຼວງວຽງຈັນ ເປັນພະນັກງານນຳທ່ຽວ.
  2. ເພດຊາຍ ອາຍຸ 28 ປີ ຢູ່ບ້ານ ຈັນສະຫວ່າງ ເມືອງ ສີໂຄດຕະບອງ ນະຄອນຫຼວງວຽງຈັນ ເປັນພະນັກງານໂຮງແຮມ
  3. ເພດຊາຍ ອາຍຸ 26 ປີ ຢູ່ບ້ານ ຫ້ວຍຫ້ອມ ເມືອງ ສີໂຄດຕະບອງ ນະຄອນຫຼວງວຽງຈັນ.
  4. ເພດຊາຍ ອາຍຸ 42 ປີ ຢູ່ບ້ານ ປ່ອງຄຳ ນະຄອນຫຼວງພະບາງ ແຂວງ ຫຼວງພະບາງ.
  5. ເພດຊາຍ ອາຍຸ 52 ປີ ຢູ່ບ້ານ ວິຊຸນ ນະຄອນຫຼວງພະບາງ ແຂວງ ຫຼວງພະບາງ.
  6. ເພດຊາຍ ອາຍຸ 41 ປີ ຢູ່ບ້ານ ຈຳປາ ເມືອງ ສີໂຄດຕະບອງ ນະຄອນຫຼວງວຽງຈັນ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...