spot_img
Homeຂ່າວຕ່າງປະເທດອາເມລິກາປະກາດຄິດຄົ້ນວັກຊີນ ຕ້ານໂຄວິດ-19 ສຳເລັດ! ເລີ່ມທົດລອງກັບຄົນມື້ວານນີ້

ອາເມລິກາປະກາດຄິດຄົ້ນວັກຊີນ ຕ້ານໂຄວິດ-19 ສຳເລັດ! ເລີ່ມທົດລອງກັບຄົນມື້ວານນີ້

Published on

ສຳນັກຂ່າວເອເອັບພີລາຍງານຈາກ ສະຫະລັດອາເມລິກາ ໃນວັນທີ 16 ມີນາ 2020​ ນີ້ວ່າ ສະຖາບັນສາທາລະນະສຸກແຫ່ງຊາດຂອງສະຫະລັດຖະແຫຼງວ່າ ການທົດລອງວັກຊີນຕ້ານໄວຣັສໂຄໂຣນາສາຍພັນໃໝ່ ຫຼື ໂຄວິດ-19 ກັບຄົນ ຈະເລີ່ມຂຶ້ນທີ່ເມືອງ ຊີແອັດໂທ ໂດຍໃຊ້ອາສາສະໝັກທົດລອງ ເປັນຜູ້ທີ່ມີສຸຂະພາບແຂງແຮງ ອາຍຸລະຫວ່າງ 18-55 ປີ ຈໍານວນ 45 ຄົນ ໃຊ້ເວລາປະມານ 6 ອາທິດ. ອາສາສະໝັດທົດລອງຄົນທຳອິດໄດ້ຮັບວັກຊີນໄປແລ້ວ ແຕ່ຕ້ອງເບິ່ງວ່າໂຕຢາຂອງວັກຊີນ ມີຄວາມຄືບໜ້າເຂົ້າສູ່ໄລະຍະໃດໄດ້ແນ່ ເພື່ອກວດວ່າໄດ້ຜົນ ມີປະສິດທິພາບ ແລະ ປອດໄພ ເປັນສຳຄັນ.

ເຈົ້າທີ່ສະຫະລັດເຄີຍປະເມີນໄວ້ແລ້ວວ່າ ອາດຈະຕ້ອງໃຊ້ເວລາອີກ 1 ປີ ເຖິງ 1​ ປີເຄິ່ງ ກ່ອນທີ່ຈະສາມາດໃຊ້ງານໄດ້ ຫາກທຸກຢ່າງເປັນໄປຕາມແຜນ. ສໍາລັບວັກຊີນໂຕນີ້ ມີຊື່ວ່າ mRNA-1273 ພັດທະນາຂຶ້ນມາໂດຍນັກວິທະຍາສາດ ແລະ ນັກວິໄຈຫ້ອງທົດລອງຂອງສະຖາບັນ ສາທາລະນະສຸກແຫ່ງຊາດຂອງສະຫະລັດ ທີ່ຫ້ອງທົດລອງຂອງບໍລິສັດ ໄບໂອເທັກໂນໂລຊີ ຊື່ວ່າ Moderna ຕັ້ງຢູ່ເມືອງ ເຄມບຣິດ ລັດແມັດຊາຊູເຊັດ ສ່ວນທຶນວິໄຈໄດ້ຮັບການສະໜັບສະໜູນຈາກ Coalition for Epidemic Preparedness Innovations(CEPI)ທີ່ນະຄອນຫຼວງອອສໂລ ປະເທດ ນອກແວ.

 

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...