spot_img
Homeຂ່າວທ້ອງຖິ່ນລັດຖະບານລາວຈະໃຫ້ການຊ່ວຍເຫຼືອນັກສຶກສາລາວ 43 ຄົນຢູ່ເມືອງອູຮັ່ນຕາມຄວາມເໝາະສົມ

ລັດຖະບານລາວຈະໃຫ້ການຊ່ວຍເຫຼືອນັກສຶກສາລາວ 43 ຄົນຢູ່ເມືອງອູຮັ່ນຕາມຄວາມເໝາະສົມ

Published on

ໜັງສືພິມວຽງຈັນໃໝ່ລາຍງານວ່າ ກະຊວງສຶກສາທິການ ແລະ ກິລາ ຮ່ວມກັບ ກະຊວງການຕ່າງປະເທດ ແລະ ກະຊວງສາທາລະນະສຸກ ໄດ້ຈັດພິທີຖະແຫຼງຂ່າວຕໍ່ສື່ມວນຊົນ ໃນຕອນບ່າຍວັນທີ 10 ມີນານີ້ ກ່ຽວກັບຄວາມເອົາໃຈໃສ່ຂອງລັດຖະບານລາວ ແລະ ເພື່ອຮັບຮູ້ສະພາບການເປັນຢູ່ຂອງນັກສຶກສາລາວຈໍານວນ 43 ຄົນ ທີ່ປະຈຸບັນນີ້ຍັງອາໄສຢູ່ເມືອງອູຮັນ.

ໃນການຖະແຫຼງຂ່າວໃຫ້ຮູ້ວ່າ: ເພື່ອຈໍາກັດພະຍາດບໍ່ໃຫ້ລະບາດໄປບ່ອນອື່ນ, ທາງການ ສປ ຈີນ ໄດ້ມີມາດຕະການທີ່ເຂັ້ມງວດ, ສັ່ງປິດເມືອງ ອູຮັ່ນ ຄົນໃນຫ້າມອອກ ຄົນນອກຫ້າມເຂົ້າ, ເຊິ່ງສາມາດເຂົ້າໄປໄດ້ສະເພາະບຸກຄະລາກອນທາງການແພດ ແລະ ເຈົ້າໜ້າທີ່ກ່ຽວຂ້ອງເທົ່ານັ້ນ. ດ້ວຍເຫດນີ້ ຈຶ່ງເຮັດໃຫ້ນັກສຶກສາລາວຈໍານວນ 42 ຄົນ ທີ່ບໍ່ໄດ້ກັບບ້ານໃນໄລຍະປີໃໝ່ຈີນ ຍັງຄ້າງຢູ່ຫໍພັກນັກສຶກສາ ແລະ ມີອີກ 1 ຄົນ ທີ່ໄປຢາມໝູ່ໃນໄລຍະພັກຮຽນ ກໍ່ຕິດຄ້າງຢູ່ ເມືອງ ອູຮັ່ນ ເຊັ່ນກັນລວມທັງໝົດເປັນ 43 ຄົນ.

ໃນນັ້ນ 22 ຄົນ ແມ່ນນັກຮຽນຈາກນະຄອນຫຼວງວຽງຈັນ, 5 ຄົນ ຈາກແຂວງຫຼວງພະບາງ, 3 ຄົນຈາກແຂວງສະຫວັນນະເຂດ, 3 ຄົນ ຈາກແຂວງຈໍາປາສັກ, ສໍາລັບ ແຂວງຫຼວງນໍ້າທາ, ແຂວງບໍລິຄໍາໄຊ ແລະ ແຂວງຊຽງຂວາງ ແຂວງລະ 2 ຄົນ, ແລະ ຈາກແຂວງໄຊຍະບູລີ, ແຂວງວຽງຈັນ, ແຂວງຜົ້ງສາລີ ແລະ ແຂວງສາລະວັນ ແຂວງລະ 1 ຄົນ. ນອກຈາກນີ້ ຍັງມີນັກສຶກສາລາວ ທີ່ບໍ່ໄດ້ກັບບ້ານ ທີ່ຍັງຢູ່ແຂວງອື່ນໆ ໃນ ສປ ຈີນ ຕື່ມອີກ 87 ຄົນ ເຊິ່ງນັກສຶກສາເຫຼົ່ານີ້ບໍ່ໄດ້ຖືກຈໍາກັດການໄປມາຄືກັບນັກສຶກສາຢູ່ ເມືອງ ອູຮັ່ນ.

ສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາປັກກິ່ງ, ສະຖານກົງສູນໃຫຍ່ ສປປ ລາວ ທີ່ເມືອງຊາງຊາ ທີ່ໃກ້ກັບເມືອງ ອູຮັ່ນ ກວ່າໝູ່ ແລະ ສະຖານກົງສູນໃຫຍ່ ຢູ່ບ່ອນອື່ນໆ ໄດ້ເອົາໃຈໃສ່ຕິດຕາມຢ່າງໃກ້ຊິດ ແລະ ໄດ້ປະສານສົມທົບກັບທາງການ ສປ ຈີນ ເພື່ອໃຫ້ຄວາມຊ່ວຍເຫຼືອຕາມຄວາມເໝາະສົມ. ທາງຝ່າຍຈີນກໍ່ໄດ້ເອົາໃຈໃສ່ຊ່ວຍເຫຼືອນັກສຶກສາທຸກຊາດທີ່ຍັງຢູ່ ເມືອງ ອູຮັ່ນ.

 

 

ຮຽບຮຽງຂ່າວ: ບຸດສະດີ

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...