ຄໍ່າວັນທີ 9 ມີນາ 2020​ ເກີດເຫດເຮືອບິນຂອງສາຍການບິນໄທທີ່ກຽມຈະເດີນທາງໄປບາງກອກ ເກາະຫາງຍົນສ່ວນຕົວທີ່ຈອດໄວ້ ຈົນຫາງຍົນດັ່ງກ່າວຂາດ ໂຊກດີ ຜູ້ໂດຍສານ ແລະ ລູກເຮືອທັງໝົດປອດໄພ.

ເຮືອບິນຂອງການບິນໄທ ຖ້ຽວບິນ TGT 575 ເສັ້ນທາງວຽງຈັນ-ກຸງເທບ ຂອງວັນທີ 9 ມີນາ 2020 ເຊິ່ງມີກຳນົດອອກຈາກວຽງຈັນເວລາ 20:30 ແລະ ຈະເດີນທາງຮອດສະໜາມບິນສຸວັນນະພູມເວລາ 21:35. ຂະນະທີ່ເຮືອບິນກໍາລັງເຄື່ອນຕົວອອກທາງຂັບ (​Taxi Way) ປາຍປີກຂອງເຄື່ອງບິນໄດ້ຕໍາກັບຫາງເຮືອບິນສ່ວນບຸກຄົນທີ່ຈອດຢູ່ ໂຊກດີທີ່ບໍ່ມີໃຜບາດເຈັບ.

ການບິນໄທໄດ້ນໍາຜູ້ໂດຍສານ ແລະ ລູກເຮືອທຸກຄົນເຂົ້າພັກທີ່ໂຮງແຮມທີ່ໄດ້ຈັດກຽມໄວ້ ແລະ ຈະອອກເດີນທາງໄປບາງກອກໃນມື້ນີ້ ວັນທີ 10 ມີນາ 2020; ບໍລິສັດ ການບິນໄທ ຈະດຳເນີນການສອບສວນຂໍ້ເທັດຈິງເຖິງສາເຫດທີ່ເກີດຂຶ້ນຕໍ່ໄປ.

ຖ້ຽວບິນ TGT 575 ເສັ້ນທາງວຽງຈັນ-ບາງກອກແມ່ນເຮືອບິນແອບັສ ເອ 330-300 ເຊິ່ງສາມາດບັນທຸກຜູ້ໂດຍສານໄດ້ 79 ຄົນ, ນັກບິນ ແລະ ພະນັກງານເທິງເຮືອບິນໄດ້ 13 ຄົນ.

https://www.facebook.com/ThaiAirways.TH/posts/2494873193952226

ຮຽງຮຽງຂ່າວ: ລັດສະໝີ ພອນວິໄລ