ສຳນັກຂ່າວ China Daily ລາຍງານວ່າ ສະມາຊິກອາວຸໂສຂອງຄະນະກຳມະການ ໂອລິມປິກນານາຊາດ ກ່າວໃນວັນອັງຄານທີ່ຜ່ານມາວ່າ ຖ້າຫາກພິສູດໄດ້ວ່າການຈັດໂອລິມປິກເກມສ໌ 2020 ທີ່ໂຕກຽວ ໄລຍະລະດູຮ້ອນນີ້ ມີຄວາມອັນຕະລາຍໃນການແຜ່ລະບາດຂອງໄວຣັສໂຄໂຣນາຫຼາຍເກີນໄປ, ມີຄວາມເປັນໄປໄດ້ທີ່ຜູ້ຈັດງານຈະຍົກເລີກການຈັດງານຄັ້ງນີ້ ຫຼາຍກວ່າຄວາມເປັນໄປໄດ້ທີ່ຈະເລື່ອນ ຫຼື ຍ້າຍບ່ອນຈັດ.

ທ່ານ ດິກ ພາວ (Dick Pound), ອະດິດແຊມປ້ຽນກິລາລອຍນໍ້າ ຊາວການາດາ ເຊິ່ງເປັນໜຶ່ງໃນຄະນະກຳມະການ ໂອລິມປິກນານາຊາດ (International Olympic Commitee) ມາຕັ້ງແຕ່ປີ 1978, ເຊິ່ງຖືໄດ້ວ່າເປັນສະມາຊິກທີ່ຢູ່ໃນຄະນະກຳມະການດົນທີ່ສຸດ ໄດ້ຄາດການວ່າ ການຕັດສິນຊະຕາໂອລິມປິກເກມສ໌ໃນໂຕກຽວ ແມ່ນອາດໃຊ້ເວລາ 2-3 ເດືອນ ແລະ ສາມາດຮູ້ຜົນການຕັດສິນໄດ້ປະມານໄລຍະເດືອນ ພຶດສະພາ ປີນີ້.

ຮຽງຮຽງຂ່າວ: ລັດສະໝີ