spot_img
Homeຂ່າວຕ່າງປະເທດເຜີຍພຶດຕິກຳຜູ້ຕິດເຊື້ອໄວຣັສໂຄໂຣນາ 2ຄົນທີ່ດອນເມືອງ ປົກປິດປະຫວັດໄປຕ່າງປະເທດ

ເຜີຍພຶດຕິກຳຜູ້ຕິດເຊື້ອໄວຣັສໂຄໂຣນາ 2ຄົນທີ່ດອນເມືອງ ປົກປິດປະຫວັດໄປຕ່າງປະເທດ

Published on

ເວັບໄຊ້ຂ່າວໄທຣັດ ໄດ້ເປີດເຜີຍພຶດຕິກຳຜູ້ປ່ວຍຕິດເຊື້ອໄວຣັສໂຄໂຣນາ ຫຼື ໂຄວິດ-19 ທີ່ດອນເມືອງ ພົບວ່າຜູ້ປ່ວຍເຄີຍເດີນທາງໄປປະເທດກຸ່ມສ່ຽງ ແຕ່ປົກປິດຂໍ້ມູນກັບທາງໂຮງໝໍ ກວ່າຈະຍອມຮັບເວລາກໍ່ຜ່ານໄປຫຼາຍມື້ແລ້ວ.

ເມື່ອວັນທີ 26 ກຸມພານີ້ ກະຊວງສາທາລະນະສຸກ (ປະເທດໄທ) ປະກາດໃຫ້ໄວຣັສໂຄໂຣນາ ຫຼື ໂຄວິດ-19 ເປັນໂຣກຕິດຕໍ່ອັນຕະລາຍ ແລະ ພົບວ່າມີຜູ້ປ່ວຍທີ່ເຂົ້າຄ່າຍຕິດເຊື້ອໄວຣັສໂຄໂຣນາ ເພີ່ມຂຶ້ນອີກ 2 ລາຍ ຫຼັງຈາກທີ່ທັງສອງກັບມາຈາກຍີ່ປຸ່ນ ເຊິ່ງທັງຄູ່ເປັນຄົນໃນຄອບຄົວດຽວກັນ ເຊິ່ງເປັນກໍລະນີຕິດເຊື້ອຈາກນອກປະເທດ ແລະ ໄດ້ເຂົ້າຮັກສາຕົວທີ່ໂຮງໝໍເອກະຊົນແຫ່ງໜຶ່ງໃນພື້ນທີ່ສະພານໃໝ່-ດອນເມືອງ.

ຈາກການກວດສອບພຶດຕິກຳຂອງຜູ້ປ່ວຍທີ່ຕິດເຊື້ອໄວຣັສວ່າ: ຜູ້ປ່ວຍໄດ້ເດີນທາງໄປທີ່ໂຮງໝໍເອກະຊົນດ້ວຍອາການໄຂ້ໄອ ແຕ່ບໍ່ເປີດເຜີຍຂໍ້ມູນກັບທາງໂຮງໝໍວ່າ ໄດ້ເດີນທາງໄປປະເທດກຸ່ມສ່ຽງ, ແພດໄດ້ບົ່ງມະຕິເບື້ອງຕົ້ນວ່າເປັນປອດອັກເສບ ແລະ ໃຫ້ເຂົ້າຮັບການຮັກສາຕົວທີ່ໂຮງໝໍ.

ໃນຕອນເຊົ້າຂອງວັນຕໍ່ມາ, ແພດຜູ້ຊ່ຽວຊານດ້ານໂຣກປອດໄດ້ເຂົ້າກວດອາການຜູ້ປ່ວຍ ແລະ ສອບຖາມປະຫວັດອີກຄັ້ງ, ແຕ່ຜູ້ປ່ວຍຍັງຄົງປະຕິເສດວ່າບໍ່ໄດ້ເດີນທາງໄປຕ່າງປະເທດ. ຈົນເມື່ອຮອດຕອນບ່າຍ, ຜູ້ປ່ວຍຈຶ່ງໄດ້ຮັບສາລະພາບວ່າໄດ້ເດີນທາງໄປປະເທດກຸ່ມສ່ຽງ. ດັ່ງນັ້ນ, ທາງໂຮງໝໍຈຶ່ງໄດ້ຕິດຕໍ່ໄປທີ່ສະຖາບັນປ້ອງກັນຄວບຄຸມພະຍາດເຂດເມືອງ ແລະ ໄດ້ຍ້າຍຜູ້ປ່ວຍເຂົ້າຮັກສາຕົວໃນຫ້ອງຄວາມດັນລົບ ແລະ ສົ່ງກວດ PCR COVID-19 ທັນທີ, ຈົນຮອດຕອນຄໍ່າຜົນກວດພົບວ່າຜູ້ປ່ວຍລາຍນີ້ພົບເຊື້ອໄວຣັສໂຄໂຣນາ ແລະ ສົ່ງຕົວໄປຮັກສາທີ່ໂຮງໝໍຂອງລັດຕາມຂັ້ນຕອນ.

ກຸ່ມແພດຂອງໂຮງໝໍທີ່ສຳພັດໃກ້ຊິດກັບຜູ້ປ່ວຍດັ່ງກ່າວຕ້ອງເຂົ້າຮັບການກວດສຸຂະພາບເນື່ອງຈາກສ່ຽງຕໍ່ການຕິດເຊື້ອໄວຣັສໂຄໂຣນາ ເຊິ່ງຜົນກວດບໍ່ພົບເຊື້ອ ແຕ່ຍັງຕ້ອງໄດ້ກວດຊໍ້າໃນຊ່ວງເວລາ 7-14ວັນ.

 

ຮຽບຮຽງຂ່າວ: ພຸດສະດີ

 

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...