spot_img
Homeຂ່າວທ້ອງຖິ່ນລົດຈັກຕໍາທ້າຍລົດໃຫຍ່ເສຍຊີວິດຄາທີ່ ເຫດຍ້ອນຄາເບິ່ງຢູທູບ

ລົດຈັກຕໍາທ້າຍລົດໃຫຍ່ເສຍຊີວິດຄາທີ່ ເຫດຍ້ອນຄາເບິ່ງຢູທູບ

Published on

ຍຸກສະໄໝນີ້ເປັນຍຸກຂອງສື່ສັງຄົມອອນລາຍ ເຊື່ອວ່າຫຼາຍຄົນແມ່ນມີໂທລະສັບມືຖືໄວ້ໃຊ້ງານ ເພື່ອໃຫ້ເກີດຄວາມສະດວກສະບາຍໃນການຕິດຕໍ່ສື່ສານ ຫຼື ຕິດຕາມຂ່າວສານ ແລະ ຄວາມບັນເທີງຜ່ານໜ້າຈໍ ແຕ່ທ່ານຢ່າລືມວ່າຖ້າຫາກທ່ານໃຊ້ມືຖືຜິດທີ່ຜິດເວລາມັນກໍ່ສ້າງຄວາມເສຍຫາຍ, ການສູນເສຍໃຫ້ກັບທ່ານ ແລະ ຜູ້ຄົນອ້ອມຂ້າງໄດ້ຄືກັນ ໂດຍສະເພາະການຫຼິ້ນມືຖືໃນລະຫວ່າງຂັບລົດແມ່ນເປັນສິ່ງທີ່ອັນຕະລາຍທີ່ສຸດ.

ການເກີດອຸບັດຕິເຫດຕາມທ້ອງຖະໜົນສ່ວນໜຶ່ງກໍ່ເກີດມາຈາກຜູ້ຂັບລົດ ຫຼື ຜູ້ຍ່າງຢູ່ຂອບຖະໜົນຫຼິ້ນມືຖື ຕົວຢ່າງຂອງການເກີດອຸບັດຕິເຫດຈາກກໍລະນີຂອງປະເທດເພື່ອນບ້ານ (ປະເທດໄທ) ໃນມື້ວັນທີ 20 ກຸມພາ 2020 ເກີດມີອຸບັດຕິເຫດລົດຈັກເສຍຫຼັກຕຳທ້າຍກະບະທີ່ຈອດຢູ່ຂ້າງທາງ ຈົນເຮັດໃຫ້ທ້າວ ຮຸ່ງວະຊິຣະ ອາຍຸ 25ປີ (ຄົນຈັບລົດຈັກ) ເສຍຊີວິດຄາທີ່.

ຈາກການສອບຖາມທ້າວ ພິດຊາກອນ ຄຳທຸຍ ເຈົ້າຂອງລົດກະບະ ເລົ່າວ່າ: ລົດຈັກຄັນດັ່ງກ່າວ ຜູ້ຂັບລົດແມ່ນຂັບລົດມືດຽວ ກົ້ມໜ້າຫຼິ້ນມືຖື ແລະ ຍັງຂັບມາດ້ວຍຄວາມໄວ ຈົນເກືອບເສຍຫຼັກຕົກຂ້າງຖະໜົນ, ຈາກນັ້ນ ຈຶ່ງໄດ້ຫັກລົດມາຕຳທ້າຍລົດກະບະທີ່ຈອດຢູ່ ເມື່ອເຫັນແບບນັ້ນ ຕົນເອງຈຶ່ງໂທແຈ້ງເຈົ້າໜ້າທີ່ ເຊິ່ງທີ່ເກີດເຫດພົບວ່າຜູ້ຕາຍໄດ້ເປີດຢູທູບພ້ອມກັບຕໍ່ສາຍເຊື່ອມໄປທີ່ທີ່ຊຸດເຄື່ອງສຽງທີ່ຕິດໄວ້ເບາະລົດ.

ເບື້ອງຕົ້ນມີການສັນນິຖານວ່າ ຜູ້ຕາຍອາດຟັງເພງລະຫວ່າງຂັບລົດ ແລະ ເປັນຈັງຫວະທີ່ກົ້ມລົງເບິ່ງໂທລະສັບ ບວກກັບຂັບລົດມາດ້ວຍຄວາມໄວ ປະກອບກັບຖະໜົນສາຍນີ້ບໍ່ມີໄຟເຍືອງທາງຈຶ່ງເຮັດໃຫ້ຜູ້ຕາຍບໍ່ເຫັນລົດທີ່ຈອດຢູ່.

ເຖິງອຸບັດຕິເຫດນີ້ຈະເກີດຂຶ້ນໃນປະເທດໄທ ແຕ່ເຊື່ອວ່າໃນປະເທດເຮົາເອງກໍ່ອາດຈະມີຄົນທີ່ມີຄົນທີ່ຂັບລົດໄປ ຫຼິ້ນໂທລະສັບໄປພ້ອມ ແລະ ປະເທດອື່ນໃນໂລກກໍ່ເຊັ່ນດຽວກັນ ເພາະມະນຸດສ່ວນໃຫຍ່ມັກດຳລົງຊີວິດດ້ວຍການຂາດສະຕິ ຈຶ່ງເຮັດໃຫ້ເກີດມີຄວາມສູນເສຍຢູ່ບໍ່ເວັ້ນໃນແຕ່ລະມື້.

ດັ່ງນັ້ນ ຈິ່ງຢາກຂໍໃຫ້ທຸກທ່ານໃຊ້ມືຖືໃຫ້ຖືກເວລາ ແລະ ສະຖານທີ່, ຂັບລົດດ້ວຍຄວາມລະມັດລະວັງ ເພາະເຮົາບໍ່ຮູ້ເຫດການລ່ວງໜ້າວ່າຈະເກີດຫຍັງຂຶ້ນ.

ເຕືອນສະຕິ! ຫຼິ້ນໂທລະສັບລະຫວ່າງຂັບລົດລະວັງຈະອາຍຸສັ້ນ

ບົດໂດຍ: ພຸດສະດີ

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...