spot_img
Homeຂ່າວພາຍ​ໃນຂ່າວລະອຽດການມ້າງຄອບຄົວຢາບ້າ

ຂ່າວລະອຽດການມ້າງຄອບຄົວຢາບ້າ

Published on

Laopost.com

ພາຍຫລັງເຈົ້າໜ້າທີ່ໄດ້ຕິດຕາມການເຄື່ອນ ໄຫວຂອງເປົ້າໝາຍເຄືອຂ່າຍຄ້າ ຂາຍເສບຕິດລາຍໃຫຍ່ຢູ່ນະຄອນຫລວງ ແລະ ໄດ້ຮັບຮູ້ຂໍ້ມູນຫລັກຖານພຽງພໍ ແລະ ຕໍ່ມາໃນຕອນເຊົ້າວັນທີ 5 ຕຸລານີ້, ເຈົ້າໜ້າທີ່ສະກັດກັ້ນ ແລະ ຕ້ານຢາເສບ ຕິດ, ຈຶ່ງໄດ້ນຳກຳລັງປິດລ້ອມເຮືອນເປົ້າໝາຍ ຫລັງໜຶ່ງຢູ່ບ້ານຕານມີໄຊ, ເມືອງໄຊ ທານີ, ນະຄອນຫລວງ ວຽງຈັນ ແລະ ສາມາດຈັບ ຜູ້ຕ້ອງຫາໄດ້ຄື ທ້າວ ບຸນສະຫລີ ວໍລະວົງ ອາຍຸ 40 ປີ, ນາງ ກິ່ງຄຳ ວໍລະວົງ ອາຍຸ 41 ປີ ທັງສອງເປັນຄູ່ຜົວເມຍກັນ ແລະ ເປັນເຈົ້າຂອງເຮືອນຫລັງດັ່ງກ່າວ ທັງສອງມາແຕ່ ບ້ານ ສະຫລອງໄຊ ເມືອງຂວາ ແຂວງຜົ່ງສາລີ, ທ້າວ ຕຸ້ຍ ວໍລະວົງ ອາຍຸ 27 ປີ ລູກຊາຍ, ນາງ ແພງ ວໍລະວົງ ອາຍຸ 30 ປີຢູ່ ບ້ານຕານມີໄຊ ເມືອງ ໄຊທານີ ແລະ ນາງ ຍົກ ອາຍຸ 35 ປີຢູ່ບ້ານ ນາສ້ຽວ ເມືອງນາຊາຍທອງ ນະຄອນຫລວງວຽງຈັນ. ພ້ອມ ຂອງກາງຢາບ້າ 924
ພັນເມັດ, ຜົງແປ້ງສ່ວນປະສົມຜະລິດຢາ ເສບຕິດ 35 ກິໂລ, ນອກນັ້ນຍັງ ມີລົດໃຫຍ່ເລັກຊັດ, ແຄມຣີ, ຟໍຈູນ ເນີ, ວີໂກ້ ແລະ ຮຸນໄດ ພ້ອມ ດ້ວຍເງິນ 86 ລ້ານກວ່າກີບ, 259 ພັນບາດ, ຄຳຮູບປະພັນໜຶ່ງ ກວ່າກິໂລ, ປື້ມບັນຊີທະນາຄານ 17 ເຫລັ້ມ, ໃບຕາດິນ 17 ໃບ, ປືນສັ້ນໜຶ່ງກະບອກ ແລະ ໂທລະສັບມືຖື 5 ໜ່ວຍ.
ທ້າວ ບຸນສະຫລີ ຮັບສາ ລະພາບຕໍ່ເຈົ້າໜ້າທີ່ວ່າ: ຢາເສບຕິດທັງໝົດເປັນຂອງຕົນເອງແທ້ໂດຍໄດ້ຊື້ນຳຂະບວນການຄ້າ ຢາເສບຕິດຢູ່ເຂດຊຽງຮຸ່ງ ສປ ຈີນ ເມື່ອເດືອນກໍລະກົດ 2014 ເພື່ອມາຂາຍໃຫ້ລູກຄ້າຢູ່ລາວ, ແນວໃດກໍຕາມ, ເຈົ້າໜ້າ ທີ່ຍັງຈະດຳເນີນການສືບສວນສອບສວນຢ່າງລະອຽດໃນຄະດີຢາເສບຕິດລາຍໃຫຍ່ຄັ້ງນີ້ເພື່ອຂະຫຍາຍຜົນຫາເຄືອຂ່າຍຮ່ວມຂະ ບວນການມາດຳເນີນຄະດີຕາມລະບຽບກົດໝາຍ.

ບົດຄວາມຫຼ້າສຸດ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ ເພື່ອເສີມສ້າງຄວາມເຊື່ອມໂຍງຂອງພູມິພາກອາຊຽນ ບໍລິສັດ ສິດທິໂລຈິດສຕິກ ລາວ ຈຳກັດ ແລະ ກຸ່ມບໍລິສັດ...

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ ສົ່ງອອກກຳປູເຈຍ. ໃນວັນທີ 2 ເມສາ 2025 ໄດ້ຈັດພິທີວາງສິລາລຶກຢ່າງເປັນທາງການ ສຳລັບໂຄງການໄຟຟ້າພະລັງງານຄວາມຮ້ອນຖ່ານຫີນທີ່ເມືອງກະລືມ, ແຂວງເຊກອງ ພາກໃຕ້ຂອງ...

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນ ຈັດຂຶ້ນຢູ່ນະຄອນບຣູດເຊວ, ປະເທດເບວຢຽ

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນອີກຄັ້ງ ເມື່ອສອງຜະລິດຕະພັນຂອງບໍລິສັດຄື: ເບຍລາວ ແລະ ເບຍລາວກຣີນ ຄວ້າລາງວັນຫຼຽນຄຳດ້ານຄຸນນະພາບໃນງານ Monde Selection ຄັ້ງທີ 64 ເຊິ່ງເປັນງານມອບລາງວັນດ້ານຄຸນນະພາບລະດັບໂລກ ທີ່ໄດ້ຈັດຂຶ້ນຢູ່ນະຄອນບຣູດເຊວ,...

ພາກເໜືອ-ກາງ ກຽມຮັບມືກັບຝົນຕົກໃນໄລຍະວັນທີ 12 ຫາ 17 ເມສາ 2025

ຝົນຕົກ ຟ້າຮ້ອງ ຟ້າເຫຼື້ອມ, ຫມາກເຫັບຕົກ ແລະ ລົມພັດແຮງ ໃນໄລະຍະວັນທີ 12 ຫາ 17 ເມສາ 2025 ຄວາມກົດດັນສູງອາກາດເຢັນທີ່ປະເທດຈີນຈະແຜ່ລົງມາປົກຄຸມຢູ່ເຂດພາກເຫນືອ ແລະ ພາກກາງ...