ສະຫະປະຊາຊາດ ຮຽກຮ້ອງນານາປະເທດ ດຳເນີນທຸກວິທີທາງ ຢຸດການເຄື່ອນໄຫວກໍ່ການຮ້າຍຂອງກຸ່ມ IS ໃນອີຣັກ
ແລະ ຊີເຣຍ ທີ່ເລີ່ມຂະຫຍາຍວົງກ້ວາງອອກເລື້ອຍໆ.
ທ່ານ ບັນ ກີ ມູນ ເລຂາທິການໃຫຍ່ອົງການສະຫະປະຊາຊາດ ໄດ້ຖະແຫລງໃນລະຫລ່າງການຢ້ຽມຢາມນະຄອນຫລວງ
ຕຸນິສ ປະເທດຕູນິເຊຍ ໂດຍທ່ານ ບັນ ກີ ມູນ ໄດ້ຮຽກຮ້ອງໃຫ້ປະຊາຄົມໂລກ ດຳເນີນທຸກວິທີທາງ ທີ່ສາມາດຢຸດຢັ້ງ
ກຸ່ມກໍ່ການຮ້າຍລັດອິດສະລາມ (IS) ທີ່ເຄື່ອນໄຫວໃນອີຣັກ ແລະ ຊີເຣຍ ເນື່ອງຈາກການທີ່ພ້ນທີ່ 1 ໃນ 3 ຂອງເມືອງ
ໂຄບານີ ປະເທດຊີເຣຍຕົກຢູ່ໃນການຄວບຄຸມຂອງກຸ່ມ IS ແລ້ວນັ້ນ ເປັນສິ່ງທີ່ສ້າງຄວາມວິຕົກກັງວົນຢ່າງສູງ ແລະ
ເປັນຈຸດເລີ່ມຕົ້ນຂອງວິກິດການ ທີ່ເຮັດໃຫ້ຕ້ອງຮ້ອງຂໍມາຍັງປະຊາຄົມໂລກເພື່ອຢຸດຢັ້ງກຸ່ມດັ່ງກ່າວ.
ດ້ານທ່ານ ສະຕັບຟານ ເດີ ມຸສຕູຣ່າ ເຈົ້າໜ້າທີ່ທູດພິເສດຂອງສະຫະປະຊາຊາດປະຈຳຊີເຣຍ ໄດ້ກ່າວເຕືອນວ່າ ຍັງມີ
ພົນລະເມືອງອີກຈຳນວນຫລາຍ ແລະ ສ່ວນໃຫຍ່ເປັນຜູ້ສູງອາຍຸ ລວມທັງໝົດປະມານ 10,000 – 13,000 ຄົນ ທີ່ຕິດ
ຢູ່ພາຍໃນເມືອງໂຄບານີ ແລະ ພົນລະເມືອງເຫລົ່ານີ້ ສ່ຽງຕໍ່ການຖືກສັງຫານໝູ່.