Homeຂ່າວພາຍ​ໃນເຮັດວຽກໜັກເກີນ 10 ຊົ່ວໂມງເປັນປະຈຳ ເພີ່ມຄວາມສ່ຽງເປັນຫຼອດເລືອດສະໝອງ

ເຮັດວຽກໜັກເກີນ 10 ຊົ່ວໂມງເປັນປະຈຳ ເພີ່ມຄວາມສ່ຽງເປັນຫຼອດເລືອດສະໝອງ

Published on

ງານວິໄຈຫຼ້າສຸດຈາກປະເທດຝຣັ່ງຊຶ່ງພົບຫຼັກຖານທີ່ບົ່ງຊີ້ວ່າ ການເຮັດວຽກຍາວນານເກີນ 10 ຊົ່ວໂມງຢ່າງໜ້ອຍ 50 ວັນຕໍ່ປີອາດເພີ່ມຄວາມສ່ຽງໃຫ້ເກີດພະຍາດຫຼອດເລືອດສະໝອງ ຫຼື stroke ໂດຍທີມນັກວິໄຈຈາກມະຫາວິທະຍາໄລອອງເຊຣຮ່ວມກັບສະຖາບັນວິໄຈສຸຂະພາບ ແລະ ການແພດແຫ່ງຊາດຝຣັ່ງໄດ້ສຶກສາເລື່ອງດັ່ງກ່າວຈາກການວິເຄາະຂໍ້ມູນດ້ານອາຍຸ ການສູບຢາ ແລະ ການເຮັດວຽກທີ່ມີຊົ່ວໂມງຍາວນານໃນກຸ່ມປະຊາກອນຜູ້ໃຫຍ່ຈຳນວນ 143.000 ຄົນ.

ຜົນການວິເຄາະພົບວ່າ ມີຜູ້ເຂົ້າຮ່ວມການສຶກສາບໍ່ເຖິງ 1 ໃນ 3 ທີ່ເຮັດວຽກໂດຍມີຊົ່ວໂມງຍາວນານ ໃນຈຳນວນນີ້ 10% ຫັກໂຫມວຽກຢ່າງໜັກຕິດຕໍ່ກັນເປັນເວລາ 10 ປີ ຫຼື ຫຼາຍກວ່ານັ້ນ ທັງນີ້ ນັກວິໄຈຍັງພົບອີກວ່າກຸ່ມດັ່ງກ່າວນີ້ມີຈຳນວນ 1.224 ຄົນປ່ວຍເປັນພະຍາດຫຼອດເລືອດສະໝອງຊຶ່ງເປັນພາວະທີ່ສະໝອງຂາດເລືອດໄປຫຼໍ່ລ້ຽງເນື່ອງຈາກຫຼອດເລືອດຕີບ ຫຼອດເລືອດອັດຕັນ ຫຼື ຫຼອດເລືອດແຕກ ຊຶ່ງຈະສົ່ງຜົນໃຫ້ເນື້ອເຍື່ອໃນສະໝອງຖືກທຳລາຍ ແລະ ເຮັດໃຫ້ການເຮັດວຽກຂອງສະໝອງຊ້າລົງ.

ຂະນະທີ່ສະມາຄົມພະຍາດຫົວໃຈຂອງອາເມຣິກາໄດ້ລະບຸວ່າ ຄົນທີ່ເຮັດວຽກໂດຍມີຊົ່ວໂມງຍາວນານມີຄວາມສ່ຽງເປັນພະຍາດຫຼອດເລືອດໝອງເພີ່ມຂຶ້ນເຖິງ 29% ເມື່ອທຽບກັບຄົນທົ່ວໄປ ແລະ ຄົນທີ່ເຮັດວຽກໜັກຕິດຕໍ່ກັນເກີນ 10 ປີຂຶ້ນໄປແມ່ນມີຄວາມສ່ຽງສູງເຖິງ 45% ພ້ອມນີ້ ຜູ້ຊ່ຽວຊານກໍໄດ້ອອກມາລະບຸຕື່ມວ່າ ຄວາມເຊື່ອມໂຍງລະຫວ່າງການເຮັດວຽກຊົ່ວໂມງຍາວນານກວ່າ 10 ປີກັບພະຍາດຫຼອດເລືອດສະໝອງມີຄວາມຊັດເຈນເພີ່ມຂຶ້ນໃນກຸ່ມຄົນອາຍຸຕ່ຳກວ່າ 50 ປີ ແລະ ນີ້ກໍຄືສິ່ງທີ່ຄາດບໍ່ເຖິງ ແລະ ຈຳເປັນຕ້ອງມີການສຶກສາເພີ່ມເຕີມຕໍ່ໄປຢ່າງຮີບດ່ວນ.

ສ່ວນຫົວໜ້າໜ່ວຍວິໄຈສະມາຄົມພະຍາດຫຼອດເລືອດສະໝອງແຫ່ງອັງກິດກໍໄດ້ແນະນຳວິທີຫຼຸດຄວາມສ່ຽງການເກີດພະຍາດດັ່ງກ່າວດ້ວຍການຮັບປະທານອາຫານທີ່ດີຕໍ່ສຸຂະພາບ ອອກກຳລັງກາຍຢ່າງສະໝ່ຳສະເໝີ ເຊົາສູບຢາ ແລະ ນອນຫຼັກພັກຜ່ອນໃຫ້ພຽງພໍໃນແຕ່ລະວັນກໍຈະຊ່ວຍໃຫ້ເຮົາໆທ່ານໆມີສຸຂະພາບທີ່ແຂງແຮງ.

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: bbc.com

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...