ອີງຕາມເຈົ້າໜ້າທີ່ກົມປະຊາສຳພັນ ຫ້ອງການສຳນັກງານນາຍົກລັດຖະມົນຕີແຈ້ງໃຫ້ຊາບວ່າ ໜ້າຂ່າວອອນລາຍໃນເຟສບຸ໊ກ (Facebook) ທີ່ໃສ່ນາມຕົນເອງວ່າ “Support Prime Minister Thongloun Sisoulith” ແມ່ນບໍ່ມີສ່ວນກ່ຽວຂ້ອງກັບ ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ແຕ່ປະການໃດ.
ດັ່ງນັ້ນ ເຈົ້າໜ້າທີ່ກົມປະຊາສຳພັນກ່າວຕື່ມວ່າ ຂ່າວ ແລະ ຮູບພາບທີ່ໄດ້ປ່ອຍອອກຜ່ານໜ້າຂ່າວອອນລາຍດັ່ງກ່າວໃນໄລຍະຜ່ານມາແມ່ນບໍ່ຖືກຕ້ອງ ຈຶ່ງໃຫ້ເຈົ້າຂອງໜ້າຂ່າວນີ້ຢຸດຕິການເຄື່ອນໄຫວດັ່ງກ່າວ ແລະ ປະຕິບັດກົດໝາຍວ່າດ້ວຍສື່ມວນຊົນ (ສະບັບປັບປຸງ) ກົດໝາຍວ່າດ້ວຍ ການຕ້ານ ແລະ ສະກັດກັ້ນອາຊະຍາກຳທາງລະບົບຄອມພິມເຕີ ດຳລັດນາຍົກລັດຖະມົນຕີວ່າດ້ວຍການຄຸ້ມຄອງຂໍ້ມູນ-ຂ່າວສານຜ່ານອິນເຕີເນັດ ເລກທີ 327/ນຍ ແລະ ລະບຽບການທີ່ກ່ຽວຂ້ອງ.
ຂໍ້ມູນ: ກົມປະຊາສຳພັນ ສນຍ