ຜົນການວິໄຈໃໝ່ຈາກນັກສຶກສາໃນມະຫາວິທະຍາໄລອະຣິໂຊນາໃນເມືອງທູຊອນ ລັດອະຣິໂຊນາ ອາເມຣິກາທີ່ສຶກສາກ່ຽວກັບການນອນຫຼັບພັກຜ່ອນບໍ່ພຽງພໍໃນແຕ່ລະວັນອາດເຊື່ອມໂຍກັບຄວາມສ່ຽງດ້ານສຸຂະພາບຈິດ ໂດຍສະເພາະໃນກຸ່ມນັກສຶກສາມະຫາວິທະຍາໄລ.
ຈາກການວິເຄາະຂໍ້ມູນຈາກນັກສຶກສາຫຼາຍກວ່າ 110.000 ຄົນທີ່ເຂົ້າມາປະເມີນພາວະສຸຂະພາບແຫ່ງຊາດພົບວ່າ ການນອນຫຼັບບໍ່ພຽງພໍເຊື່ອມໂຍງກັບພາວະສຸຂະພາບຈິດເພີ່ມຂຶ້ນ 19-29% ເກີດອາການເຫງົາເພີ່ມຂຶ້ນ 25% ອາການຊຶມເສົ້າເພີ່ມຂຶ້ນ 21% ມີຄວາມວິຕົກກັງວົນເພີ່ມຂຶ້ນ 25% ຢາກທຳຮ້າຍຕົນເອງເພີ່ມຂຶ້ນ 25% ຄິດຂ້າໂຕຕາຍເພີ່ມຂຶ້ນ 28% ແລະ ມີອາການອ່ອນເພຍເພີ່ມຂຶ້ນ 29%.
ໂດຍຜົນວິໄຈສະຫຼຸບວ່າ ການນອນຫຼັບພັກຜ່ອນບໍ່ພຽງພໍໃນແຕ່ລະຄືນຈະກໍ່ໃຫ້ເກີດຄວາມສ່ຽງຂອງອາການສຸຂະພາບຈິດເພີ່ມຂຶ້ນປະມານ 20% ຊຶ່ງຈະຊ່ວຍໃຫ້ຜູ້ທີ່ໃຫ້ບໍລິການດ້ານ ການແພດ ແລະ ມະຫາວິທະຍາໄລເລັງເຫັນເຖິງຄວາມສຳຄັນຂອງການນອນ ຫຼັບພັກຜ່ອນ ຊຶ່ງບໍ່ພຽງແຕ່ຈະຊ່ວຍໃຫ້ສຸຂະພາບຮ່າງກາຍໂດຍລວມດີແລ້ວ ຍັງຊ່ວຍໃນເລື່ອງຂອງສຸຂະພາບຈິດອີກດ້ວຍ ໂດຍແພດຜູ້ຊ່ຽວຊານໄດ້ແນະນຳວ່າ ຄວນນອນຫຼັບພັກຜ່ອນໃຫ້ໄດ້ 7-8 ຊົ່ວໂມງຕໍ່ຄືນ ພ້ອມກັບການດື່ມນ້ຳສະອາດ ແລະ ໝັ່ນອອກກຳລັງການຢ່າງສະໝ່ຳສະເໝີ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: thairath