ນາຍົກລັດຖະມົນຕີແຫ່ງ ສປປ ລາວ ກ່າວຂອບໃຈທີ່ລັດຖະບານໄທໄດ້ໃຫ້ການສະໜັບສະໜູນດ້ານການເຊື່ອມໂຍງຈົນສາມາດພັດທະນາເປັນ Land Link ພ້ອມນີ້ ທັງສອງຝ່າຍກໍໄດ້ຫາລືກ່ຽວກັບການແກ້ໄຂບັນຫາໝອກຄວັນຢ່າງຍືນຍົງ.
ທ່ານພົນເອກ ປຣະຢຸດ ຈັນໂອຊາ (ຜູ້ນຳໄທ) ໄດ້ຫາລືກັບ ທ່ານ ທອງລຸນ ສີສຸລິດ (ຜູ້ນຳລາວ) ເພື່ອຮ່ວມມືໃນການແກ້ໄຂບັນຫາໝອກຄວັນຊຶ່ງຖືເປັນບັນຫາທີ່ຕ້ອງຮ່ວມກັນແກ້ໄຂຢ່າງຮີບດ່ວນ ທັງນີ້ ທັງສອງຊາດມີປະຊາຊົນປະກອບອາຊີບເປັນຊາວກະສິກຳສ່ວນໃຫຍ່ ຊຶ່ງເປັນໜຶ່ງໃນສາເຫດຂອງບັນຫາທີ່ຕ້ອງຮ່ວມກັນແກ້ໄຂຢ່າງຍືນຍົງເພື່ອພັດທະນາ ແລະ ສົ່ງເສີມການທ່ອງທ່ຽວໂດຍຍຶດຫຼັກ Two Countries One Destination.
ພ້ອມນີ້ ຜູ້ນຳລາວກໍໄດ້ກ່າວຂອບໃຈທີ່ລັດຖະບານໄທໃຫ້ການສະໜັບສະໜູໃນດ້ານການເຊື່ອມໂຍງຊຶ່ງເຮັດໃຫ້ ສປປ ລາວ ສາມາດພັດທະນາຈາກປະເທດທີ່ເປັນ Land Lock ກາຍມາເປັນປະເທດ Land Link ທີ່ເຊື່ອມຕໍ່ໄປຍັງປະເທດຕ່າງໆໄດ້.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: thairath