spot_img
Homeນານາສາລະເດັກນ້ອຍຕ້ອງລະວັງ! 7 ພະຍາດທີ່ມາກັບລະດູຝົນ

ເດັກນ້ອຍຕ້ອງລະວັງ! 7 ພະຍາດທີ່ມາກັບລະດູຝົນ

Published on

ໃນຊ່ວງລະດູຝົນອາກາດຈະເລີ່ມເຢັນລົງ ແລະ ມີຄວາມຊຸ່ມຊື່ນສູງເຮັດໃຫ້ເຊື້ອພະຍາດຈະເລີນເຕີບໂຕ ແລະ ແຜ່ກະຈາຍໄດ້ໄວ ຊຶ່ງສົ່ງຜົນໃຫ້ພະຍາດທີ່ມາພ້ອມກັບລະດູຝົນໂດຍສະເພາະໃນເດັກນ້ອຍທີ່ລະບົບພູມຕ້ານທານໃນຮ່າງກາຍຍັງບໍ່ແຂງແຮງເທົ່າກັນຜູ້ ໃຫຍ່ ຈຶ່ງມີຄວາມສ່ຽງສູງທີ່ຈະຕິດເຊື້ອ ແລະ ເກີດພະຍາດຕ່າງໆໄດ້ງ່າຍ ດັ່ງນັ້ນ ເຮົາມາຮູ້ໄປພ້ອມໆກັນວ່າພະຍາດທີ່ມກັບລະດູຝົນທີ່ເດັກນ້ອຍສ່ຽງເກີດພະຍາດມີຫຍັງແດ່?.

  1. ພະຍາດໄຂ້ຫວັດໃຫຍ່ ເປັນພະຍາດທີ່ເກີດຈາກເຊື້ອໄວຣັສ ພົບຫຼາຍໃນຄົນທຸກເພດທຸກໄວ ແລະ ພົບໄດ້ຕະຫຼອດປີ ແຕ່ຈະລະບາດຫຼາຍໃນຊ່ວງລະດູຝົນ ແລະ ຕິດຕໍ່ກັນໄດ້ທາງການຫາຍໃຈຂະນະທີ່ໄອ ຫຼື ຈາມ ຊຶ່ງເຊື້ອພະຍາດຈະເຂົ້າທາງດັງ ຫຼື ປາກ ດັ່ງນັ້ນໃນຊ່ວງປິດພາກຮຽນເດັກນ້ອຍອາດຈະໄດ້ຮັບເຊື້ອຈາກໝູ່ເພື່ອນຢູ່ໃນໂຮງຮຽນ ແລະ ສະຖານທີ່ອື່ນໆ.
  2. ພະຍາດມື-ປາກ-ຕີນ ເກີດຈາກເຊື້ອໄວຣັສ ພົບຫຼາຍໃນເດັກອາຍຸ 6 ເດືອນເຖິງ 3 ປີ ສາມາດຕິດຕໍ່ໄດ້ດ້ວຍການສຳຜັດໂດຍກົງກັບນ້ຳມູກ ນ້ຳລາຍ ໄອ ຫຼື ຈາມ ຂີ້ຝຸ່ນ ຕຸ່ມນ້ຳໃສ ອາໂຈມ ຫຼື ສຳຜັດທາງອ້ອມເຊັ່ນ ຜ່ານການຫຼິ້ນ ຫຼື ສຳຜັດກັບເອື້ອຍລ້ຽງທີ່ມີເຊື້ອພະຍາດ.
  3. ພະຍາດຕິດຕໍ່ທາງເດີນຫາຍໃຈຈາກໄວຣັສ RSV ເປັນໄວຣັສທີ່ກໍ່ໃຫ້ເກີດພະຍາດຕິດເຊື້ອໃນລະບົບທາງເດີນຫາຍໃຈໂດຍສະເພາະເດັກອ່ອນ ທັງຍັງສາມາດຕິດຕໍ່ໄດ້ຈາກການສຳຜັດໃກ້ຊິດກັບຜູ້ປ່ວຍເຊັ່ນ ນ້ຳມູກ ນ້ຳລາຍ ຂີ້ກະເທິ ແລະ ເມື່ອໄດ້ຮັບເຊື້ອແລ້ວຈະມີອາການຄ້າຍຄືເປັນໄຂ້ຫວັດ ແຕ່ບາງຄັ້ງອາດກໍ່ໃຫ້ເກີດອາການຮຸນແຮງເຖິງຂັ້ນປອດອັກເສບກໍເປັນໄດ້.
  4. ໄຂ້ເລືອດອອກ ເປັນພະຍາດຮ້າຍທີ່ມີຍຸງລາຍເປັນພາຫະນະ ພົບການລະບາດສູງໃນຊ່ວຍລະດູຝົນ ເພາະມີບໍລິເວນນ້ຳຂັງອັນເປັນແຫຼ່ງເພາະພັນຂອງຍຸງລາຍ ໂດຍອາການທີ່ສົງໃສວ່າເດັກນ້ອຍອາດຈະເປັນໄຂ້ເລືອດອອກກໍຄື ມີໄຂ້ສູງ ປວດຫົວ ຕາແດງ ໜ້າແດງ ຫາກເກີດກໍລະນີດັ່ງກ່າວຜູ້ປົກຄອງຄວນພາໄປພົບແພດເພື່ອກວດຫາສາເຫດ.
  5. ພະຍາດອີສຸກອີໄສ ຖືເປັນພະຍາດຍອດຮິດທີ່ຫຼາຍຄອບອາດເຈີມາແລ້ວ ພະຍາດດັ່ງກ່າວເກີດຈາກການຕິດເຊື້ອໄວຣັສ ໂດຍທົ່ວໄປຈະພົບອັດຕາການປ່ວຍສູງສຸດໃນກຸ່ມເດັກອາຍຸລະຫວ່າງ 5-9 ປີ ແລະ ເມື່ອລະບາດແລ້ວພະຍາດຈະຕິດຕໍ່ໄປເລື້ອຍໆ.
  6. ຖອກທ້ອງ ເກີດຂຶ້ນຈາກການຕິດເຊື້ອໄວຣັສໂຣຕ້າ ຊຶ່ງມາຈາກຂອງຫຼິ້ນ ອາຫານ ຫຼື ຂອງໃຊ້ໃກ້ຕົວເດັກທີ່ບໍ່ສະອາດ ໂດຍສະເພາະເດັກອ່ອນຊຶ່ງອາດສຳຜັດເຊື້ອແລ້ວເຂົ້າທາງປາກໂດຍບໍ່ຮູ້ຕົວ ເຮັດໃຫ້ເກີດການຕິດເຊື້ອ ລວມເຖິງເກີດອາການລຳໄສ້ອັກເສບ.
  7. ພະຍາດໄອພີດີ ແລະ ປອດບວມ ພະຍາດໄອພີດີຄືພະຍາດຕິດເຊື້ອຊະນິດຮຸນແຮງທີ່ມີສາເຫດມາຈາກເຊື້ອແບັກທີເຣຍ “ນິວໂມຄອກຄັສ” ເຮັດໃຫ້ເກີດການຕິດເຊື້ອໃນກະແສເລືອດ ແລະ ທີ່ເຍື້ອຫຸ້ມສະໝອງ ຊຶ່ງມີຄວາມຮຸນແຮງເຖິງຂັ້ນເຮັດໃຫ້ເດັກພິການ ຫຼື ເສຍຊີວິດ ໂດຍສະເພາະໃນເດັກອາຍຸຕ່ຳກວ່າ 2 ປີ ທັງນີ້ ຍັງສາມາດຕິດຕໍ່ກັນໄດ້ລະຫວ່າງຄົນສູ່ຄົນ ພົບພະຍາດດັ່ງກ່າວຫຼາຍທີ່ສຸດໃນເຂດຊຸມຊົນທີ່ແອອັດ.

ທັງນີ້ ການຮູ້ທັນພະຍາດທີ່ມາກັບລະດູຝົນໃນເດັກຈະຊ່ວຍໃຫ້ຜູ້ປົກຄອງຮູ້ເຖິງສາເຫດ ແລະ ວິທີປ້ອງ ລວມທັງສາມາດສັງເກດອາການເພື່ອກຽມຮັບມືກັບພະຍາດຕ່າງໆໄດ້ຢ່າງທັນການ ພ້ອມນີ້ ຜູ້ປົກຄອງກໍຕ້ອງຝຶກໃຫ້ລູກລ້າງມືໃຫ້ສະອາດທຸກຄັ້ງ ດູແລເລື່ອງສຸຂະພາບອະນາໄມ ຄວນໃສ່ເສື້ອຜ້າທີ່ບໍ່ເກີດຄວາມອັບຊື້ນ ແລະ ອື່ນໆ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: kapook

ບົດຄວາມຫຼ້າສຸດ

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...

ລາວ-ສ.ເກົາຫຼີ ລົງນາມຮ່ວມມື ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ມູນຄ່າ 9.9 ລ້ານໂດລາ

ລາວ-ສ.ເກົາຫຼີ ລົງນາມບົດບັນທຶກການຮ່ວມມື (Record of Discussion-ROD) ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດພິທີລົງນາມບົດບັນທຶກການຮ່ວມມື...

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...