spot_img
Homeຂ່າວພາຍ​ໃນປະຊາຊົນໂທເຂົ້າສາຍດ່ວນສະພາຫຼາຍກວ່າ 300 ສາຍ

ປະຊາຊົນໂທເຂົ້າສາຍດ່ວນສະພາຫຼາຍກວ່າ 300 ສາຍ

Published on

ນັບແຕ່ວັນທີ 5-19 ເດືອນມິຖຸນາ 2019 ໃນການດຳເນີນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ VIII ປະຊາຊົນໃນຂອບເຂດທົ່ວປະເທດໄດ້ໂທເຂົ້າສາຍດ່ວນສະພາຫຼາຍກວ່າ 340 ສາຍ ເພື່ອໃຫ້ລັດຖະບານ ແລະ ພາກສ່ວນກ່ຽວຂ້ອງແກ້ໄຂບັນຫາຕ່າງໆທັງໃນຂົງເຂດເສດຖະກິດ ວັດທະນະທຳ-ສັງຄົມ ໃນນັ້ນ ຫຼາຍກວ່າໝູ່ແມ່ນບັນຫາທີ່ດິນ ຄ່າໄຟຟ້າ ແລະ ຜົນກະທົບຈາກສານເຄມີປູກກ້ວຍ ທາງລົດໄຟລາວ-ຈີນ ຕາມລຳດັບ.

ຕາມການລາຍງານຈາກໜ່ວຍງານສາຍດ່ວນໃຫ້ຮູ້ວ່າ ນັບແຕ່ມື້ເປີດກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ VIII ແຕ່ວັນທີ 5-19 ເດືອນມິຖຸນາ 2019 ຜ່ານມານີ້  ປະຊາຊົນລາວບັນດາເຜົ່າທົ່ວປະເທດໄດ້ຕິດຕາມການດຳເນີນກອງປະຊຸມຂອງສະພາ ແລະ ທັງໄດ້ໂທເຂົ້າຫາສາຍດ່ວນເພື່ອສະເໜີໃຫ້ລັດຖະບານກໍຄືພາກສ່ວນກ່ຽວຂ້ອງເອົາໄປພິຈາລະນາແກ້ໄຂ ໃຫ້ຄວາມເປັນທຳແກ່ເຂົາເຈົ້າ ຊຶ່ງບັນຫາທີ່ພົ້ນເດັ່ນແມ່ນກ່ຽວກັບທີ່ດິນມີເກືອບ 50 ສາຍ ບັນຫາຄ່າໄຟຟ້າແພງ 20 ກວ່າສາຍ ການສຶກສາ 18 ສາຍ ແລະ ບັນຫາຜົນກະທົບຈາກສານເຄມີຂອງໂຄງການປູກກ້ວຍລາວ-ຈີນ 12 ສາຍ ໂຄງການກໍ່ສ້າງທາງລົດໄຟຄວາມໄວສູງລາວ-ຈີນ 12 ສາຍ ແລະ ບັນຫາອື່ນໆ ນອກຈາກນີ້ ຍັງໄດ້ຮັບເອກະສານຂໍຮ້ອງຄວາມເປັນທຳ 18 ສະບັບ ແນວໃດກໍຕາມ ທຸກໆບັນຫາທີ່ປະຊາຊົນສະເໜີມາກໍຈະສົ່ງໃຫ້ພາກສ່ວນກ່ຽວຂ້ອງພິຈາລະນາແກ້ໄຂຕາມຄວາມເໝາະສົມ.

ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ VIII ຈະດຳເນີນໄປເຖິງວັນທີ 25 ມິຖຸນາ 2019 ຖ້າທ່ານມີບັນ ຫາໃດກໍສາມາດໂທເຂົ້າສາຍດ່ວນຂອງສະພາໄດ້ທີ່ໝາຍເລກ 156.

 

 

 

ໂດຍ: ສະຫະລັດ ວອນທິວົງໄຊ

ບົດຄວາມຫຼ້າສຸດ

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...