ເມື່ອວັນທີ 15 ມິຖຸນາຜ່ານມາ ບໍລິສັດສະຫຍາມຄູໂບຕ້າ ຈຳກັດ ໄດ້ຈັດພິທີຈັບສະຫຼາກມອບໂຊກໃຫ້ແກ່ລູກຄ້າຄັ້ງທີ 1 (Kubota ZT lucky draw) ທັງນີ້ ກໍເພື່ອເປັນການສົມມະນາບຸນຄຸນລູກຄ້າທີ່ຄອຍໃຫ້ການສະໜັບສະໜູດ້ວຍດີຕະຫຼອດມາ.
Kubota ZT, RT ຫຼື ໂຄງສະຫຍາມ NC Plus X ທຸກແບບແມ່ນຈະມີສິດລຸ້ນຮັບລາງວັນບໍ່ວ່າຈະເປັນໂທລະພາບສີ 32 ນິ້ວ ຈຳນວນ 12 ລາງວັນ ລົດຈັກຮອນດ້າເວບ 100 ພ້ອມໝວກກັນກະທົບ ຈຳນວນ 18 ລາງວັນ ສຳລັບການລຸ້ນໂຊກໃນຄັ້ງນີ້ແມ່ນສະເພາະລູກຄ້າທີ່ຊື້ສິນຄ້າໃນຫວ່າງເດືອນກຸມພາຫາເດືອນທັນວາ 2019 ເທົ່ານັ້ນ.
ບັນດາລູກຄ້າທີ່ຊື້ສິນຄ້າປະເພດເຄື່ອງຈັກກາຊວນ ZT ຫຼື RT ແລະ ໂຄງສະຫຍາມ NC Plus X ທຸກລຸ້ນທຸກແບບກໍຈະມີສິດລຸ້ນຮັບລາງວັນລວມມູນຄ່າຫຼາຍກວ່າ 270 ລ້ານກີບ ສຳລັບການຈັບສະຫຼາກຄັ້ງທີ 2 ແມ່ນຈະຈັດຂຶ້ນໃນວັນທີ 14 ກັນຍາ 2019 ແລະ ຄັ້ງທີ 3 ແມ່ນວັນທີ 20 ມັງກອນ 2020 ທີ່ໂຮງແຮມຄຣາວ ພລາຊາ ນະຄອນຫຼວງວຽງຈັນ.
ສຳລັບລາຍຊື່ຜູ້ທີ່ໄດ້ຮັບລາງວັນໃນການມອບໂຊກຄັ້ງທຳອິດປະກອບມີດັ່ງນີ້:
ລາງວັນໂທລະພາບສີ 32 ນິ້ວ ມີຈຳນວນ 4 ລາງວັນ
- ນາງ ທອງຄູນ ເມືອງໄຊທານີ ນະຄອນຫຼວງວຽງຈັນ
- ນາງ ທອງໃບ ເມືອງທຸລະຄົມ ແຂວງວຽງຈັນ
- ທ້າວ ດອນ ເມືອງປະທຸມພອນ ແຂວງຈຳປາສັກ
- ນາງ ຄຳຮັກ ເມືອງໄຊທານີ ນະຄອນຫຼວງວຽງຈັນ
ລາງວັນລົດຈັກຮອນດ້າເວບ 100 ພ້ອມດ້ວຍໝວກກັນກະທົບ ມີທັງໝົດ 6 ລາງວັນ
1. ທ້າວ ອາເລ້ ເມືອງນ້ຳບາກ ແຂວງຫຼວງພຣະບາງ
2. ລີຟຸງ ເມືອງຄູນ ແຂວງຊຽງຂວາງ
3. ພໍ່ກຽງ ເມືອງແກ່ນທ້າວ ແຂວງໄຊຍະບູລີ
4. ທ້າວ ລ້ານ ເມືອງຊະນະຄາມ ແຂວງວຽງຈັນ
5. ທ້າວ ບຸນສີ ເມືອງແປກ ແຂວງຊຽງຂວາງ
6. ນາງ ສົມລືດີ ເມືອງສັງທອງ ນະຄອນຫຼວງວຽງຈັນ
ສຳລັບຜູ້ທີ່ໄດ້ຮັບລາງວັນໃນຄັ້ງນີ້ຈະໄດ້ຮັບການກວດສອບເງື່ອນໄຂທີ່ຖືກຕ້ອງຕາມບໍລິສັດ ແລະ ຕ້ອງຕິດຕໍ່ຮັບຂອງລາງວັນພາຍໃນ 1 ເດືອນ ຖ້າບໍ່ດັ່ງນັ້ນຈະຖືວ່າສະຫຼະສິດ ແລະ ສະຫງວນສິດໃຫ້ແກ່ລາຍຊື່ສຳຮອງຕໍ່ໄປ.
ໂດຍ: ສະຫະລັດ ວອນທິວົງໄຊ