ໃນວັນທີ 12 ມິຖຸນາ 2019 ທີ່ແຂວງວຽງຈັນໄດ້ຈັດພິທີມອບ-ຮັບຕຳແໜ່ງໃໝ່ລະຫວ່າງ ທ່ານ ວີດົງ ໄຊຍະສອນ (ເຈົ້າແຂວງຄົນເກົ່າ) ແລະ ທ່ານ ຄຳພັນ ສິດທິດຳພາ (ເຈົ້າແຂວງຄົນໃໝ່).
ການແຕ່ງຕັ້ງບຸກຄະລາກອນຂັ້ນເຈົ້າແຂວງ ຫົວໜ້າອົງການ ທະບວງ ສະຖາບັນ ແລະ ການນຳອື່ນໆ ທີ່ບໍ່ແມ່ນລັດຖະມົນຕີ ລວມເຖິງຂັ້ນເຈົ້າເມືອງຖືເປັນສິດອັນຊອບທຳໂດຍກົງຂອງນາຍົກລັດຖະມົນຕີແຫ່ງ ສປປ ລາວ ຕາມການສະເໜີຄົ້ນຄວ້າຂອງຄະນະຈັດຕັ້ງສູນກາງພັກ ໂດຍບໍ່ຈຳເປັນຕ້ອງນຳສະເໜີເຂົ້າຜ່ານການພິຈາລະນາ ແລະ ຮັບຮອງດ້ວຍການລົງຄະແນນສຽງຈາກກອງປະຊຸມສະມາຊິກສະພາແຫ່ງຊາດ.
ໂດຍ: ສະຫະລັດ ວອນທິວົງໄຊ