ສຳລັບລົງແລ້ວສຳລັບເວທີປະກວດ ມິສ ລາແມ ປະຈຳປີ 2019 (Miss La Meie) ຊຶ່ງຈັດຂຶ້ນເມື່ອວັນທີ 9 ມິຖຸນາຜ່ານມາທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ໂດຍນາງສາວທີ່ຜ່ານເຂົ້າມາໃນຮອບຊີງຊະນະເລີດແມ່ນມີມີທັງໝົດ 18 ນາງສາວຊຶ່ງມີອາຍຸລະຫວ່າງ 15-23 ປີ.
ໂດຍການເຂົ້າຮ່ວມຂອງ ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວແຫ່ງ ສປປ ລາວ ຂອງ ທ່ານ ນາງ ລັດສະໝີ ປະທານກຳມະການບໍລິສັດ ລາແມ ທ່ານ ນາງ ການຈະນາ ກຳມະການບໍລິສັດ ລາແມ ພ້ອມດ້ວຍບັນດາແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ຊຶ່ງຜົນປາກົດວ່າ ນາງ ວິໄລລັດ ພົມມະແສງ ໄດ້ຮັບເງິນລາງວັນ 5.000.000 ກີບ ພ້ອມສາຍສະພາຍ ແລະ ຂອງລາງວັນອື່ນໆ ຮອງອັນດັບ 1 ໄດ້ແກ່ ນາງ ຊະນິຕ້າ ສະແຫວງໂຊກ ໄດ້ຮັບເງິນລາງວັນອື່ນໆ 2.500.000 ກີບພ້ອມສາຍສະພາຍ ແລະ ຂອງລາງວັນ ອື່ນໆ ແລະ ຮອງອັນດັບ 2 ຕົກເປັນຂອງ ນາງ ອິນທິລາ ຈັນທະຈັກ ໄດ້ຮັບເງິນລາງວັນ ມູນຄ່າ 1.500.000 ກີບພ້ອມສາຍສະພາຍ ແລະ ຂອງລາງວັນຈາກຜູ້ສະໜັບສະໜູນ.
ນອກຈາກນີ້ ພາຍໃນງານຍັງມີກິດຈະກຳລຸ້ນໂຊກແຈກລາງວັນສຳລັບລູກຄ້າທີ່ຊື້ຜະລິດຕະພັນຂອງລາແມ ກໍຈະໄດ້ສິດລຸ້ນຮັບໂຊກຫຼາຍລາງວັນບໍ່ວ່າຈະເປັນ ລົດຈັກ ຮອນດ້າເວບ 100 ສາຍຄໍຄຳ ຕູ້ເຢັນ ໝໍ້ຫູງເຂົ້າ ພັດລົມ ຊຸດເຄື່ອງນອນ ແລະ ອື່ນໆ.
ໂດຍ: ສະຫະລັດ ວອນທິວົງໄຊ