ຮ້ານຄ້າຕັງຈະເລີນ ໂຮມສະໂຕ ສາຂາດອນໜູນ ນະຄອນຫຼວງວຽງຈັນ ຂໍເປັນສ່ວນຮ່ວມໃນການພັດທະນາຕາມທິດທາງຂອງລັດ ຖະບານ ດ້ວຍການຕອບສະໜອງພາກສ່ວນການກໍ່ສ້າງທີ່ພວມມີການຂະຫຍາຍຕົວຢ່າງຕໍ່ເນື່ອງ ດ່ັງນັ້ນ ຈຶ່ງໄດ້ຈັດກິດຈະກຳດີໆທີ່ມີຊື່ວ່າ “ຊ່າງດີ TCR” ເພື່ອໃຫ້ບັນດາກຸ່ມນັກອອກແບບ ຮັບເໝົາ ຊ່າງກໍ່ສ້າງທົ່ວໄປ ສະຖາບັນການສຶກສາຂະແໜງຕ່າງໆທີ່ກ່ຽວຂ້ອງກັບງານກໍ່ສ້າງ ລວມເຖິງປະຊາຊົນທົ່ວໄປທີ່ສົນໃຈໄດ້ຮັບຮູ້ ແລະ ເຂົ້າເຖິງນະວັດຕະກໍາໃໝ່ໆຂອງສິນຄ້າຫຼາກຫຼາຍຊະນິດຂອງບໍລິສັດຜູ້ຜະລິດໂດຍກົງທີ່ມາແນະນຳ ແລະ ສາທິດແກ່ບັນດາທ່ານ.
ກິດຈະກຳດັ່ງກ່າວຈັດຂຶ້ນເມື່ອວັນທີ 9 ມິຖຸນາຜ່ານມາ (ພຽງວັນດຽວ) ທີ່ຮ້ານຄ້າຕັງຈະເລີນ ໂຮມສະໂຕ ພ້ອມນີ້ ລູກຄ້າທີ່ຊື້ສິນຄ້າກໍຈະໄດ້ຮັບສ່ວນຫຼຸດ ແລະ ໂປຣໂມເຊິນຫຼຸດແລກແຈກແຖມສິນຄ້າຈາກແບຣນຜູ້ຜະລິດຊັ້ນນໍາທີ່ມາວາງສະແດງພາຍໃນງານຄັ້ງນີ້ ພິເສດພາຍໃນງານຍັງມີກິດຈະກຳມອບໂຊກຄືນກຳໄລໃຫ້ກັບລູກຄ້າ ໂດຍການມອບສາຍຄໍຄໍາລວມ 4 ເສັ້ນໃຫ້ກັບຜູ້ໂຊກດີທີ່ເຂົ້າມາໃຊ້ບໍລິການ ແລະ ໃຫ້ຄວາມໝັ້ນໃຈ ແລະ ເຊື່ອໝັ້ນເລື່ອງການໃຫ້ບໍລິການຂອງຮ້ານຄ້າຕັງຈະເລີນຂອງພວກເຮົາ.
ທັງນີ້ ຮ້ານຄ້າຕັງຈະເລີນກໍຈະຈັດກິດຈະກຳດີໆແບບນີ້ຢ່າງຕໍ່ເນື່ອງ ເພື່ອຄືນກຳໄລໃຫ້ແກ່ລູກຄ້າ ແລະ ຈະຮັກສາການບໍລິການທີ່ດີມີຄຸນນະພາບແບບນີ້ໃຫ້ສົມກັບສະໂລແກນທີ່ວ່າ “ສະດວກ ຄົບຄັນ ບໍລິການປະທັບໃຈ” ບັນດາທ່ານສາມາດເຂົ້າໄປສຳຜັດກັບສິນ ຄ້າຕົວຈິງໄດ້ທີ່ຮ້ານຄ້າຕັງຈະເລີນ ໂຮມສະໂຕ ສາຂາດອນໜູນ ບ້ານໄຊສະຫວ່າງ ເມືອງໄຊທານີ ນະຄອນຫຼວງວຽງຈັນ ຫຼື ໂທສອບຖາມລາຍລະອຽດໄດ້ທີ່ໝາຍເລກໂທລະສັບ (021) 732428.
ໂດຍ: ສະຫະລັດ ວອນທິວົງໄຊ