spot_img
Homeຂ່າວຕ່າງປະເທດຝຣັ່ງກຽມອອກກົດໝາຍບັງຄັບແບຣນຫຼູຊື່ດັງ

ຝຣັ່ງກຽມອອກກົດໝາຍບັງຄັບແບຣນຫຼູຊື່ດັງ

Published on

ລັດຖະບານຝຣັ່ງກຽມອອກກົດໝາຍຫ້າມຜູ້ຜະລິດທຳລາຍສິນຄ້າທີ່ຂາຍບໍ່ອອກ ຫຼື ຖືກສົ່ງຄືນ ຊຶ່ງອາດກະທົບກັບຫຼາຍແບຣນຊື່ດັງ ລວມເຖິງຜູ້ຄ້າທາງອອນລາຍ ໂດຍສະເພາະອາເມຊອນ.

ໂດຍມາດຕະການທີ່ລັດຖະບານຝຣັ່ງປະກາດວ່າຈະບັງຄັບໃຊ້ນີ້ແມ່ນສອດຄ່ອງກັບກະແສຄວາມນິຍົມທີ່ເພີ່ມຂຶ້ນຂອງພັກການເມືອງອະນຸຮັກນິຍົມໃນການເລືອກຕັ້ງຂອງເອີຣົບເມື່ອ ເດືອນພຶດສະພາຜ່ານມາ.

ທັງນີ້ ທ່ານ ເອດົວ ຟີລິບ ນາຍົກລັດຖະມົນຕີແຫ່ງຝຣັ່ງໄດ້ເປີດເຜີຍວ່າ ຄຳສັ່ງຫ້າມທຳລາຍສິນຄ້າທີ່ບໍ່ແມ່ນອາຫານເຊັ່ນ ເສື້ອຜ້າ ເຄື່ອງໄຟຟ້າ ຜະລິດຕະພັນສຸຂະອະນາໄມ ແລະ ເຄື່ອງສຳອາງ ຊຶ່ງຈະເລີ່ມມີຜົນບັງຄັບໃຊ້ໃນອີກ 4 ປີຂ້າງໜ້າ.

ຂໍ້ມູນຈາກສຳນັກງານລັດຖະມົນຕີຂອງຝຣັ່ງໄດ້ເປີດເຜີຍວ່າ ແຕ່ລະປີຈະມີສິນຄ້າອຸປະໂພກ-ບໍລິໂພກທີ່ເປັນຂອງໃໝ່ຖືກຖິ້ມ ຫຼື ທຳລາຍຖິ້ມເປັນມູນຄ່າຫຼາຍກວ່າ 650 ລ້ານເອີໂຣ ຊຶ່ງຫຼາຍກວ່າຜະລິດຕະພັນຊະນິດດຽວກັນທີ່ຖືກນຳໄປບໍລິຈາກເຖິງ 5 ເທົ່າ ຊຶ່ງກົດໝາຍສະບັບນີ້ຊຶ່ງເປັນສ່ວນໜຶ່ງຂອງຮ່າງກົດໝາຍເສດຖະກິດທີ່ຈະສົ່ງເຂົ້າຄະນະລັດຖະມົນຕີໃນເດືອນກໍລະກົດນີ້ ໂດຍຈະບັງຄັບໃຫ້ຜູ້ຜະລິດ ແລະ ຜູ້ຈຳໜ່າຍສົ່ງມອບຜະລິດຕະພັນເຫຼົ່ານີ້ ເພື່ອນຳກັບມາໃຊ້ຄືນອີກ ຫຼື ຣີໄຊເຄິລຄືນໃໝ່.

 

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: AFP

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...