spot_img
Homeຂ່າວທ້ອງຖິ່ນເມືອງໝື່ນສ້າງຂະບວນການປູກຕົ້ນໄມ້ໃຫ້ເປັນປ່າ

ເມືອງໝື່ນສ້າງຂະບວນການປູກຕົ້ນໄມ້ໃຫ້ເປັນປ່າ

Published on

ເພື່ອປະຕິບັດຕາມຄາດໝາຍສູ້ຊົນຂອງລັດຖະບານໃນການເຮັດໃຫ້ອັດຕາການປົກຫຸ້ມຂອງປ່າໄມ້ໃນ ສປປ ລາວ ກວມ 70% ພາຍໃນປີ 2020 ຕາມທິດການພັດທະນາແບບຍືນຍົງ ແລະ ການເຕີບໂຕສີຂຽວຂອງອົງການສະຫະປະະຊາຊາດວາງອອກໃຫ້ປາກົດຜົນເປັນຈິ່ງ.

ເມື່ອວັນທີ 31 ພຶດສະພາທີ່ຜ່ານມາທີ່ເມືອງໝື່ນ ແຂວງວຽງຈັນ ໄດ້ຈັດກິດຈະກຳປູກຕົ້ນໄມ້ໃຫ້ເປັນປ່າເນື່ອງໃນໂອກາດວັນປູກຕົ້ນໄມ້ແຫ່ງຊາດ (ວັນທີ 1 ມິຖຸນາ ແລະ ວັນສິ່ງແວດລ້ອມແຫ່ງຊາດ ວັນທີ 5 ມິຖຸນາ 1999–2019) ພິທີດັ່ງກ່ວຈັດຂຶ້ນທີ່ ຫ້ອງວ່າການປົກຄອງເມືອງໝື່ນ ໂດຍການເຂົ້າຮ່ວມຂອງ ທ່ານ ພູວອນ ບຸນວິໄລ ກຳມະການພັກເເຂວງ ເລຂາພັກເມືອງ ເຈົ້າເມືອງໆໝື່ນ ມີທ່ານ ສົມອົກ ໜໍຈະເລີນ ຮອງຫົວໜ້າພະແນກກະສິກຳ ແລະ ປ່າໄມ້ແຂວງວຽງຈັນ ມີຄະນະປະຈຳປະຈຳພັກເມືອງ ກຳມະການພັກເມືອງ ພ້ອມດ້ວຍພະນັກງານ ທະຫານ ຕຳຫຼວດ ອຳນາດການປົກຄອງບ້ານ ນັກທຸລະກິດ ແລະ ພໍ່ແມ່ປະຊາຊົນເຂົ້າຮ່ວມ.

ໂອກາດດັ່ງກ່າວ ທ່ານ ບົວແກ້ວ ພອນໄຊສະຫວັດ ກຳມະການພັກເມືອງ ຫົວໜ້າຫ້ອງການກະສິກຳ ແລະ ປ່າໄມ້ເມືອງ ໄດ້ລາຍງານ ສະພາບປ່າໄມ້ ການເຄື່ອນໄຫວວຽກງານປ່າໄມ້ ແລະ ການປູກໄມ້ໃນຊຸມປີທີ່ຜ່ານມາຂອງຫ້ອງການກະສິກຳ ແລະ ປ່າໄມ້ເມືອງ ໂອກາດດຽວກັນ ທ່ານ ວຽງສະຫວັນ ພະສີສົມບູນ ຫົວໜ້າຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງໝື່ນກໍໄດ້ກ່າວລາຍງານການເຄື່ອໄຫວກຽວກັບວຽກງານຊັບພະຍາກອນທຳມະຊາດ ແລະ ສິ່ງແວດລ້ອມໃນໄລຍະ 1 ປີຜ່ານມາ ພ້ອມນີ້ ທ່ານເຈົ້າເມືອງກໍໄດ້ໂອ້ລົມ ແລະ ເນັ້ນໜັກມາຍັງທຸກພາກສ່ວນທີ່ເຂົ້າຮ່ວມການປູກຕົ້ນໄມ້ໃນຄັ້ງນີ້ຈົ່ງເອົາໃຈໃສ່ກ່ຽວກັບຫຼັກການປູກຕົ້ນໄມ້ໃຫ້ຖືກຕ້ອງ ທັງພ້ອມກັນເອົາໃຈໃສ່ກ່ຽວກັບການບົວລະບັດ ແລະ ຮັກສາປ່າໄມ້ ລວມເຖິງສິ່ງແວດລ້ອມໃຫ້ມີຄວາມຍືນຍົງ ໂດຍມອບໃຫ້ທຸກພາກສ່ວນເປັນເຈົ້າການພາຍຫຼັງການປູກຕ້ອງຮັກສາໃຫ້ເຕີບໃຫຍ່ກາຍເປັນຕົ້ນໄມ້ສີຂຽວ ແລະ ເປັນປ່າໄມ້ໃນອະນາຄົດ.

ສຳລັບກິດຈະກຳໃນປີນີ້ ຫ້ອງການກະສິກຳ ແລະ ປ່າໄມ້ເມືອງໝື່ນໄດ້ກຳນົດເຂດປູກຕົ້ນໄມ້ 3 ຈຸດໃຫຍ່ຄື ຈຸດສຳນັກງານຫ້ອງວ່າການປົກຄອງເມືອງໝື່ນ ຈຸດດິນຫວ່າງຂ້າງເດີ່ນກີລາເຕະບານຂອງເມືອງ ແລະ ຈຸດເດີ່ນວັດ ລວມ 97 ເຮັກຕາ ເບ້ຍໄມ້ທີ່ນຳມາປູກທັງໝົດມີ 1.600 ເບ້ຍ ໃນນີ້ ມີໄມ້ໃຫ້ໝາກ 200 ເບ້ຍ ໄມ້ປະດັບ 500 ເບ້ຍ ໄມ້ອຸດສາຫະກຳ 900 ເບ້ຍ ພ້ອມນີ້ ພໍ່ແມ່ປະຊາຊົນກໍໄດ້ປູກຕົ້ນໄມ້ຢູ່ຂອບເຂດທີ່ດິນຂອງຕົນລວມທັງໝົດ 55.000 ເບ້ຍ.

 

 

ໂດຍ: ແຫວນຄຳ

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...