spot_img
Homeຂ່າວທ້ອງຖິ່ນທູດໄທປະຈຳລາວຈັດກິດຈະກຳວັນມະຫາມຸງຄຸນພຣະຣາຊະພິທີບໍຣົມຣາຊາພິເສກ

ທູດໄທປະຈຳລາວຈັດກິດຈະກຳວັນມະຫາມຸງຄຸນພຣະຣາຊະພິທີບໍຣົມຣາຊາພິເສກ

Published on

ເມື່ອວັນທີ 31 ພຶດສະພາຜ່ານມາ ທ່ານ ກຽດຕິຄຸນ ຊາດປະເສີດ ເອກອັກຄະຣາຊະທູດໄທປະຈຳ ສປປ ລາວ ແລະ ພັນລະຍາ ພ້ອມດ້ວຍຂ້າລາຊະການສະຖານເອກອັກຄະຣາຊະທູດ ລວມທັງຂ້າລາຊະການທີມປະເທດໄທປະຈຳ ສປປ ລາວ ແລະ ປະຊາຊົນຊາວໄທໃນ ສປປ ລາວ ໄດ້ຮ່ວມກັນຈັດກິດຈະກຳບຳເພັນສາທາລະນະປະໂຫຍດ ເນື່ອງໃນໂອກາດມະຫາມຸງຄຸນ ພະຣາຊະພິທີບໍຣົມຣາຊາພິເສກພຸດທະສັກກະຣາດ 2562 ແລະ ວັນສະເຫຼີມພະຊົນມະພັນສາສົມເດັດພຣະນາງເຈົ້າພຣະບໍຣົມຣາຊິນີປະຈຳປີພຸດທະສັກກະຣາດ 2562.

ພິທີດັ່ງກ່າວຈັດຂຶ້ນຢູ່ທີ່ໂຮງຮຽນສຶກສາພິເສດ ເມືອງສີໂຄດຕະບອງ ນະຄອນຫຼວງວຽງຈັນ ໂດຍໄດ້ຕິດຕັ້ງຖັງເກັບນໍ້າ ແລະ ເຄື່ອງສູບນໍ້າ ລວມທັງລະບົບນໍ້າປະປາ ແລະ ມອບສິ່ງຂອງຕ່າງໆບໍ່ວ່າຈະເປັນ ໂຕະ ຕັ່ງ ອຸປະກອນກີລາ ວັດຖຸ-ເຄື່ອງໃຊ້ທີ່ຈຳເປັນສຳລັບໂຮງຮຽນ ແລະ ນັກຮຽນ ພ້ອມນີ້ກໍໄດ້ມີການແຈກຂອງຂວັນ ແລະ ຂອງທີ່ລະນຶກໃຫ້ຜູ້ທີ່ເຂົ້າຮ່ວມງານ ໂດຍສະເພາະກໍແມ່ນນ້ອງໆນັກຮຽນ.

ໂອກາດດຽວກັນທາງສະຖານທູດໄທປະຈຳ ສປປ ລາວ ກໍໄດ້ລ້ຽງອາຫານທ່ຽງໃຫ້ນ້ອງນັກຮຽນ ຄະນະຄູ-ອາຈານ ແລະ ຜູ້ປົກຄອງ ຊຶ່ງມີ ທ່ານ ສົມພູ ແກ້ວປັນຍາ ຫົວໜ້າພະແນກສຶກສາ ແລະ ກີລາ ນະຄອນຫຼວງວຽງຈັນ ເປັນຜູ້ແທນລັດຖະບານ ສປປ ລາວ ເຂົ້າຮ່ວມ ພ້ອມນີ້ ກໍມີການສະແດງສິລະປະຈາກນ້ອງນັກຮຽນ ແລະ ກິດຈະກຳອື່ນໆ.

 

 

ໂດຍ: ສະຫະລັດ ວອນທິວົງໄຊ

ຮູບພາບ: ສະຖານທູດໄທ

ບົດຄວາມຫຼ້າສຸດ

ອອກມາແລ້ວ ກົດໝາຍວ່າດ້ວຍລັດຖະກອນສະບັບປັບປຸງໃໝ່ ລົງວັນທີ 7 ພຶດສະພາ 2025

ແຈ້ງການອອກມາແລ້ວ ກົດໝາຍວ່າດ້ວຍພະນັກງານ-ລັດຖະກອນ ສະບັບປັບປຸງ ເລກທີ 046/ປປທ ລົງວັນທີ 07/09/2025 ມີເນື້ອໃນດັ່ງນີ້:

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...