ໂດຍປະຕິບັດຕາດຳລັດຂອງນາຍົກລັດຖະມົນຕີສະບັບເລກທີ 67/ນຍ ລົງວັນທີ 3 ກຸມພາ 2017 ໜັງສືສະເໜີຂອງສະຖາບັນຣັຕນະ ບໍລິຫານທຸລະກິດ ສະບັບເລກທີ 0214/ຮລບພ 2019 ລົງວັນທີ 2 ພຶດສະພາ 2019 ໂດຍອີງຕາມການຄົ້ນຄວ້າ ແລະ ນຳສະເໜີຂອງກົມການສຶກສາຊັ້ນສູງ ກະຊວງສຶກສາທິການ ແລະ ກີລາ ເຫັນດີອອກຂໍ້ຕົກສະບັບເລກທີ 1821/ສສກ ລົງວັນທີ 15 ພຶດສະພາ 2019 ວ່າດ້ວຍການຮັບຮອງ ແລະ ອະນຸມັດນຳໃຊ້ຫຼັກສູດຕໍ່ເນື່ອງລະດັບປະລິນຍາຕີໃນ 3 ສາຂາວິຊາຄື ວິຊາບໍລິຫານທຸລະກິດທົ່ວໄປ ວິຊາການເງິນ-ການທະນາຄານ ແລະ ວິຊາພາສາອັງກິດ.
ສຳລັບທ່ານທີ່ຈະເຂົ້າສະໝັກແມ່ນບໍ່ຈຳກັດວ່າທ່ານຈະຈົບມາຈາກສະຖາບັນໃດ ຂໍພຽງແຕ່ທ່ານຈົບມາໃນສາຍວິຊາທີ່ກ່າວມາຂ້າງເທິງກໍສາມາດເຂົ້າມາສອບເສັງໄດ້ ສຳລັບເອກະສານປະກອບມີ ໃບປະກາດຈົບຊັ້ນສູງ ໃບຄະແນນຈົບຊັ້ນສູງ ໃບປະກາດຈົບມໍ 7 ແລະ ໃບຢັ້ງຢືນທີ່ຢູ່ ແລ້ວກໍເຂົ້າໄປຂຽນຟອມສະໝັກຢູ່ທີ່ວິທະຍາໄຣຣັຕນະ ຊຶ່ງຈະເປີດຮັບສະໝັກຢ່າງເປັນທາງການແຕ່ເດືອນກໍລະກົດ 2019 ຈົນເຖິງວັນທີ 26 ກັນຍາ 2019 ແລະ ຈະສອບເສັງວັນທີ 28 ກັນຍາ 2019 ທີ່ວິທະຍາໄລຣັຕນະ ບໍລິຫານທຸລະກິດ ຫຼື ໂທສອບຖາມລາຍລະອຽດໄດ້ທີ່ໝາຍເລກ (021) 413871.
ໂດຍ: ສະຫະລັດ ວອນທິວົງໄຊ
ຮູບພາບ: ຣັຕນະ ບໍລິຫານທຸລະກິດ