spot_img
Homeຂ່າວຕ່າງປະເທດ“ແທັກຊີລອຍຟ້າ” ຄວາມລ້ຳໜ້າແຫ່ງໂລກອະນາຄົດ

“ແທັກຊີລອຍຟ້າ” ຄວາມລ້ຳໜ້າແຫ່ງໂລກອະນາຄົດ

Published on

ຫຼັງຈາກການທົດສອບຖ້ຽວບິນທຳອິດຂອງເຮືອບິນເຈັທ Lilium ກໍປະສົບຄວາມສຳເລັດໄປດ້ວຍດີ ທັງນີ້ Lilium ຖືເປັນສະຕາຣດອັບຈາກ Munich ໃນປະເທດເຢຍລະມັນຊຶ່ງກໍຄືຜູ້ທີ່ຢູ່ເບື້ອງຫຼັງນະວັດຕະກຳລ້ຳສະໄໝນັ້ນກໍຄື ແທັກຊີບິນໄດ້ ຫຼື ເຮືອບິນເຈັທໄຟຟ້າລຳທຳອິດຂອງໂລກ ຊຶ່ງພວມເດີນໜ້າທົດລອງບິນໃນຫຼາຍເມືອງທົ່ວໂລກ ໂດຍໄດ້ວາງແຜນໃຫ້ບໍລິການຢ່າງເຕັມຮູບແບບພາຍໃນປີ 2025 ນີ້.

ທັງນີ້ ເຮືອບິນເຈັທໄຟຟ້າດັ່ງກ່າວສາມາດທຳຄວາມໄວສູງສຸດທີ່ 300 ກີໂລແມັດຕໍ່ຊົ່ວໂມງ ຊຶ່ງໄວກວ່າແທັກຊີທີ່ໃຫ້ບໍລິການຕາມທ້ອງຖະໜົນເຖິງ 4 ເທົ່າ ແລະ ຍັງຂັບເຄື່ອນໄດ້ເຖິງ 300 ກີໂລແມັດຕໍ່ການສາກແບັດເຕີຣີ 1 ຄັ້ງ ເວົ້າໄດ້ວ່າເປັນບໍລິການແທັກທີ່ທາງອາກາດທີ່ຖືກພັດທະນາຂຶ້ນມາເພື່ອປະຕິວັດການເດີນທາງໃນເມືອງຍຸກໃໝ່ໂດຍສະເພາະ.

ເຮືອບິນດັ່ງກ່າວຂັບເຄື່ອນດ້ວຍເຄື່ອງຍົນເຈັທໄຟຟ້າທັງໝົດ 36 ໂຕ ເປັນເຮືອບິນທີ່ບໍ່ມີຫາງ ບໍ່ແຜ່ນກະດານຄວບຄຸມທິດທາງ ບໍ່ມີໃບພັດ ລວມເຖິງບໍ່ມີກະປຸກເກຍ ໂດຍເຮືອບິນລຳນີ້ຈະໃຊ້ພະລັງງານເທົ່າກັບລົດໄຟຟ້າທົ່ວໄປ ດັ່ງນັ້ນ ຈິ່ງເປັນມິດກັບສິ່ງ ແວດລ້ອມ.

ທັງນີ້ ບໍລິສັດຈາກເຢຍລະມັນຕ້ອງຫາທາງຕໍ່ສູ້ກັບບໍລິສັດໃຫຍ່ຫຼາຍລາຍທີ່ເຂົ້າມາຍາດສ່ວນແບ່ງຕະຫຼາດຍານພາຫະນະບິນໄດ້ ບໍ່ວ່າຈະເປັນ Uber ທີ່ຮ່ວມກັບ NASA ຊຶ່ງຕັ້ງເປົ້າເປີດໂຕເຄືອຂ່າຍແທັກຊີບິນໄດ້ໃນປີ 2023 ພ້ອມນີ້ ກໍມີ Boeing ແລະ Rolls Royce ທີ່ເຮັດວຽກຮ່ວມກັນເພື່ອພັດທະນາລົດບິນໄດ້.

ຮຽບຮຽງ: ສະຫະລັດ ວອນທິວົງໄຊ

ຮູບພາບ:

ບົດຄວາມຫຼ້າສຸດ

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ.

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ. ສຳນັກຂ່າວຕ່າງປະເທດລາຍງານໃນວັນທີ 16 ເມສາ 2025 ນີ້ວ່າ: ລັດທະບານຂອງປະທານາທິບໍດີ ໂດນັລ...

“ປະຫວັດຄວາມເປັນມາຂອງບຸນປີໃໝ່ລາວ” (ປະຫວັດນາງສັງຂານເທບພະທິດາທັງ 07)

"ປະຫວັດຄວາມເປັນມາຂອງບຸນປີໃໝ່ລາວ"(ປະຫວັດນາງສັງຂານເທບພະທິດາທັງ 07) ຄວາມເປັນມາຂອງນາງສັງຂານ (ບຸນປີໃໝ່ລາວ) ໃນອະດີດຕະການດົນນານມາແລ້ວ... ໃນສະໄໝນັ້ນມີເຈົ້າຜູ້ຄອງເມືອງສະຫວັນອົງໜື່ງຊື່ "ພະຍາກະບິນລະພຣົມ" ເປັນຄົນມີພູມປັນຍາສະຫຼາດອາດຫານເກັ່ງກ້າສາມາດບໍ່ມີຜູ້ໃດມາທຽມໄດ້ເປັນເທບແຫ່ງສວງສະຫວັນວິມານຊັ້ນຟ້າ (ຊັ້ນພຣົມ), ຢູ່ມາມື້ໜຶ່ງບັນດາເສນາອາມາດໄດ້ຮູ້ຂ່າວວ່າມີຊາຍໜຸ່ມຄົນໜື່ງໃນໂລກມະນຸດສະຫຼາດຫຼັກແຫຼມເປັນນັກປຣາດບັນດິດຈື່ງເຊີນເຂົ້າມາໃນເມືອງສະຫວັນເພື່ອທ້າສະໝອງລອງປັນຍາດ້ວຍເຫດເລົ່າກັນມາມີດັ່ງນີ້: "ພະຍາກະບິນລະພຣົມ" ຈຶ່ງໄດ້ທ້າສະໝອງລອງປັນຍາ ກັບທ່ານນັກປຣາດຜູ້ຮຽນຈົບໄຕຼເພດ (ຄວາມຮູ້ຂັ້ນສູງສາມຢ່າງ ໄດ້ແກ່...

ເຫດເຮລິຄອບເຕີ ຕົກລົງແມ່ນໍ້າຮັດສັນ ນະຄອນນິວຢອກ ສະຫະລັດອາເມລິກາ ເສຍຊີວິດ 6 ຄົນ

ເສຍຊີວິດໝົດລຳ! ເຫດເຮລິຄອບເຕີ ຕົກລົງແມ່ນໍ້າຮັດສັນ ນະຄອນນິວຢອກ ສະຫະລັດອາເມລິກາ ເສຍຊີວິດ 6 ຄົນ ສຳນັກຂ່າວຕ່າງປະເທດລາຍງານໃນຊ່ວງບາຍຂອງວັນທີ 10 ເມສາ 2025 ກີດເຫດເຮລິຄອບເຕີລຳໜຶ່ງປະສົບອຸບັດເຫດຄົກລົງໃນແມ່ນໍ້າຮັດສັນ ບໍລິເວນທ່າເຮືອ 40...

ພິທີມອບ​-ຮັບໂຄງການກໍ່ສ້າງ,​ ປັບປຸງ,​ ສ້ອມແປງ ອາຄານຫໍພິພິທະພັນແຂວງຈຳປາສັກ ມູນຄ່າ 15 ຕື້ດົງ

ພິທີມອບ​-ຮັບໂຄງການກໍ່ສ້າງ,​ ປັບປຸງ,​ ສ້ອມແປງ ອາຄານຫໍພິພິທະພັນແຂວງຈຳປາສັກ. ວັນທີ 11 ເມສາ 2025,​ ໄດ້ມີພິທີມອບ​-ຮັບໂຄງການກໍ່ສ້າງ,​ ປັບປຸງ,​ ສ້ອມແປງ ອາຄານຫໍພິພິທະພັນແຂວງຈຳປາສັກ ແຕ່ກ່ອນແມ່ນອາຄານຫ້ອງການພະແນກການຕ່າງປະເທດແຂວງ ຫຼື​ ອາຄານເກົ່າຫ້ອງວ່າການແຂວງ.​...